१ तीमोथी 5:1 - पश्‍चिम तामाङ

¹ र्‌हङ् बीम फेरङ्‍ब अपकोलमात थबराको, तर थेङ्‍यीमात र्‌हङ्‌की अपत र्‌हङ्‌ले स्‍य्‍हेस लज्‍यीम् लोपो, ओसेम् र्‌हङ् बीम दीर्‌हङ्‍बमात र्‌हङ्‌की अलेत र्‌हङ्‌ले लोपो।

१ तीमोथी 5:1 ပူးပေါင်းရင်းမြစ်များ

मत्‍ती 23:8

“तर एङ्‍यीमातम् खल्‍चेएनो ‘लोप्‍पोन्’ अपङ्‌खइ, तलेपङ्‍सम् एङ्‌यीमाल लोप्‍पोन् गीकीनो मुब, ओसेम् एङ्‍यीमा जम्‍मनो अज्‍यो-अलेमा य्‍हीन्‍ब।

प्रेरीत् 14:23

ओसेम् पावलतेङ् बारनाबासचे मन्‍डली र्‌हङ्‍स्‍यीनो अगुवामा दम्‍ज्‍यी। ओसेम् ङ्‌यीम्‍बु टीज्‍यीम् प्रार्‌थना स्‍य्‍हेङ्‌ज्‍यीम् थेङ्‌यीमात र्‌हङ्‌चे बीस्‍वास् स्‍य्‍हेङ्‌बे प्रभुइ फ्‍यारी सोप्‍तीपीन्‍ज्‍यी।

प्रेरीत् 15:4

थेङ्‍यीमा यरुसलेम दोखब बीसेम् हुजुरी मुबे मन्‍डलीमातेङ् प्रेरीतमा ओसेम् एल्‍डरमाचे थेङ्‌यीमात स्‍वागत स्‍य्‍हेङ्‌ज्‍यी। ओसेम् पावलतेङ् बारनाबासचे पर्‌मेस्‍वर्‌चे थेङ्‍य्‍ही ग्‍यम्‍से स्‍य्‍हेङ्‍जेत्‍पे जम्‍मा लक्‍माइ बारेरी हुजुरी र्‌हुब तबलमात स्‍येत्‍पीन्‍ज्‍यी।

प्रेरीत् 15:6

ओसेम् फरीसीमाचे पङ्‍बे चु तम् ज्‍योप्‍परी प्रेरीतमातेङ् मन्‍डलीइ अगुवामा र्‌हुब तज्‍यी।

प्रेरीत् 20:17

पावलचे मीलेट सहर् ग्‍यम्‍से एफीसस सहर्‌की मन्‍डलीइ एल्‍डर्‌मात ङ्‍होत्‍परी म्‍ही पीत्‍ज्‍यी।

रोमी 13:7

एङ्‍यीमाचे फाथोबलमात फागो। तीरो फाथोबलत तीरो फागो, भन्‍सार फाथोबलत भन्‍सार फागो, ओसेम् स्‍य्‍हु लथोबलमात स्‍य्‍हु लउ ओसेम् स्‍य्‍हेस स्‍य्‍हेङ्‌थोबलत स्‍य्‍हेस स्‍य्‍हेङो।

गलाती 6:1

ङइ बीस्‍वासी र्‌होमा, खल्‍चे पङ्‌लेनो अज्‍यबे लक् स्‍य्‍हेङ्‍टीसम् एङ्‌यी आत्‍मा ग्‍यम्‍से सोबलमाचे नम्र तज्‍यीम् थेत ज्‍यबे ग्‍यम्‍री ब्रन लबरी र्‌हो स्‍य्‍हेङ्‍थोब। तर एङ्‌यीमा र्‌हङएनो परीक्षारी अदोखइ पङ्‍ज्‍यीम् होसीयार् तथोब।

१ तीमोथी 5:17

मन्‍डलीइ स्‍य्‍हप्‍तो ज्‍यनले स्‍य्‍हेङ्‌बे एल्‍डरमाचे य्‍हक्‍को स्‍य्‍हेस यङ्‍थोब। थेङ्‍यीमा न्‍हङ्‍रीएनो खल्‍चे पर्‌मेस्‍वर्‌की फ्रोइ लोप्‍पतेङ् प्रचारकी लक् स्‍य्‍हेङ्‌ब थेचे य्‍हक्‍को स्‍य्‍हेस यङ्‍थोब।

