१ युहन्‍ना 4:11 - पश्‍चिम तामाङ

¹¹ म्‍होइबे र्‌होमा, पर्‌मेस्‍वर्‌चे ङ्‍य्‍हङ्‍त चोले म्‍होइजेत्‍पल तज्‍यीम् ङ्‍य्‍हङ्‍चेएनो गीःचे गीःत म्‍होइथोब।

१ युहन्‍ना 4:11 ပူးပေါင်းရင်းမြစ်များ

लुका 10:37

धर्‌म-लोप्‍पोन्‍चे पङ्‌ज्‍यी, “थेत म्‍होइबे म्‍ही।” ओसेम् येसुचे सुङ्‌ज्‍यी, “ङ्‌यीउ, एचेएनो होले स्‍य्‍हेङो।”

युहन्‍ना 13:34

देरेम् ङ एङ्‌यीमात छार् अर्‌ती गी कुल्‍ब, एङ्‍यीमा गीःचे गीःत म्‍होइगो। ङचे एङ्‌यीमात म्‍होइब र्‌हङ्‌लेनो, एङ्‌यीमाचेएनो गीःचे गीःत म्‍होइगो।

एफीसी 4:31

जम्‍मनो अज्‍यबे तम्, बङ्‍ब छेत्‍प ओसेम् बोमो लब पीतो। केत्‍पतेङ् नीन्‍द लब पीतो, जम्‍म थोइ अज्‍यबे बानी ब्‍यहोर्‌मा एङ्‍यीमाचे पीत्‍लाको।

कलस्‍सी 3:13

गीःचे गीःत नाको, खलइ बीरुद्‍दरी पङ्‌लेनो तए दोस् मुसम् गीःचे गीःत क्षमा पीनो। प्रभुचे खले एङ्‍यीमात क्षमा स्‍य्‍हेङ्‍जेत्‍ज्‍यी, होलेनो एङ्‌यीमाचेएनो गीःचे गीःत क्षमा स्‍य्‍हेङो।

१ युहन्‍ना 2:7

म्‍होइबे र्‌होमा, ङचे ब्रीटीबे चु कुल्‍बे अर्‌ती छार् अय्‍हीन् तर ङोन्‍ग्‍यम् य्‍हङ्‌सेनो एङ्‍यीमातेङ् मुबे पुरानो कुल्‍बे अर्‌ती य्‍हीन्‍ब। चु ङोन्‍ग्‍यम् य्‍हङ्‌सेनो मुबे पुरानो कुल्‍बे अर्‌ती एङ्‍यीमाचे थ्‍येःबे फ्रोइनो य्‍हीन्‍ब।

१ युहन्‍ना 3:11

ङ्‍य्‍हङ्‍माचे गीःचे गीःत म्‍होइथोब पङ्‍बे सम्‍तर् एङ्‍यीमाचे चु:ब य्‍हङ्‌सेनो थ्‍येःबल मुब।

१ युहन्‍ना 3:23

पर्‌मेस्‍वर्‌चे कुल्‍जेत्‍पे अर्‌तीम् चुनो य्‍हीन्‍ब- ङ्‍य्‍हङ्‍चे थेङ्‌की ज येसु ख्रीस्‍ट्‍की छेन्‍री बीस्‍वास् स्‍य्‍हेङ्‍थोःब। ओसेम् ख्रीस्‍ट्‍चे कुल्‍जेत्‍प र्‌हङ्‌लेनो ङ्‍य्‍हङ्‍माचे गीःचे गीःत म्‍होइथोब।

१ युहन्‍ना 4:7

ङइ म्‍होइबे र्‌होमा, ङ्‍य्‍हङ्‍मा गीःचे गीःत म्‍होइगे, तलेपङ्‍सम् म्‍होइब पर्‌मेस्‍वर् ग्‍यम्‍से खब। खल्‍चे र्‌हङ्‍की बीस्‍वासी र्‌होमात म्‍होइब, थे पर्‌मेस्‍वर्‌की कोल य्‍हीन्‍ब, ओसेम् थेचे पर्‌मेस्‍वर्‌त स्‍येःब।

२ युहन्‍ना 1:5

म्‍होइबे अमकोल, ङ एत कुल्‍ब ङ्‍य्‍हङ्‍मा गीःचे गीःत म्‍होइगे, चु ङचे एत ब्रीटीबलम् छार् तम् कुल्‍बल अय्‍हीन्, चुम् ङ्‍य्‍हङ्‍माचे ङोन्‍ग्‍यम् य्‍हङ्‌सेनो स्‍य्‍हेङ्‍टीब मुबल।