१ पत्रुस 3:13 - पश्‍चिम तामाङ

¹³ ओसेम् एङ्‍यीमाचे ज्‍यबे लक् स्‍य्‍हेङ्‌बे सेम् थो:ब पङ्‌सम् खल्‍चे एङ्‌यीमात न्‍होङ्‍नलब?

१ पत्रुस 3:13 ပူးပေါင်းရင်းမြစ်များ

रोमी 13:3

तलेपङ्‌सम् सासक्‍मा ग्‍यम्‍सेमी ज्‍यबे लक् स्‍य्‍हेङ्‌बलमा अय्‍हीन् तर अज्‍यबे लक् स्‍य्‍हेङ्‌बलमा लोङ्‌थोब। ता एङ्‌यीमा सासक्‍मा ग्‍यम्‍से अलोङ्‌बे सेम् लब? होले पङ्‌सम् एङ्‌यीमाचे ज्‍यबे लक् स्‍य्‍हेङो, थेङ्‌यीमाचे एङ्‌यीमात तोप्‍स्‍ये मुब।

रोमी 8:28

ओसेम् ङ्‍य्‍हङ्‍माचे स्‍येःब, पर्‌मेस्‍वर्‌त म्‍होइबतेङ् थेङ्‍की थुः टोप् लबरी थेङ्‌चे ङ्‌होत्‍जेत्‍पे जम्‍मनो म्‍हीइ लागीरी जम्‍मनो तम्‍मारी पर्‌मेस्‍वर्‌चे ज्‍यब स्‍य्‍हेङ्‌जेत्‍प।

१ कोरीन्‍थी 14:1

म्‍होइबनो एङ्‌यीमाकी लक्ष्‍य तथोब, ओसेम् आत्‍मीक् बर्‌दान्‍मा यङ्‍बरी य्‍हक्‍को सेम् लउ, हुजुमा न्‍हङ्‍रीएनो अगम्बानी पङ्‍बे बर्‌दान् यङ्‍बरी झेन् य्‍हक्‍को सेम् लउ।

एफीसी 5:1

एङ्‍यीमा पर्‌मेस्‍वर्‌चे म्‍होइजेत्‍पे कोलमा तज्‍यीम् थेङ् र्‌हङ्‍बनो तब म्‍हइगो।

१ थेस्‍लोनीकी 5:15

खल्‍चे पङ्‌लेनो अज्‍यब स्‍य्‍हेङ्‍सम् एङ्‌यीमाकी गुङ्‍री खल्‍चेएनो खीत् थफागो। तर एङ्‍यीमाचे खेम पङ्‌लेनो गीःचे गीःत ओसेम् जम्‍मतनो ज्‍यब स्‍य्‍हेङ्‌बे सेम् थोःगो।

१ तीमोथी 5:10

थे ज्‍यबे लक्‍मा स्‍य्‍हेङ्‌ज्‍यीम् मीन् चल्‍दीबल तथोब, थेचे र्‌हङ्‍की कोलमात ज्‍यनले स्‍य्‍हप्‍तो स्‍य्‍हेङ्‍बल, डोम्‍बोमात दीम्‍री क्‍योङ्‍बल, बीस्‍वासीमाकी कङ् ख्रुबल, दुखरी मुबलमात र्‌हो स्‍य्‍हेङ्‍बल, ओसेम् खजु पङ्‌लेनो ज्‍यबे लक्‍मा स्‍य्‍हेङ्‍बल तथोब।

तीतस 2:14

येसु ख्रीस्‍ट्‍चे ङ्‌य्‍हङ्‌मात जम्‍मनो थोइ पाप ग्‍यम्‍से फेःपीन्‍जेत्‍परी र्‌हङ्‌की बुः न्‍हङ्‍न्‍जेत्‍ज्‍यी। थेङ्‌चे ङ्‌य्‍हङ्‌मात चोखो स्‍य्‍हेङ्‍जेत्‍परी र्‌हङ्‌की म्‍ही स्‍य्‍हेङ्‍जेत्‍ज्‍यी, ओसेम् ङ्‌य्‍हङ्‍मात ज्‍यबे लक् स्‍य्‍हेङ्‌बरी आर् पीन्‍बे लागीरी चोले स्‍य्‍हेङ्‍जेत्‍ज्‍यी।

३ युहन्‍ना 1:11

म्‍होइबे र्‌हो, अज्‍यबे लक् खल ग्‍यम्‍सेएनो थलोपो, तर ज्‍यबे लक्‍कीनो लोपो। ज्‍यबे लक् स्‍य्‍हेङ्‍बल पर्‌मेस्‍वर्‌की म्‍ही य्‍हीन्‍ब, अज्‍यबे लक् स्‍य्‍हेङ्‌बलचे पर्‌मेस्‍वर्‌त खेमेएनो म्रङ्‌बलनो अरे।