15 एङ्यीमाचे दुख यङ्लेनो खल्चेएनो म्ही सेत्पल, य्हो लबल, अज्यबे लक्मा स्य्हेङ्बल वुइ र्होइ लक्री या जङ्बल तज्यीम् दुख यङ्बल अतखइ।
“ङत बीस्वास् लबल तज्यीम् म्हीमाचे एङ्यीमात पेत्न लब, दुख पीन्ब, ओसेम् एङ्यीमाइ बीरुदरी भ्यु पङ्ज्यीम् जम्म अज्यबे तम्मा पङ्बतेङ् एङ्यीमा मोलम् यङ्बलमा तब।
ङ्यीमाचे एङ्यीमात ङोन्ग्यम्नो लोप्प र्हङ्ले थुन्ज्यीम् टीउ, र्हङ्की लक्री सेम् पीनो, ओसेम् र्हङ् सोबे लागीरी र्हङ्की या ग्यम्सेनो लक् स्य्हेङो।
एङ्यीमान्हङ्री गदे म्हीमामी ब्लेकु तज्यीम् टीबल रो पङ्बल ङ्यीमाचे थ्येःज्यी। थेङ्यीमा र्हङचेमी तइ लक्एनो अस्य्हेङ् तर र्होइ लक्रीम् या जङ्ज्यीम् ब्रब रो।
मीन् ब्रीबे छ्येःरी थेङ्यीमाकी मीन् मुसम् थेङ्यीमा ब्लेकु तबल तस्ये मुब, ल्होल्होमाकी दीम् दीम्री कोर्ज्यीम् ब्रबल तस्ये मुब, होदेकीनो अय्हीन् र्होकी तङ्मेन् लज्यीम् अथुन्नलबल तस्ये मुब, ओसेम् पङ्ब अतबे तम्माएनो पङ्बल तस्ये मुब।
हुजु ज्यबे सम्तर् स्येत्पल तज्यीम् ङचे दुख नाटीबल य्हीन्ब, होदेकीनो अय्हीन् ङत अज्यबे लक् स्य्हेङ्बे म्हीत र्हङ्ले च्यल्दचे खीःबल मुब। तर पर्मेस्वर्की फ्रोइमी च्यल्दचे खीःबल अरे।
तर एङ्यीमाचे ज्यबे लक् स्य्हेङ्माएनो दुख यङ्ज्यी पङ्सम् एङ्यीमात पर्मेस्वर्चे मोलम् न्हङ्स्ये मुब। होत्तज्यीम् खल्तेङेनो थलोङो ओसेम् थछेरो।
तलेपङ्सम् पर्मेस्वर्की थु:नो य्हीन्सम्, अज्यबे लक् स्य्हेङ्ज्यीम् दुख नाब बीमम् ज्यबे लक् स्य्हेङ्ज्यीम् दुख नाब ज्यब य्हीन्ब।