१ पत्रुस 3:18 - पश्चिम तामाङ18 तलेपङ्सम् खेम पङ्लेनो योनले ख्रीस्ट् पाप्माकी लागीरी तीक्ख्यप् स्यीपीन्जेत्ज्यी। थेङ्चे पाप स्य्हेङ्अजेत्लेनो एङ्यीमात पर्मेस्वर्ज बबरी एङ्यी पापीमाकी लागीरी स्यीपीन्जेत्ज्यी। थेङ् ल्हीरी स्यीजेत्ज्यी, तर आत्मारी सोम्बो तजेत्ज्यी। အခန်းကိုကြည့်ပါ။ |
१ पत्रुस 3:18
34 ပူးပေါင်းရင်းမြစ်များ
म्हीइ पाप स्वभाब्चे लज्यीम् मोसाचे ब्रीबे नीयम्चे म्हीमात पाप् ग्यम्से फेःपीन्ब अखम्बे लक् पर्मेस्वर्चे स्य्हेङ्जेत्ज्यी। पर्मेस्वर्चे र्हङ्की जत पापी स्वभाब् मुबे म्हील र्हङ्बे ल्हीःरी पीत्युजेत्ज्यी। ओसेम् म्हीइ पाप्की लागीरी थेङ्त सजाय न्हङ्जेत्ज्यी, ओसेम् थेङ्की ल्हीः ग्यम्से पाप्की सक्तीत नास् स्य्हेङ्जेत्ज्यी।
तलेपङ्सम् थेङ् कम्जोर् तज्यीम् क्रुस्री स्यीजेत्ज्यी तर पर्मेस्वर्की सक्तीचे थेङ् सोम्बो तजेत्ज्यी। ङ्यीमाएनो थेङ् र्हङ्लेनो कम्जोर् तबल मुब, तर पर्मेस्वर्की लक् एङ्यीमाकी गुङ्री स्य्हेङ्बे बेलोरी ङ्यीमा ख्रीस्ट्तेङ् सोस्ये मुब, ओसेम् पर्मेस्वर्की सक्ती ङ्यीमातेङ् तस्ये मुब।
मोसाचे ब्रीबे पर्मेस्वर्की नीयम् अङ्येन्बल तज्यीम् ङ्य्हङ्मात फोःथोबे केम्लङ् ख्रीस्ट्चे ङ्य्हङ्माकी लागीरी नाजेत्ज्यी, ओसेम् थेङ्चे ङ्य्हङ्मात हुजु केम्लङ् ग्यम्से फेःपीन्जेत्पल मुब। तलेपङ्सम् धर्म छ्येःरी, “दोङ्बोरी च्योलाबलमा जम्मनो केम्लङ् फोःबल तब” बी ब्रीबल मुब।
तर ख्रीस्ट्की कारी ङ्य्हङ्मात सुद्द तनलबे झेन् य्हक्को ङ्हच्छ्यङ् सक्ती मुब। खेमपङ्लेनो तस्यीनो टीजेत्पे पर्मेस्वर्की आत्मा ग्यम्से सीद्द ठा रुप्री ख्रीस्ट्चे र्हङ्तनो पर्मेस्वर्त सोप्तीजेत्ज्यी। होले पङ्सम् ङ्य्हङ्माचे सोम्बो पर्मेस्वर्की सेव स्य्हेङ्ब खम्खइ पङ्ज्यीम् ख्रीस्ट्की काचे लक् अतबे पेठीम् ग्यम्से ङ्य्हङ्माकी बीबेक्त झेन् य्हक्को सुद्द तनलब खम्ब।
ကြော်ငြာတွေ