१ युहन्‍ना 3:23 - पश्‍चिम तामाङ

²³ पर्‌मेस्‍वर्‌चे कुल्‍जेत्‍पे अर्‌तीम् चुनो य्‍हीन्‍ब- ङ्‍य्‍हङ्‍चे थेङ्‌की ज येसु ख्रीस्‍ट्‍की छेन्‍री बीस्‍वास् स्‍य्‍हेङ्‍थोःब। ओसेम् ख्रीस्‍ट्‍चे कुल्‍जेत्‍प र्‌हङ्‌लेनो ङ्‍य्‍हङ्‍माचे गीःचे गीःत म्‍होइथोब।

१ युहन्‍ना 3:23 ပူးပေါင်းရင်းမြစ်များ

मत्‍ती 22:39

ओसेम् चुइ लीक्‍यम्‍की अर्‌तीएनो चु र्‌हङ्‍बे ङ्‍हच्‍छ्‍यङ्‌नो य्‍हीन्‍ब- ‘एचे र्‌हङ्‌की खीम्‍चेत र्‌हङ्‍त र्‌हङ्‌लेनो म्‍होइगो।’

मर्‌कुस् 9:7

हुजु बेलोरीनो मुक्‍प खज्‍यीम् थेङ्‌यीमात उप्‍ज्‍यी। ओसेम् मुक्‍प न्‍हङ्‍चे चोतेबे केत् युज्‍यी, “चु ङइ म्‍होइबे ज य्‍हीन्‍ब, एङ्‍यीमाचे थेइ तम् ङ्‌येनो।”

युहन्‍ना 1:12

तर थेङ्‌त ग्रहन् लज्‍यीम् बीस्‍वास् स्‍य्‍हेङ्‍बलमात थेङ्‌चे पर्‌मेस्‍वर्‌की ज जमे तबे हक् न्‍हङ्‍जेत्‍ज्‍यी।

युहन्‍ना 13:34

देरेम् ङ एङ्‌यीमात छार् अर्‌ती गी कुल्‍ब, एङ्‍यीमा गीःचे गीःत म्‍होइगो। ङचे एङ्‌यीमात म्‍होइब र्‌हङ्‌लेनो, एङ्‌यीमाचेएनो गीःचे गीःत म्‍होइगो।

युहन्‍ना 14:1

येसुचे थेङ्‌की डबमात सुङ्‌ज्‍यी, “एङ्‍यीमा सेम्‍री थछेरो, एङ्‍यीमाचे पर्‌मेस्‍वर्‌त बीस्‍वास् स्‍य्‍हेङो, ओसेम् ङतएनो बीस्‍वास् स्‍य्‍हेङो।

युहन्‍ना 15:12

“ङचे कुल्‍बे अर्‌ती चुनो य्‍हीन्‍ब, खले ङचे एङ्‌यीमात म्‍होइज्‍यी, होलेनो एङ्‌यीमाचेएनो गीःचे गीःत म्‍होइगो।

युहन्‍ना 17:3

ओसेम् खेमेएनो अबेबे जीवन चुनो य्‍हीन्‍ब, थेङ्‍यीमाचे थेङ् गीकीनो देमेन्‍की पर्‌मेस्‍वर्‌त स्‍येब, ओसेम् थेङ्‌चे पीत्‍युजेत्‍पे येसु ख्रीस्‍ट्त स्‍येब।

युहन्‍ना 2:23

नीस्‍तार पर्‌बइ बेलोरी येसु यरुसलेम्‍री मुबल। हुजुरी मुबे बेलोरी थेङ्‌चे स्‍य्‍हेङ्‌बे तेङेन्‍की लक्‍मा म्रङ्‌ज्‍यीम् य्‍हक्‍को म्‍हीमाचे थेङ्‌की छेन्‍री बीस्‍वास् स्‍य्‍हेङ्‌ज्‍यी।

युहन्‍ना 3:18

थेङ्‌त बीस्‍वास् स्‍य्‍हेङ्‌बलमा दोसी तस्‍ये अरे, तर थेङ्‌त बीस्‍वास् अस्‍येङ्‍बलमाम् दोसी तज्‍यीन्‍बल मुब। तलेपङ्‍सम् थेङ्‍यीमाचे पर्‌मेस्‍वर्‌की गीःकीनो मुबे जत बीस्‍वास् स्‍य्‍हेङ्‍बल अरे।

युहन्‍ना 6:29

येसुचे थेङ्‌यीमात, “पर्‌मेस्‍वर्‌चे थुः लजेत्‍पे लक्‍मा चुनो य्‍हीन्‍ब, थेङ्‌चे पीत्‍युजेत्‍पलत बीस्‍वास् स्‍य्‍हेङो” बी जोहाप् न्‍हङ्‌ज्‍यी।

