१ पत्रुस 3:17 - पश्‍चिम तामाङ

¹⁷ तलेपङ्‍सम् पर्‌मेस्‍वर्‌की थु:नो य्‍हीन्‍सम्, अज्‍यबे लक् स्‍य्‍हेङ्‌ज्‍यीम् दुख नाब बीमम् ज्‍यबे लक् स्‍य्‍हेङ्‌ज्‍यीम् दुख नाब ज्‍यब य्‍हीन्‍ब।

१ पत्रुस 3:17 ပူးပေါင်းရင်းမြစ်များ

मत्‍ती 26:39

ओसेम् थेङ् चेक्‍प जाकी क्‍योर् स्‍येज्‍यीम् सरी पब्‍लु लजेत्‍ज्‍यीम् चोले प्रार्‌थना स्‍य्‍हेङ्‍जेत्‍ज्‍यी, “ङइ अप, तसम् चु दुख ङ ग्‍यम्‍से स्‍यलाजेतो। तर ङचे म्‍हेन्‍ब र्‌हङ्‌ब अय्‍हीन्, थेङ्‌चे म्‍हेन्‍ब र्‌हङ्‌ब तखइ।”

मत्‍ती 26:42

येसु देबेएनो चेक्‍प जाकी क्‍योर् स्‍येःज्‍यीम् चोले प्रार्‌थना स्‍य्‍हेङ्‍जेत्‍ज्‍यी, “ङइ अप, चु दुख ङचे अना गदे अतसम् थेङ्‌चे थुः लजेत्‍प र्‌हङ्‍बनो तखइ।”

प्रेरीत् 18:21

यहुदीमा ग्‍यम्‍से फेःज्‍यीम् य्‍हर्‌बे बेलोरी पावलचे थेङ्‌यीमात, “पर्‌मेस्‍वर्‌की थुः मुसम् ङ एङ्‍यीमाज दोःज्‍यीम् खल” बी पङ्‍ज्‍यीम् थे एफीसस ग्‍यम्‍से दोङ्‍गरी क्रेत्‍ज्‍यीम् य्‍हर्‌ज्‍यी।

प्रेरीत् 21:14

पावलचे अङ्‌येन्‍ब बीसेम् ङ्‌यीमाचे “प्रभुइ थुः टोप् तखइ” पङ्‍ज्‍यीम् कुटी टीज्‍यी।

१ पत्रुस 1:6

एङ्‍यीमा चु तम्‍मारी य्‍हक्‍को तङो, होलेतलेनो देरे एङ्‍यीमाचे य्‍हम्‍की लागीरी य्‍हक्‍को थोइ दुखमा नाथोबल मुब।

१ पत्रुस 2:15

तलेपङ्‍सम् एङ्‍यीमाचे स्‍य्‍हेङ्‌बे ज्‍यबे लक् ग्‍यम्‍से मुर्‌ख म्‍हीमाचे अगोननो तम् पङ्‍ब पीत्‍खइ पङ्‍बे सेम् पर्‌मेस्‍वर्‌ल मुब।

१ पत्रुस 2:20

तलेपङ्‍सम् एचे अज्‍यबे लक् स्‍य्‍हेङ्‌ज्‍यीम् दुख यङ्‍बतेङ् नाप ङ्‍हच्‍छ्‍यङ् तम् अय्‍हीन्, तर एचे ज्‍यबे लक् स्‍य्‍हेङ्‍ज्‍यीमएनो दुख यङ्‍बतेङ् नासम् पर्‌मेस्‍वर् एतेङ् तङ्‍जेत्‍स्‍ये मुब।

१ पत्रुस 3:14

तर एङ्‍यीमाचे ज्‍यबे लक् स्‍य्‍हेङ्‌माएनो दुख यङ्‌ज्‍यी पङ्‌सम् एङ्‍यीमात पर्‌मेस्‍वर्‌चे मोलम् न्‍हङ्‌स्‍ये मुब। होत्‍तज्‍यीम् खल्‍तेङेनो थलोङो ओसेम् थछेरो।

१ पत्रुस 4:15

एङ्‍यीमाचे दुख यङ्‍लेनो खल्‍चेएनो म्‍ही सेत्‍पल, य्‍हो लबल, अज्‍यबे लक्‍मा स्‍य्‍हेङ्‌बल वुइ र्‌होइ लक्‍री या जङ्‍बल तज्‍यीम् दुख यङ्‌बल अतखइ।

१ पत्रुस 4:19

होत्‍तज्‍यीम् पर्‌मेस्‍वर्‌की थुः अनुसार् दुख नाबलमाचे ज्‍यबे लक् स्‍य्‍हेङ्‍स्‍यीनो टीखइ। ओसेम् थेङ्‍यीमात स्‍य्‍हेङ्‍जेत्‍पे पर्‌मेस्‍वर्‌री थेङ्‍यीमाचे र्‌हङ्‍त सोप्‍तीखइ। थेङ्‍चे र्‌हङ्‍की बाचा खेम पङ्‌लेनो टोप्‍ले स्‍य्‍हेङ्‌जेत्‍प।