२ कोरीन्‍थी 11:32 - पश्‍चिम तामाङ

³² ङ दमस्‍कस्‍री मुबे बेलोरी ग्‍यल्‍बो अरीतसकी ङ्‍हच्‍छ्‌यङ् हाकीम्‍चे ङत चुङ्‌बे लागीरी सहर्‌की जम्‍मनो ग्‍लामारी स्‍यीपाइमात पीत्‍पल मुबल।

२ कोरीन्‍थी 11:32 ပူးပေါင်းရင်းမြစ်များ

प्रेरीत् 9:10

दमस्‍कस सहर्‌री हननीया पङ्‍बे डब गीः मुबल। थेत म्‍हङ्‍री प्रभुचे, “हननीया!” बी ङ्‌होत्‍जेत्‍ज्‍यी। हननीयाचे “कसोल प्रभु, सुङ्‌जेतो!” बी पङ्‍ज्‍यी।

प्रेरीत् 9:2

“ङ दमस्‍कस्‍री ङ्‌यीज्‍यीम् प्रभुइ लीप्‍चे ब्रबे अपकोलमातेङ् अमकोलमात खजु-खजु स्‍यप्‍लेएनो चुङ्‌ज्‍यीम्, खीज्‍यीम् यरुसलेमरी बम्‍यङो बी यहुदीमा र्‌हुब् तबे दीम्‍माकी मीन्‍री स्‍योःस्‍यो ब्रीपीनो” पङ्‍ज्‍यीम् र्‌हीत्‍ज्‍यी।

प्रेरीत् 9:8

ओसेम् साऊल रेःज्‍यीम् मीः फ्‍येःज्‍यीम् च्‍यामम् थेचे तएनो म्रङ्‌अखम्। होत्‍तज्‍यीम् थेतेङ् बक्‍च्‍य मुबे म्‍हीमाचे थेत या चुङ्‌ज्‍यीम् दमस्‍कस्‍री सेबोर्‌ज्‍यी।

२ कोरीन्‍थी 11:26

ङचे ग्‍ला ग्‍लामारी ङ्‌यीबे बेलोरी भल् युबे स्‍योङ्‍मा तार्‌तीबे जोखीम्, डाकुमाकी जोखीम्, र्‌हङकी जातीतेङ् यहुदी अय्‍हीन्‍बे म्‍हीमाकी जोखीम्‍मा नाज्‍यी। ओसेम् सहर्‌मारी, उजाड ग्‍लामारी, समुन्‍द्रमारी, ओसेम् भ्‍युकी अलेमा ग्‍यम्‍सेएनो जोखीम्‍मा नाथोब मुबल।