१ युहन्‍ना 5:8 - पश्‍चिम तामाङ

⁸ पबीत्र आत्‍मा, यी ओसेम् काः- चु सोम्‍चेनो गीःकीनो गबाही न्‍हङ्‍ब।

१ युहन्‍ना 5:8 ပူးပေါင်းရင်းမြစ်များ

मत्‍ती 28:19

होत्‍तज्‍यीम् देरेम् एङ्‍यीमा य्‍हर्‌ज्‍यीम् जम्‍मनो जातीमात ङइ डबमा स्‍य्‍हेङो, अपतेङ् ज ओसेम् पबीत्र आत्‍माइ छेन्‍री थेङ्‌यीमात बप्‍तीस्‍मा पीनो।

मर्‌कुस् 14:56

य्‍हक्‍को म्‍हीमाचे येसुइ बीरुद्‍दरी भ्‍यु पङ्‍ज्‍यी। तर हुजुरी थेङ्‍यीमा खलइ तम्‍एनो अडी।

युहन्‍ना 15:26

“एङ्‌यीमात र्‌हो लबरी ङचे पबीत्र आत्‍मात एङ्‍यीमाज पीत्‍युस्‍ये मुब। थेङ् देमेन्‍की आत्‍मा य्‍हीन्‍ब, थेङ् अप ग्‍यम्‍से ब्‍योन्‍युस्‍ये मुब, ओसेम् ङइ बारेरी स्‍येत्‍स्‍ये मुब।

युहन्‍ना 19:34

होले तलेनो स्‍यीपइमा न्‍हङ्‌री गीःचे थेङ्‌की रइरी बर्‌चचे ब्‍लोज्‍यी, ब्‍लोब साच्‍चेनो काःतेङ् यी डोङ्‍ज्‍यी।

प्रेरीत् 15:15

चु तम्‍तेङ् अगम्‍बक्‍तमाकी फ्रोइएनो डीःबल मुब। ओसेम् अगम्‍बक्‍तमाकी छ्‍येरी चोले ब्रीबल मुब-

रोमी 8:16

पबीत्र आत्‍माचेनो ङ्‍य्‍हङ्‍मा पर्‌मेस्‍वर्‌की ज जमे य्‍हीन्‍ब बी ङ्‍य्‍हङ्‍माकी आत्मत गबही न्‍हङ्‍जेत्‍प।

२ कोरीन्‍थी 1:22

थेङ्‌चेनो ङ्‍य्‍हङ्‍मात र्‌हङ्‍की म्‍ही य्‍हीन्‍ब पङ्‍ज्‍यीम् छाप् ठोक्‍जेत्पल मुब, ओसेम् थेङ्‍चे बाचा स्‍य्‍हेङ्‍जेत्‍पलमा जम्‍मनो ङ्‍य्‍हङ्‍माचे यङ्‍स्‍ये मुब बी ङ्‍य्‍हङ्‍माकी सेम्‍री पबीत्र आत्‍मा बैन न्‍हङ्‌जेत्‍पल मुब।

हीब्रु 13:12

होलेनो येसुचे र्‌हङ्‍की काःचे म्‍हीमात पाप् ग्‍यम्‍से पबीत्र स्‍य्‍हेङ्‌बरी थेङ् सहर् बीमम् फीर्‌च्‍योर् दुख नाजेत्‍ज्‍यीम् स्‍यीजेत्‍ज्‍यी।

हीब्रु 6:4

तलेपङ्‍सम् तीख्‍यप् पर्‌मेस्‍वर्‌की य्‍हल् यङ्‌बलमा, स्‍वर्‌गइ बर्‌दान् यङ्‍बलमा, पबीत्र आत्‍मा यङ्‌बलमा,

१ पत्रुस 3:21

हुजु यीचे बप्‍तीस्‍माकी सङ्‍केत् स्‍य्‍हेङ्‌ब, हुजुचे देरेम् एङ्‍यीमात थर्‌नलब। चु ल्‍हीइ ख्रीती ख्रुप र्‌हङ्‍ब अय्‍हीन्, तर चोखो बीबेक्‍चे पर्‌मेस्‍वर्‌तेङ् स्‍य्‍हेङ्‌बे बाचा य्‍हीन्‍ब। येसु ख्रीस्‍ट् स्‍यीजेत्‍ज्‍यीम् सोजेत्‍पल ग्‍यम्‍से एङ्‍यीमा थर्‌ब।

१ युहन्‍ना 5:9

म्‍हीमाचे पीन्‍बे गबाहीत ङ्‍य्‍हङ्‍माचे पतइतीब पङ्‌सम् झेन् पर्‌मेस्‍वर्‌चे न्‍हङ्‌बे गबाहीमी गदे ङ्‍हच्‍छ्‍यङ् मुब। ओसेम् थेङ्‌चेनो र्‌हङ्‌की जइ बारेरी गबाही न्‍हङ्‌बल मुब।