१ पत्रुस 4:18 - पश्‍चिम तामाङ

¹⁸ धर्‌म छ्‍येरी चोले ब्रीबल मुब, “धर्‌मी म्‍हीत थर्‌बरी गारो तब पङ्‌सम् पर्‌मेस्‍वर्‌त अङ्‍येन्‍बे पापीमालमी झेन् गदे गारो तल?”

१ पत्रुस 4:18 ပူးပေါင်းရင်းမြစ်များ

लुका 15:1

तीरेत् तीरो दुत्‍पे म्‍हीमातेङ् ल्‍हो-ल्‍हो पापीमा जम्‍मनो येसुइ फ्रोइ ङ्‌येन्‍बरी थेङ्‌की रेइरी र्‌हुप्‍ले खज्‍यी।

लुका 23:31

तलेपङ्‍सम् दोङ्‌बो पीङ् मुबे बेलोरीनो चोतेब स्‍य्‍हेङ्‌ब पङ्‌सम् दोङ्‌बो खर्‌सम् ता लल?”

प्रेरीत् 14:22

थेङ्‍य्‍हीचे हुजु ग्‍लामारी मुबे बीस्‍वासीमात बीस्‍वास्‍री कोङ्‍नलज्‍यीम् खेम पङ्‌लेनो बीस्‍वास्‍री टीउ बी आर् पीन्‍ज्‍यीम् पङ्‍ज्‍यी। ओसेम्, “पर्‌मेस्‍वर्‌की य्‍हुल्‍री वङ्‌ब बीम ङोन्‍ग्‍यम् ङ्‍य्‍हङ्‍चे दुख नाथोब” पङ्‍बे तम् थेङ्‌यीमात लोप्‍ज्‍यी।

प्रेरीत् 27:24

‘पावल, थलोङो, ए ग्‍यल्‍बो कैसर्‌की ङोन्‍री ङ्‌यीज्‍यीम् रप्‍नोथोब। ओसेम् एतेङ् दोङ्‍गरी मुबे म्‍हीमात पर्‌मेस्‍वर्‌चे सोनलजेत्‍स्‍ये मुब।’

प्रेरीत् 27:31

तर पावलचे कप्‍तान्‍तेङ् स्‍यीपाइमात पङ्‍ज्‍यी, “चु दोङ्‍ग चल्‍तीबे म्‍हीमा य्‍हर्‌ज्‍यी पङ्‌सम् थेङ्‍मा खलएनो थर्‌स्‍ये अरे।”

रोमी 1:18

स्‍वर्‌ग ग्‍यम्‍से पर्‌मेस्‍वर्‌की बोमो म्‍हीमाकी जम्‍मनो पाप्‍तेङ् दुस्‍ट लक्‍माकी बीरुद्‍दरी म्रङ्‍खबल मुब, हुजु म्‍हीमाचे र्‌हङ्‍की दुस्‍ट लक्‍माचे देमेन्‍त प्‍लेटीबल मुब।

रोमी 5:6

ङ्‍य्‍हङ्‍माचे थर्‌ब यङ्‍बे लागीरी र्‌हङ्‌चे तएनो स्‍य्‍हेङ्‍ब अखम्‍बल तज्‍यीम्, ख्रीस्‍ट् र्‌हङ्‌नो ङ्‌य्‍हङ् पापीमाकी लागीरी ठीक् बेलोरी स्‍यीपीन्‍जेत्‍ज्‍यी।

रोमी 5:8

तर पर्‌मेस्‍वर्‌चेमी थेङ्‍की ङ्‍हच्‍छ्‍यङ् म्‍होइब ङ्‍य्‍हङ्‍मात चोले ङोन्‍जेत्‍ज्‍यी, ङ्‍य्‍हङ्‍मा पापी मुमनो ख्रीस्‍ट् ङ्‍य्‍हङ्‍माकी लागीरी स्‍यीपीन्‍जेत्‍ज्‍यी।

१ कोरीन्‍थी 10:12

होत्‍तज्‍यीम् खल्‍चे पङ्‌लेनो बीस्‍वास्‍री कोङ्‍नले रप्‍पल मुब बी म्‍हेन्‍बे म्‍हीचे थे होसीयार् तखइ्, अय्‍हीन् पङ्‌सम् थे पाप्‍री दोस्‍ये मुब।

१ तीमोथी 1:9

ओसेम् ङ्‍य्‍हङ्‍माचे स्‍येःब, नीयम्‍मी ज्‍यबे म्‍हीमाकी लागीरी स्‍य्‍हेङ्‍बल अय्‍हीन्, तर नीयम् अङ्‍येन्‍बलमा, डाकुमा, पर्‌मेस्‍वर्‌त अम्‍हन्‍दीबलमा, पापीमा, अपबीत्रमा, पर्‌मेस्‍वर् तङ्‍बे लक् अस्‍य्‍हेङ्‍बलमातेङ्, र्‌हङ्‌की अप अम सेत्‍पलमा ओसेम् म्‍हीमा सेत्‍पलमाकी लागीरी स्‍य्‍हेङ्‍बल य्‍हीन्‍ब,

हीब्रु 4:1

पर्‌मेस्‍वर्‌चे ङ्‍य्‍हङ्‍मात दुःब न्‍हबे ग्‍लारी वङ्‍पुङ्‍ब बी सुङ्‍जेत्‍पे बाचा दवम् मुब। होत्‍तज्‍यीम् ङ्‍य्‍हङ्‍मा होसीयार् तज्‍यीम् टीइ, ओसेम् एङ्‍यीमान्‍हङ्‍री हुजु दुःब न्‍हबे ग्‍लारी वङ्‍अम्‍यङ्‍बल खलेएनो अतखइ।

याकुब 5:6

एङ्‍यीमाचे र्‌हङ्‍त बीरोद् अलबे म्‍हीमात दोस् ल्‍हइदीज्‍यीम् सेत्‍पल मुब।

१ पत्रुस 5:8

छोर्‌ज्‍यीम् चोङ्‍ले टीउ, एङ्‌यीमाकी सत्‍तुर् सैतान्, ङ्‍हर्‌बे ता र्‌हङ्‌ले खल्‍त स्‍यप्‍ल ओसेम् चम्‍यङ्‍ल पङ्‍ज्‍यीम् दज्‍यीम् ब्रटीब।

२ पत्रुस 3:7

तर देरे मुबे स्‍वर्‌गमातेङ् जम्‍बुलीङ्‍एनो मे ग्‍यम्‍से नास् स्‍य्‍हेङ्‌बरी पर्‌मेस्‍वर्‌की हुजु फ्रोइचेनो जोगइतीज्‍यीम् थेन्‍जेत्‍पल मुब। ओसेम् पर्‌मेस्‍वर्‌की फ्रोइ अङ्‍येन्‍बे म्‍हीमात न्‍याय स्‍य्‍हेङ्‌ज्‍यीम् नास् स्‍य्‍हेङ्‌बे दीन् सम्‍म स्‍वार्‌गमातेङ् जम्‍बुलीङ् तस्‍यीनो टीस्‍ये मुब।

यहुदा 1:15

थेङ्‌चे जम्‍मनो म्‍हीमाकी न्‍याय स्‍य्‍हेङ्‍जेत्‍स्‍ये मुब। ओसेम् पर्‌मेस्‍वर्‌त अतङ्‍बे दुस्‍ट लक्‍मा स्‍य्‍हेङ्‍बलमातेङ् थेङ्‌की बीरुद्‍दरी तम् पङ्‍बलमा जम्‍मतनो सजाय न्‍हङ्‌जेत्स्‍ये मुब।”