13 पर्मेस्वर्चे एङ्यीमात र्हङ्ले दम्जेत्पे बेबीलोन्की बीस्वासी र्होमाचे एङ्यीमात लस्सो पीत्खबल मुब, ओसेम् ङइ ज र्हङ्बे मर्कुस्चेएनो एङ्यीमात लस्सो पीत्खबल मुब।
चु तम् स्येःब बीसेम् थे मर्कुस पङ्बे युहन्नाइ अम मरीयमकी दीम्री ङ्यीज्यी। हुजुरी य्हक्को म्हीमा र्हुब् तज्यीम् प्रार्थना स्य्हेङ्टीबल मुबल।
ओसेम् बारनाबासतेङ् साऊलचे यरुसलेम्री टङ सथेन्ङ्यीज्यीम् मर्कुस पङ्बे युहन्नात थेङ्य्हीतेङ् बक्च्य बज्यीम् यरुसलेम्चे दोःज्यी।
बारनाबासचे मर्कुस पङ्बे युहन्नात बक्च्य बोर्बे सेम् लज्यी।
चु तम्री थेङ्य्ही य्हक्को अथुन्ज्यीम् फेःज्यी। ओसेम् बारनाबासचे मर्कुसत बोर्ज्यीम् दोङ्गरी क्रेत्ज्यीम् साइप्रस पङ्बे ग्लारी य्हर्ज्यी।
ङतेङ् बक्च्य जेल्री मुबे अरीस्तार्खस्चे एङ्यीमात लस्सो पीत्खबल मुब। बारनाबासकी म्हेम्य मर्कुस्चेएनो लस्सो पीत्खबल मुब। थेइ बारेरी ङचे ङोन्ग्यम्नो एङ्यीमात पङ्ज्यीन्बल मुब, थे खबतेङ् ज्यनले स्वागत स्य्हेङो।
ङतेङ् बक्च्य लक् स्य्हेङ्बे मर्कुस ओसेम् अरीस्तार्खस्, डेमास ओसेम् लुकाचेएनो लस्सो पीत्खटीब मुब।
ङ एल्डर ग्यम्से पर्मेस्वर्चे दम्जेत्पे अमकोलतेङ् थेइ जम्मनो ज जमेमात ब्रीटीब, थेङ्यीमात ङ देमेन्नो म्होइब। ङचेकीनो अय्हीन् देमेन्त स्येःबलमा जम्मचेनो एत म्होइब,
पर्मेस्वर्चे दम्जेत्पे चुरी मुबे एइ अङइ कोलमाचे एङ्यीमात लस्सो पीत्खबल मुब।
ओसेम् थेइ ङ्होरी रहस्यइ मीन् गीः ब्रीबल मुबल, हुजुरी चोले ब्रीबल मुबल, “ङ्हच्छ्यङ् बेबीलोन्, जम्बुलीङ्की जम्मनो बेस्यामातेङ् नेइबे लक् स्य्हेङ्बलमाकी अम!”
हुजु स्वर्गदुत्चे क्रीङ्ज्यीम् चोले पङ्ज्यी, “ङ्हच्छ्यङ् सहर् बेबीलोन् नास् तज्यी! देरेम् हुजु सहर् म्हङ्मातेङ् दुस्ट आत्मामा टीबे ग्ला तबल मुब। ओसेम् हुजुरी जम्म खाल्की नेइबतेङ् असुद्द ङ्यम्ङ्यमातेङ् सेम्ज्यन्मा टीब।