१ थेस्‍लोनीकी 4:11 - पश्‍चिम तामाङ

¹¹ ङ्‌यीमाचे एङ्‌यीमात ङोन्‍ग्‍यम्‍नो लोप्‍प र्‌हङ्‌ले थुन्‍ज्‍यीम् टीउ, र्‌हङ्‌की लक्‍री सेम् पीनो, ओसेम् र्‌हङ् सोबे लागीरी र्‌हङ्‌की या ग्‍यम्सेनो लक् स्‍य्‍हेङो।

१ थेस्‍लोनीकी 4:11 ပူးပေါင်းရင်းမြစ်များ

मर्‌कुस् 13:34

“चु तम्‍मी न्‍याबोचे र्‌हङ्‌की योक्‍पोमात र्‌हङ्-र्‌हङ्‍की लक् ज्‍यनले स्‍य्‍हेङो। ओसेम् र्‌हङ्‌की दीम् रुङ्‍बे म्‍हीत ज्‍यनले दीम् रुङो बी कुल्‍ज्‍यीम् थारीङ् कोर्‌बरी ङ्‌यीबल र्‌हङ्‍ब य्‍हीन्‍ब।

प्रेरीत् 18:3

थेङ्‌यीमा पाल स्‍य्‍हेङ्‌बे लक् स्‍य्‍हेङज्‍यीम् चब थुङ्‍ब लब मुबल। होत्‍तज्‍यीम् पावलचे थेङ्‍यीमातेङ् टीज्‍यीम् लक् स्‍य्‍हेङ्‌ज्‍यी, तलेपङ्‍सम् थेचेएनो पाल स्‍य्‍हेङ्‌बे लक् स्‍य्‍हेङ्‌ब मुबल।

प्रेरीत् 20:35

ङचे एङ्‌यीमात जम्‍मनो लक्‍मा स्‍य्‍हेङ्‌ज्‍यीम् ङोन्‍बल मुब, एङ्‌यीमाचेएनो होलेनो य्‍हक्‍को दुख स्‍य्‍हेङ्‌ज्‍यीम् प्रङ्‌नमात र्‌हो स्‍य्‍हेङ्‍थोब। ओसेम् प्रभु येसुचे ‘कीन्‍ब बीमम् पीन्‍ब ज्‍यब’ बी सुङ्‍बे फ्रोइत ह्‍वल् लथोब।”

रोमी 12:11

ब्‍लेकु अलनले लक् स्‍य्‍हेङो, सेम् य्‍हङ्‌सेनो प्रभुइ लक् स्‍य्‍हेङो।

रोमी 15:20

ल्‍होल्‍होचे तीप्‍पे जग्‍री दीम् स्‍य्‍हेङ्‌ब र्‌हङ्‌ले ल्‍होल्‍होचे ङोन्‍नो प्रचार् स्‍य्‍हेङ्‌बे ग्‍लारी ङचे प्रचार स्‍य्‍हेङ्‌बे सेम् अल। ख्रीस्‍ट्‍की बारेरी थ्‍येनो अथ्‍येबतेङ् ल्‍होल्‍होचे ङोन्‍नो प्रचार् अस्‍य्‍हेङ्‌बे ग्‍लारीकीनो ज्‍यबे सम्‍तर् स्‍येत्‍पे सेम् ङल य्‍हक्‍को मुब।

१ कोरीन्‍थी 4:12

ङ्‌यीमाचे चब थुङ्‌बतेङ् येन्‍बे येन्‍की लागीरी र्‌हङ्‍की याचेनो य्‍हक्‍को दुखले लक् स्‍य्‍हेङ्‍ब। र्‌होचे केत्‍पतेङ् ङ्‌यीमाचे मोलम् पीन्‍ब। ङ्‍यीमात म्‍हीमाचे पीन्‍बे दुख ङ्‌यीमाचे नाप।

२ कोरीन्‍थी 5:9

होत्‍तज्‍यीम् ङ्‍य्‍हङ्‍मा चु जम्‍बुलीङ्‌री टीलेएनो, स्‍वर्‌गरी टीलेएनो ङ्‍य्‍हङ्‍माचे प्रभुत तङ्‍नलबे सेम् थोब।

एफीसी 4:28

खल्‍ल पङ्‌लेनो य्‍हो लबे बानी मुसम् देरेम् य्‍हो लब पीत्‍थोब। तर थेचे र्‌हङ्‍चेनो दुख लज्‍यीम् इमान्‍दार्‌ले लक् स्‍य्‍हेङ्‍थोब, ओसेम् थेचे तोःबे म्‍हीमात ता पङ्‌लेनो पीन्‍ब खम्‍थोब।

१ तीमोथी 2:2

ओसेम् ङ्‍य्‍हङ्‍मा अलोङ्‍नले सान्‍तीरी ब्रज्‍यीम् पर्‌मेस्‍वर्‌त सेम्‍री ङ्‌यीबतेङ् पबीत्र जीवन सोब खम्‍खइ बी ग्‍यल्‍बोमातेङ् ङ्‍हच्‍छ्‍यङ् पद्‍री मुबलमाकी लागीरी प्रार्‌थना स्‍य्‍हेङो।

१ तीमोथी 5:13

मीन् ब्रीबे छ्‍येःरी थेङ्‍यीमाकी मीन् मुसम् थेङ्‍यीमा ब्‍लेकु तबल तस्‍ये मुब, ल्‍होल्‍होमाकी दीम् दीम्‍री कोर्‌ज्‍यीम् ब्रबल तस्‍ये मुब, होदेकीनो अय्‍हीन् र्‌होकी तङ्‍मेन् लज्‍यीम् अथुन्‍नलबल तस्‍ये मुब, ओसेम् पङ्‍ब अतबे तम्‍माएनो पङ्‍बल तस्‍ये मुब।

तीतस 3:14

ओसेम् ङ्‍य्‍हङ्‍की म्‍हीमाचे तोःबे म्‍हीमात पीन्‍ज्‍यीम् ज्‍यबे लक् स्‍य्‍हेङ्‌ब लोप्‍थोब। थेङ्‍यीमा ज्‍यबे लक् अस्‍य्‍हेङ्‍नले टीब अत।

१ पत्रुस 3:4

बरु एङ्‍यीमा म्‍हज्‍यीम् अय्‍हर्‌बे नम्रतेङ् सान्‍त आत्‍माचे न्‍हङ् ज्‍यब तउ। हुजुमी पर्‌मेस्‍वर्‌की ङोन्‍री य्‍हक्‍को ज्‍यबे तम् य्‍हीन्‍ब।

१ पत्रुस 4:15

एङ्‍यीमाचे दुख यङ्‍लेनो खल्‍चेएनो म्‍ही सेत्‍पल, य्‍हो लबल, अज्‍यबे लक्‍मा स्‍य्‍हेङ्‌बल वुइ र्‌होइ लक्‍री या जङ्‍बल तज्‍यीम् दुख यङ्‌बल अतखइ।