२ कोरीन्‍थी 11:2 - पश्‍चिम तामाङ

² पर्‌मेस्‍वर्‌चे एङ्‍यीमात स्‍हेर्‌जेत्‍प र्‌हङले ङएनो एङ्‌यीमाकी लागीरी स्‍हेर्‌बल मुब। गीःकीनो र्‌हेम्‍बोइ पबीत्र दुलहीकी रुप्‍री ङचे एङ्‍यीमात ख्रीट्‍तेङ् भ्‍य्‍ह स्‍य्‍हेङ्‌पीन्‍बरी बाचा स्‍य्‍हेङ्‌बल मुब।

२ कोरीन्‍थी 11:2 ပူးပေါင်းရင်းမြစ်များ

युहन्‍ना 3:29

दुलही दुलहल य्‍हीन्‍ब, ओसेम् दुलहकी रेइरी रप्‍पे र्‌हो दुलहइ केत् थ्‍येःज्‍यीम् य्‍हक्‍को तङ्‍ब। चोले ङइ तङ्‍ब देरेम् टोप् तबल मुब।

रोमी 7:4

होलेनो ङइ बीस्‍वासी र्‌होमा, ख्रीस्‍ट्‍तेङ् बक्‍च्‍य एङ्‌यीमाएनो मोसाचे ब्रीबे पर्‌मेस्‍वर्‌की नीयम्‍की लागीरी स्‍यीबल मुब, देरेम् एङ्‍यीमा स्‍यीब ग्‍यम्‍से सोजेत्‍पे ख्रीस्‍ट्‌तेङ् गीः तबल मुब। होत्‍तज्‍यीम् ङ्‍य्‍हङ्‍माचे पर्‌मेस्‍वर्‌की लागीरी ज्‍यबे लक्‍मा स्‍य्‍हेङ्‍ब खम्‍ब।

१ कोरीन्‍थी 4:15

तलेपङ्‍सम् एङ्‍यीमात ख्रीस्‍ट्‍की बारेरी लोप्‍पे म्‍हीमा य्‍हक्‍को मुलेएनो एङ्‌यीमाल अपमी य्‍हक्‍को अरे। तलेपङ्‍सम् एङ्‍यीमात ज्‍यबे सम्‍तर् स्‍येत्‍ज्‍यीम् येसु ख्रीस्‍ट्‍त स्‍येःनलबल तज्‍यीम् ङ एङ्‌यीमाकी अप र्‌हङ्‍ब तबल मुब।

२ कोरीन्‍थी 4:14

पर्‌मेस्‍वर्‌चेनो प्रभु येसुत स्‍यीब ग्‍यम्‍से सोनलजेत्‍ज्‍यी बी ङ्‌यीमाचे स्‍येःब। ओसेम् पर्‌मेस्‍वर्‌चे येसुत फेःरी सोनलजेत्‍प र्‌हङ्‌ले ङ्‍य्‍हङ्‍मातएनो येसुतेङ् बक्‍च्‍य सोनलजेत्‍स्‍ये मुब, ओसेम् एङ्‌यीमातेङ् ङ्‌यीमा जम्‍मतनो थेङ्‍की ङोन्‍री नोम्‍जेत्‍स्‍ये मुब।

गलाती 4:11

एङ्‌यीमाकी लागीरी ङचे स्‍य्‍हेङ्‌बे लक् खेर य्‍हर्‌ज्‍यी बी ङ लोङ्‍बल मुब।

फीलीप्‍पी 1:8

एङ्‍यीमात खतु लबे सेम् ङल य्‍हक्‍को मुब, तलेपङ्‍सम् एङ्‌यीमात ङचेएनो येसु ख्रीस्‍ट्‍चे म्‍होइब र्‌हङ्‌ले म्‍होइब। ङचे चु तम् देमेन् पङ्‍टीब बी पर्‌मेस्‍वर्‌नो साक्षी मुब।

कलस्‍सी 1:28

होत्‍तज्‍यीम् ङ्‌यीमा जम्‍मनो म्‍हीमात ख्रीस्‍ट्‍की बारेरी स्‍येत्‍प। ओसेम् ङ्‌यीमाचे पर्‌मेस्‍वर्‌चे न्‍हङ्‍जेत्‍पे जम्‍मनो बुद्‍दीचे म्‍हीमात चेतावनी पीन्‍ज्‍यीम् लोप्‍प। जम्‍मतनो ख्रीस्‍ट्‍री च्‍यीप्‍नलज्‍यीम् पर्‌मेस्‍वर्‌ज बोर्‌बरी ङ्‌यीमाचे चोले स्‍य्‍हेङ्‍ब।

१ थेस्‍लोनीकी 2:11

एङ्‌यीमाचेएनो स्‍येबल मुब, अपचे र्‌हङ्‌की कोलमात स्‍य्‍हेङ्‌ब र्‌हङ्‍बे ब्‍यबहार् ङ्‌यीमाचे एङ्‍यीमा जम्‍मत स्‍य्‍हेङ्‌ज्‍यी।

प्रकास 14:4

थेङ्‍यीमा अमकोलमातेङ् अन्‍हुब मुबल, ओसेम् कङ्‍य अपकोलमा मुबल। थेङ्‍यीमा थुमाकी लीप्‍चेकीनो ब्रबल मुबल। थेङ्‌यीमात पर्‌मेस्‍वर्‌चे जम्‍बुलीङ्‌की म्‍हीमा ग्‍यम्‍से सइ फाजेत्‍ज्‍यीम् फेःपीन्‍जेत्‍पल मुबल, ओसेम् थेङ्‌यीमा पर्‌मेस्‍वर्‌तेङ् थुमाकी लागीरी गोदोब्‍न्‍हङ् ङोन्‍ग्‍यम् पीन्‍बे भेटी मुबल।