२ कोरीन्‍थी 11:17 - पश्‍चिम तामाङ

¹⁷ ङचे चोले घमन्‍ड लज्‍यीम् प्रभु येसुचे र्‌हङ्‌ले अय्‍हीन्, तर मुर्‌खचे र्‌हङ्‌ले तम् पङ्‍टीब मुब।

२ कोरीन्‍थी 11:17 ပူးပေါင်းရင်းမြစ်များ

१ कोरीन्‍थी 7:12

तर ल्‍हो-ल्‍होमात (प्रभु ग्‍यम्‍से अय्‍हीन्, ङ र्‌हङ्‍चेनो पङ्‍ब), खजु पङ्‌लेनो ख्रीस्‍टीयन् अपकोलल ख्रीस्‍ट्‍त बीस्‍वास् अस्‍य्‍हेङ्‌बे म्रीङ् मुब, ओसेम् थेइ म्रीङ् थेतेङ्नो टीबे सेम् लसम् थेचे म्रीङ्‍त ख्‍लाब अत।

१ कोरीन्‍थी 7:25

देरेम् ङ एङ्‍यीमाचे कङ्‍य अमकोलाकी बारेरी ङ्‍योत्‍पे तम्‍की जोहब् चोले पीन्‍ब। ङचे कङ्‍य अमकोलमाकी लागीरी कुल्‍बरी ङत प्रभुचे तइ अर्‌तीएनो न्‍हङ्‌जेत्‍पल अरे, तर प्रभुइ क्रीपाचे ङ बीस्‍वासीलो तबल तज्‍यीम् एङ्‍यीमात र्‌हङ्‍की तम्‍मा पङ्‍ब।

१ कोरीन्‍थी 7:6

ङचे चु तम् एङ्‍यीमाचे स्‍य्‍हेङ्‌नोथोब बी कुल्‍बल अय्‍हीन्, तर एङ्‍यीमात अनुमती पीन्‍बल य्‍हीन्‍ब।

२ कोरीन्‍थी 11:1

देरेम् ङचे एङ्‌यीमात पङ्‍ब छ्‌येःटीबे तम्‍री ङ चेक्‍पजकी मुर्‌ख तलेएनो एङ्‍यीमाचे ङत नापीन्‍सम् तस्‍येल! ङ फ्‍या लब एङ्‍यीमाचे नापीनो।

२ कोरीन्‍थी 9:4

माकेडोनीयाकी म्‍हीमा खल पङ्‌लेनो ङतेङ् बक्‍च्‍य खज्‍यी पङ्‌सम् ओसेम् एङ्‍यीमाचे टङ टोप् लज्‍यीम् थेन्‍बल थेङ्‌यीमाचे अयङ्‍ज्‍यी पङ्‌सम् ङ्‍यीमामी पेत्‍स्‍ये मुब, ओसेम् एङ्‌यीमाएनो पेत्‍स्‍ये मुब, तलेपङ्‍सम् एङ्‌यीमा टोप्‍ले टीबल मुब पङ्‍बे तम्‍री ङ्‌यीमा य्‍हक्‍को ढुक्‍क मुबल।