प्रेरीत् 16:31

ओसेम् थेङ्‍यीमाचे, “प्रभु येसुत बीस्‍वास् स्‍य्‍हेङ्‌ज्‍यी पङ्‌सम् थेङ्‍तेङ् थेङ्‌की म्‍हेम्‍यमाचे मुक्‍ती यङ्‍स्‍ये मुब” बी पङ्‍ज्‍यी।

एफीसी 5:2

ख्रीस्‍ट्‍चे ङ्‍य्‍हङ्‍मात म्‍होइजेत्‍ज्‍यीम् ज्‍यबे थङ् खबे सङ्‍स्‍युतेङ् ठा र्‌हङ्‌ले र्‌हङ्‌तनो ङ्‍य्‍हङ्‍माकी लागीरी पर्‌मेस्‍वर्‌री सोप्‍तीजेत्‍ज्‍यी। होलेनो एङ्‌यीमाचेएनो गीःचे गीःत म्‍होइज्‍यीम् ब्रथोब।

१ थेस्‍लोनीकी 4:9

एङ्‍यीमा गीःचे गीःत म्‍होइबे बारेरीम् खल्‍चेएनो तए ब्रीअतो, तलेपङ्‍सम् पर्‌मेस्‍वर्‌चेनो एङ्‌यीमात गीःचे गीःत म्‍होइब लोप्‍जेत्‍पल मुब।

१ तीमोथी 1:15

येसु ख्रीस्‍ट् पापीमात थर्‌न लबरी जम्‍बुलीङ्‌री ब्‍योन्‍युज्‍यी। चु गोदोब्‍चेनो बीस्‍वास् स्‍य्‍हेङ्‌थोबे देमेन्‍की तम् य्‍हीन्‍ब। ओसेम् पापीमा न्‍हङ्‌री गोदोब्‍न्‍हङ् य्‍हक्‍को पाप स्‍य्‍हेङ्‌बे म्‍ही ङ य्‍हीन्‍ब।

१ पत्रुस 1:22

देरेम् एङ्‍यीमाचे देमेन्‍की फ्रोइत ङ्‌येन्‍ज्‍यीम् र्‌हङ्‍की सेम् सुद्‍द स्‍य्‍हेङ्‍बल मुब, ओसेम् र्‌हङ्‍की बीस्‍वासी र्‌होमात देमेन्‍ले म्‍होइगो, एङ्‍यीमाचे गीःचे गीःत सेम्‍न्‍हङ् य्‍हङ्‌सेनो म्‍होइगो।

१ पत्रुस 4:8

जम्‍मन्‍हङ्‍री ङ्‍हच्‍छ्‍यङ् तम्‍मी र्‌हङ्‍की सेम् य्‍हङ्‌सेनो गीःचे गीःत म्‍होइज्‍यीम् टीब य्‍हीन्‍ब, तलेपङ्‍सम् म्‍होइबचे य्‍हक्‍को पापमा गप्‍प।

१ युहन्‍ना 2:7

म्‍होइबे र्‌होमा, ङचे ब्रीटीबे चु कुल्‍बे अर्‌ती छार् अय्‍हीन् तर ङोन्‍ग्‍यम् य्‍हङ्‌सेनो एङ्‍यीमातेङ् मुबे पुरानो कुल्‍बे अर्‌ती य्‍हीन्‍ब। चु ङोन्‍ग्‍यम् य्‍हङ्‌सेनो मुबे पुरानो कुल्‍बे अर्‌ती एङ्‍यीमाचे थ्‍येःबे फ्रोइनो य्‍हीन्‍ब।

१ युहन्‍ना 3:11

ङ्‍य्‍हङ्‍माचे गीःचे गीःत म्‍होइथोब पङ्‍बे सम्‍तर् एङ्‍यीमाचे चु:ब य्‍हङ्‌सेनो थ्‍येःबल मुब।

१ युहन्‍ना 4:15

येसुनो पर्‌मेस्‍वर्‌की ज य्‍हीन्‍ब बी स्‍वीकार लबे म्‍हीतेङ् पर्‌मेस्‍वर् स्‍य्‍हुजेत्‍प, ओसेम् थे पर्‌मेस्‍वर्‌तेङ् टीब।

१ युहन्‍ना 4:21

खल्‍चे पर्‌मेस्‍वर्‌त म्‍होइब थेचे ल्‍हो-ल्‍हो बीस्‍वासी र्‌होमातएनो म्‍होइथोब। चुनो ङ्‌य्‍हङ्‍मात ख्रीस्‍ट्‍चे कुल्‍जेत्‍पे अर्‌ती य्‍हीन्‍ब।

१ युहन्‍ना 5:13

खेमेएनो अबेबे जीवन् यङ्‌बल मुब बी एङ्‍यीमाचे स्‍येखइ पङ्‍ज्‍यीम् पर्‌मेस्‍वर्‌की जत बीस्‍वास् स्‍य्‍हेङ्‌बे एङ्‌यीमात ङ चु ब्रीटीब।