१ युहन्ना 5:6 - पश्चिम तामाङ6 यीरी बप्तीस्मा कीन्जेत्ज्यी, ओसेम् क्रुसरी काः य्हर्पुङ्जेत्ज्यीम् ब्योन्खबल येसु ख्रीस्ट्नो य्हीन्ब, यी ग्यम्सेकीनो अय्हीन्, तर यीतेङ् काः ग्यम्सेनो ब्योन्खजेत्ज्यी। ओसेम् चु देमेन् य्हीन्ब बी पबीत्र आत्माचेनो गबाही न्हङ्ब, तलेपङ्सम् पबीत्र आत्मा देमेन् य्हीन्ब। အခန်းကိုကြည့်ပါ။ |
१ युहन्ना 5:6
39 ပူးပေါင်းရင်းမြစ်များ
तलेपङ्सम् पर्मेस्वर्चे येसु ख्रीस्ट्त ठाकी रुप्री पीत्युजेत्ज्यीम् थेङ्की काः ङ्य्हङ्माकी लागीरी य्हर्पुङ्जेत्ज्यी पङ्ज्यीम् बीस्वास् स्य्हेङ्बे म्हीमाकी पाप् म्हन लजेत्पल मुब। पर्मेस्वर्चे र्हङ्चे र्हङ्त धर्मी य्हीन्ब बी ङोन्जेत्परी चोले स्य्हेङ्जेत्ज्यी। तलेपङ्सम् पर्मेस्वर्चे ख्रीस्ट् ब्योन्युब बीम ङोन्ग्यम् बोमो नाजेत्ज्यीम् म्हीमात पाप्की सजाय न्हङ्अजेत्।
ङ्य्हङ्की बीस्वासकी चु देमेन्की सम्तर् य्हक्को ङ्हच्छ्यङ् य्हीन्ब बी ङ्य्हङ्माचे स्वीकार स्य्हेङ्ब, थेङ् म्हीइ ल्हीरीनो म्रङ्युजेत्ज्यी, पबीत्र आत्माचे थेङ्त धर्मी ङोन्जेत्ज्यी, थेङ्त स्वर्गदुत्माचे म्रङ्जेत्ज्यी, जाती जातीमाकी गुङ्री थेङ्की प्रचार तज्यी, जम्बुलीङ्री थेङ्त बीस्वास् स्य्हेङ्ज्यी, थेङ्त पर्मेस्वर्चे स्वर्गरी नोम्जेत्ज्यी।
तर ख्रीस्ट्की कारी ङ्य्हङ्मात सुद्द तनलबे झेन् य्हक्को ङ्हच्छ्यङ् सक्ती मुब। खेमपङ्लेनो तस्यीनो टीजेत्पे पर्मेस्वर्की आत्मा ग्यम्से सीद्द ठा रुप्री ख्रीस्ट्चे र्हङ्तनो पर्मेस्वर्त सोप्तीजेत्ज्यी। होले पङ्सम् ङ्य्हङ्माचे सोम्बो पर्मेस्वर्की सेव स्य्हेङ्ब खम्खइ पङ्ज्यीम् ख्रीस्ट्की काचे लक् अतबे पेठीम् ग्यम्से ङ्य्हङ्माकी बीबेक्त झेन् य्हक्को सुद्द तनलब खम्ब।
तर पर्दइ ग्यप्की गोदोब्न्हङ्की पबीत्र ग्लारीमी गोदोब्न्हङ्की ङ्हच्छ्यङ् लम्बु बर्सल तीख्यप्कीनो ङ्यीम्यङ्ब मुबल। थेचे का अबोर्नले हुजु गोदोब्न्हङ्की पबीत्र ग्लारी वङ्नोअम्यङ्ब मुबल। थेचे हुजु का र्हङ्चे स्य्हेङ्बे पाप्की लागीरी ओसेम् म्हीमाचे अस्येःन स्य्हेङ्बे पाप्की लागीरी पीन्ब मुबल।
पर्मेस्वर् अपचे य्हक्को ङोन्ग्यम्नो थेङ्की योजना अनुसार् एङ्यीमात र्हङ्की पबीत्र म्हीमा तबरी दम्जेत्पल य्हीन्ब। येसु ख्रीस्ट्की काःचे पबीत्र तज्यीम् येसु ख्रीस्ट्चे कुल्जेत्पे अर्ती एङ्यीमाचे ङ्येन्ब खमो पङ्ज्यीम् थेङ्चे एङ्यीमात आत्मा ग्यम्से र्हङ्ल स्य्हेङ्जेत्ज्यी। एङ्यीमात अनुग्रहतेङ् सान्ती य्हक्को तखइ।
बीस्वास्योग्य साक्षी ओसेम् स्यीब ग्यम्से सोबलमान्हङ्री जम्मन्हङ्री ङोन्ग्यम् सोजेत्पल, ओसेम् जम्बुलीङ्की ग्यल्बोमाकी ग्यल्बो येसु ख्रीस्ट् ग्यम्से एङ्यीमात अनुग्रहतेङ् सान्ती। येसु ख्रीस्ट्चे ङ्य्हङ्मात म्होइजेत्प ओसेम् र्हङ्की काचे ङ्य्हङ्मात ङ्य्हङ्माकी पाप्मा ग्यम्से फेःपीन्जेत्पल मुब।
थेङ्यीमाचे चोले छार् व्हइ गीः कोटीब मुबल- “थेङ् चु गुइज्यीम् थेन्बे डीइ छ्येः कीन्जेत्परी ओसेम् हुजुरी ठोक्पे छाप्मा ठोङ्बरी जेःबल मुब, तलेपङ्सम् थेङ्त सेत्ज्यी ओसेम् थेङ्चे र्हङ्की काचे जम्म खलक्, ग्योत्, य्हुल् ओसेम् जाती ग्यम्से पर्मेस्वर्की लागीरी म्हीमात ग्लुजेत्ज्यी।
ကြော်ငြာတွေ