१ तीमोथी 5:2

ओसेम् र्‌हङ् बीम फेरङ्‍ब अममात र्‌हङ्‌की अमत र्‌हङ्‌ले स्‍य्‍हेस लज्‍यीम् लोपो, ओसेम् र्‌हङ् बीम दीर्‌हङ्‍ब अमकोलमात र्‌हङ्‌की अङत र्‌हङ्‌ले चोखो सेम् थोज्‍यीम् लोपो।

तीतस 2:2

खेक्‍प म्‍हीमा सान्‍त तथोब, स्‍य्‍हेस यङ्‌बरी जेःनले ब्रथोब, र्‌हङ्‌चे र्‌हङ्‍त दुल्‍थोब, पर्‌मेस्‍वर्‌री बीस्‍वासी तथोब, ओसेम् म्‍होइबतेङ् नाप खम्‍बल तथोब बी लोपो।

तीतस 2:6

होलेनो ब्‍योन् म्‍हीमात र्‌हङ्‌चे र्‌हङ्‍त दुल्‍थोब बी आर् पीन्‍ज्‍यीम् लोपो।

याकुब 3:17

तर पर्‌मेस्‍वर् ग्‍यम्‍से यङ्‍बे बुद्‍दी ङोन्‍नो सुद्‍द तब, सान्‍तीरी टीब, र्‌होकी तम्‍तेङ् डीःब ओसेम् थुन्‍ज्‍यीम् टीब। चोतेबे बुद्‍दी दयचे प्‍लीङ्‍बल तब ओसेम् ज्‍यबे लक्‍मा स्‍य्‍हेङ्‌ब, बेख्‍लेतेङ् कपटी अत

याकुब 5:14

एङ्‍यीमा न्‍हङ्‍री खलए नबल मुब? थेचे मन्‍डलीकी अगुवामात ङ्‍होत्‍थोब, ओसेम् थेङ्‍यीमाचे प्रभुइ छेन्‍री नबे म्‍हीत छ्‌युकु स्‍य्‍हल्‍ज्‍यीम् पर्‌मेस्‍वर्‌त प्रार्‌थना स्‍य्‍हेङ्‍थोब।

१ पत्रुस 5:1

ङएनो मन्‍डलीइ एल्‍डर् ओसेम् ख्रीस्‍ट्‍चे नाजेत्‍पे दुख म्रङ्‌बे म्‍ही, ओसेम् पर्‌मेस्‍वर्‌चे ङोन्‍जेत्स्‍येकी महीमारी ङएनो तस्‍ये तज्‍यीम् देरेम् ङ एङ्‍यीमान्‍हङ् मुबे मन्‍डलीइ एल्‍डर्‌मात फ्‍या लज्‍यीम् पङ्‍ब।

२ युहन्‍ना 1:1

ङ एल्‍डर ग्‍यम्‍से पर्‌मेस्‍वर्‌चे दम्‍जेत्‍पे अमकोलतेङ् थेइ जम्‍मनो ज जमेमात ब्रीटीब, थेङ्‍यीमात ङ देमेन्‍नो म्‍होइब। ङचेकीनो अय्‍हीन् देमेन्‍त स्‍येःबलमा जम्‍मचेनो एत म्‍होइब,

३ युहन्‍ना 1:1

ङचे देमेन्‍नो म्‍होइबे ङइ खोबे र्‌हो गायसत ङ एल्‍डर् ग्‍यम्‍से चु चीठी ब्रीटीब।

प्रकास 4:4

हुजु ठीइ कोरोरो खल् गीःस्‍यी ब्‍ली ल्‍हो-ल्‍हो ठीःमा मुबल। ओसेम् क्ररी म्‍हर्‌की क्रेःकीमा कुःबल ओसेम् तर् येन्‍मा येन्‍बे खल् गीःस्‍यी ब्‍ली एल्‍डर्‌मा हुजु ठीमारी टीबल मुबल।