१ पत्रुस 2:25 - पश्‍चिम तामाङ

²⁵ एङ्‍यीमा बराल्‍तीबे ग्‍युमा र्‌हङ्‍ब मुबल, तर देरेम् एङ्‌यीमाकी आत्‍माइ गोर्‌तेन्‍तेङ् ज्‍यनले जोगइतीबलइ लीप्‍चे ब्रबरी एङ्‍यीमात बबल मुब।

१ पत्रुस 2:25 ပူးပေါင်းရင်းမြစ်များ

मत्‍ती 18:12

“एङ्‍यीमा ता म्‍हेन्‍ब? खल् ङ्‍ह ग्‍यु मुबे म्‍हीचे ग्‍यु गीः म्‍हज्‍यी पङ्‌सम् थेचे ता लब? थेचे खल् ब्‍ली स्‍यी चुर्‌कु ग्‍युत ब्‍लेरीनो ख्‍लेथेन्‍ज्‍यीम् म्‍हबे ग्‍यु गीत म्‍हइबरी अङ्‍य्‍ही स्‍यीम्?

मत्‍ती 9:36

य्‍हक्‍को म्‍हीमात म्रङ्‍जेत्‍ज्‍यीम् थेङ्‌की सेम्‍री दय खज्‍यी। तलेपङ्‍सम् थेङ्‍यीमा गोर्‌तेन् अरेबे ग्‍युमा र्‌हङ्‌ले छेर्‌बतेङ् दुखचे प्‍लेबल मुबल।

प्रेरीत् 20:28

देरेम् एङ्‌यीमा र्‌हङ्‌की स्‍य्‍हप्‍तो र्‌हङ्‌चेनो स्‍य्‍हेङो। ओसेम् पबीत्र आत्‍माचे एङ्‌यीमात सोप्‍तीपीन्‍जेत्पे बगेल्‍मातएनो स्‍य्‍हप्‍तो स्‍य्‍हेङो। पर्‌मेस्‍वर्‌की मन्‍डलीइ ज्‍यबे गोर्‌तेन् तउ, तलेपङ्‍सम् हुजु म्‍हीमात थेङ्‌की काचे ग्‍लुजेत्‍पल य्‍हीन्‍ब।

हीब्रु 13:20

ङ्‍य्‍हङ्‍की प्रभु येसु ख्रीस्‍ट् ग्‍युमाकी ङ्‍य्‍हच्‍छ्‍यङ गोर्‌तेन्चे, र्‌हङ्‍की काः ग्‍यम्‍से खेमेएनो अबेबे करार् टोप् लजेत्‍ज्‍यी। परमेस्‍वरचे थेङ्‍त हुजु का: ग्‍यम्‍से सोन लजेत्‍ज्‍यी। देरेम् सान्‍ती न्‍हङ्‌बे परमेस्‍वरचे,

हीब्रु 3:1

होत्‍तज्‍यीम् पर्‌मेस्‍वर्‌चे ङ्‌होत्‍जेत्‍पे पबीत्र बीस्‍वासी र्‌होमा, ङ्‍य्‍हङ्‍माचे प्रेरीत्‍तेङ् गोदोब्‍न्‍हङ्‍की ङ्‍हच्‍छ्‌यङ् लम्‍बु पङ्‍ज्‍यीम् स्‍वीकार् लबे येसुइ बारेरी एङ्‍यीमाचे ज्‍यनले म्‍हेनो।

हीब्रु 5:2

थेचे पर्‌मेस्वर्‌की ग्‍यम् अस्‍येःबतेङ् न्‍होर्‌बलमात ज्‍यबे ब्‍यबहार् स्‍य्‍हेङ्‌ब खम्‍ब, तलेपङ्‍सम् थे र्‌हङएनो कम्‍जोर् म्‍ही य्‍हीन्‍ब।

१ पत्रुस 3:20

हुजु आत्‍ममामी नोआचे ङ्‍हच्‍छ्‍यङ् दोङ्‍ग स्‍य्‍हेङ्‌बे बेलोरी पाप ग्‍यम्‍से दोःमुवा बी पर्‌मेस्‍वर्‌चे धैर्‌य लज्‍यीम् ब्रेन्‍जेत्‍पे बेलोरी पर्‌मेस्‍वर्‌त अङ्‍येन्‍बे म्‍हीमाकी आत्‍मामा मुबल। दोङ्‍गन्‍हङ् मुबे म्‍ही ब्रेत्‍कीनो ङ्‍हच्‍छ्‍यङ् भल् ग्‍यम्‍से थर्‌ज्‍यी।

१ पत्रुस 5:4

ओसेम् एङ्‍यीमाचे गोदोब्‍न्‍हङ् ङ्‍हच्‍छ्‍यङ् गोर्‌तेन् र्‌हङ्‍बे येसु ख्रीस्‍ट् ब्‍योन्‍युजेत्‍पतेङ् खेमेएनो सर्‌ब अम्‍हबे महीमाकी क्रेःकी यङ्‍स्‍ये मुब।