२ कोरीन्‍थी 3:2 - पश्‍चिम तामाङ

² जम्‍मचेनो स्‍येःबतेङ् खेत्‍प खम्‍बे लागीरी एङ्‍यीमानो ङ्‍यीमाकी सेम्‍री ब्रीबे सीफारीस्‍की चीठी य्‍हीन्‍ब।

२ कोरीन्‍थी 3:2 ပူးပေါင်းရင်းမြစ်များ

रोमी 1:8

ङोन्‍ग्‍यम् ङ एङ्‍यीमा जम्‍मइ लागीरी ङइ पर्‌मेस्‍वर्‌त येसु ख्रीस्‍ट् ग्‍यम्‍से व्‍होर्‌छ्‍ये पीन्‍ब, तलेपङ्‍सम् एङ्‌यीमाइ बीस्‍वास्‍की बारेरी जम्‍बुलीङ्‌की जम्‍मनो ग्‍लामारी थ्‍येःटीब।

१ कोरीन्‍थी 3:10

पर्‌मेस्‍वर्‌की अनुग्रहचे लज्‍यीम् ङचे ज्‍यनले जग युब स्‍येःबे कर्‌मीचे र्‌हङ्‌ले जग युबल मुब, ओसेम् ल्‍हो-ल्‍होमाचे हुजु जोरी दीम् स्‍य्‍हेङ्‍टीबल मुब। तर हुजु जोरी दीम् स्‍य्‍हेङ्‍टीबलमा जम्‍मचेनो ज्‍यनले च्‍याज्‍यीम् स्‍य्‍हेङ्‍थोब।

२ कोरीन्‍थी 11:11

ङचे एङ्‌यीमाचे पीन्‍बे टङ अकीन्‍बल तज्‍यीम् ता एङ्‌यीमात ङचे अम्‍होइबल बी म्‍हेन्‍ब? ङचे एङ्‌यीमात गदे म्‍होइब पङ्‍बे तम् पर्‌मेस्‍वर्‌चे खेम्‍जेत्‍प!

२ कोरीन्‍थी 12:15

एङ्‌यीमाकी लागीरी ङ जम्‍मनो स्‍हेमा तङ्‍-तङ्‍ज्‍यीम् पीन्‍स्‍ये मुब, ओसेम् र्‌हङ्‍की जीवनएनो पीन्‍स्‍ये मुब। ङचे एङ्‌यीमात य्‍हक्‍को म्‍होइब तर एङ्‍यीमाचेम् ङत चेक्‍कीनो म्‍होइबल र्‌हङ्‍ब म्रङ्‌ब।

२ कोरीन्‍थी 3:1

ङ्‌यीमाचे देबेएनो र्‌हङ्‌चे र्‌हङ्‌तनो तोप्‍प म्‍हइबल अय्‍हीन्। ल्‍हो-ल्‍हो डेत्-डेत् म्‍हीमात सीफारीस् तोःब र्‌हङ्‌ले ङ्‌यीमाचे एङ्‍यीमात ओसेम् ङ्‍यीमात एङ्‍यीमाचे ल्‍हो-ल्‍होमात ङोन्‍बरी सीफारीस्‍की चीठी ब्रीअतो।

२ कोरीन्‍थी 7:3

एङ्‍यीमात दोस् पीन्‍बरी ङचे चु तम् पङ्‍बल अय्‍हीन्, ङ्‌यीमाचे एङ्‌यीमात सेम् य्‍हङ्‌सेनो म्‍होइब बी ङोन्‍ग्‍यम् य्‍हङ्‌सेनो ङचे पङ्‍बल य्‍हीन्‍ब। होत्‍तज्‍यीम् ङ्‍य्‍हङ्‍मा सोलेएनो स्‍यीलेनो बक्‍च्‍य टीस्‍ये मुब।

फीलीप्‍पी 1:7

एङ्‍यीमात ङचे खेम पङ्‌लेनो ङइ सेम्‍री थेन्‍बल मुब। एङ्‌यीमाकी बारेरी चोतेब म्‍हेन्‍ब ङचे ज्‍यब म्‍हेन्‍ज्‍यी, तलेपङ्‍सम् देरे ङ जेल्‍री मुलेएनो ओसेम् जेल्‍री अरेलेएनो, एङ्‍यीमा ङतेङ् बक्‍च्‍य ज्‍यबे सम्‍तर् स्‍येत्‍परी ओसेम् जोगाइतीबरी परमेस्‍वरचे न्‍हङ्‍जेत्‍पे अनुग्रहरी ङतेङ् बक्‍च्‍य मुब।

१ थेस्‍लोनीकी 1:8

तलेपङ्‍सम् एङ्‍यीमाचे प्रभुइ फ्रोइ माकेडोनीयातेङ् अखैयारीकीनो अय्‍हीन्, तर पर्‌मेस्‍वर्‌री एङ्‍यीमाचे स्‍य्‍हेङ्‌बे बीस्‍वास् खन गोदोब्‍नो ग्‍लामारी ठम्‍बल मुब। हुजुइ बारेरी ङ्‍यीमात ल्‍हो-ल्‍हो तएनो पङ्‍अथो।