२ कोरीन्‍थी 10:12 - पश्‍चिम तामाङ

¹² र्‌हङ्‌चे र्‌हङ्‌तनो ङ्‍हच्‍छ्‍यङ् बी म्‍हेन्‍बे म्‍हीमातेङ् ङ्‌यीमाचे र्‌हङ्‌चे र्‌हङ्‍त व्‍हज्‍यीम् च्‍याबे आर् अल। तर थेङ्‍यीमाचे र्‌हङ् र्‌हङ्‌न्‍हङ्‌री गीःचे गीःतेङ् व्‍हब ओसेम् र्‌हङ्‌चे र्‌हङ्‌तनो दप्‍पतेङ् थेङ्‍यीमामी तेएनो अगोबे मुर्‌ख म्‍हीमा तब।

२ कोरीन्‍थी 10:12 ပူးပေါင်းရင်းမြစ်များ

लुका 18:11

फरीसी रप्‍ज्‍यीम् र्‌हङ्‌चे र्‌हङ्‌की बारेरी चोले प्रार्‌थना स्‍य्‍हेङ्‌ज्‍यी, ‘पर्‌मेस्‍वर् ङ थेङ्‌त ह्‍वोर्‌छ्‌ये पीन्‍ब, ङ ल्‍हो-ल्‍हो म्‍हीमा र्‌हङ्‌बे लोभीतेङ् अर्‌ती अङ्‍येन्‍बे म्‍ही अय्‍हीन्। ङचे ब्‍यभीचारेएनो स्‍य्‍हेङ्‌बल अरे। ओसेम् ङ चुजु तीरो दुत्‍पे म्‍ही र्‌हङ्‌बएनो अय्‍हीन्।

रोमी 15:18

ख्रीस्‍ट्‌चे ङइ जीवन ग्‍यम्‍से स्‍य्‍हेङ्‌जेत्‍बे लक्‍माकी बारेरीकीनो ङचे पङ्‌बे आर् लब। पर्‌मेस्‍वर्‌की फ्रोइ ङ्‌येन्‍बरी ङचे यहुदी अय्‍हीन्‍बे म्‍हीमात ङइ लक्‍तेङ् प्रचार ग्‍यम्‍से

२ कोरीन्‍थी 10:11

होतेबे म्‍हीमाचेमी गोथोब की ङ्‌यीमाचे एङ्‍यीमात थारीङ् ग्‍यम्‍से चीठीरी ता ब्रीज्‍यी हुजुनो एङ्‍यीमाज खबतेङ्‍एनो स्‍य्‍हेङ्‍स्‍ये मुब।

२ कोरीन्‍थी 10:18

तलेपङ्‍सम् खल्‍चे पङ्‌लेनो र्‌हङ्‌चे र्‌हङ्‌तनो ज्‍यब पङ्‍मनो थे ज्‍यबमी अय्‍हीन्। तर खजु म्‍हीत प्रभुचे ज्‍यब बी सुङ्‍जेत्‍प हुजु म्‍हीनो ज्‍यब तब।

२ कोरीन्‍थी 3:1

ङ्‌यीमाचे देबेएनो र्‌हङ्‌चे र्‌हङ्‌तनो तोप्‍प म्‍हइबल अय्‍हीन्। ल्‍हो-ल्‍हो डेत्-डेत् म्‍हीमात सीफारीस् तोःब र्‌हङ्‌ले ङ्‌यीमाचे एङ्‍यीमात ओसेम् ङ्‍यीमात एङ्‍यीमाचे ल्‍हो-ल्‍होमात ङोन्‍बरी सीफारीस्‍की चीठी ब्रीअतो।

२ कोरीन्‍थी 5:12

ङ्‌यीमाचे देबेएनो एङ्‌यीमाकी ङोन्‍री र्‌हङ्‌तनो तोप्‍प म्‍हइबल अय्‍हीन्, तर ङ्‍यीमाकी बारेरी एङ्‍यीमात घमन्‍ड स्‍य्‍हेङ्‌बे मौक पीन्‍टीब मुब। ओसेम् म्‍हीइ सेम्‍की तम्‍री अय्‍हीन् तर मीःचे म्रङ्‌बे तम्‍री घमन्‍ड स्‍य्‍हेङ्‌बे म्‍हीमात एङ्‌यीमाचे जोहब् पीन्‍ब खम्‍बल तस्‍ये मुब।