१ युहन्‍ना 3:11 - पश्‍चिम तामाङ

¹¹ ङ्‍य्‍हङ्‍माचे गीःचे गीःत म्‍होइथोब पङ्‍बे सम्‍तर् एङ्‍यीमाचे चु:ब य्‍हङ्‌सेनो थ्‍येःबल मुब।

१ युहन्‍ना 3:11 ပူးပေါင်းရင်းမြစ်များ

युहन्‍ना 13:4

होत्‍तज्‍यीम् थेङ् डोन् सोल्‍टीबे ग्‍लाचे रेःजेत्‍ज्‍यी। ओसेम् र्‌हङ्‌चे य्‍हुर्‌जेत्‍पे न्‍हम्‍ज प्‍लोक्‍जेत्‍ज्‍यी, ओसेम् केप्‍परी गम्‍स गीः खीःजेत्‍ज्‍यी।

युहन्‍ना 15:12

“ङचे कुल्‍बे अर्‌ती चुनो य्‍हीन्‍ब, खले ङचे एङ्‌यीमात म्‍होइज्‍यी, होलेनो एङ्‌यीमाचेएनो गीःचे गीःत म्‍होइगो।

गलाती 6:2

एङ्‍यीमाचे गीःचे गीःकी दुखरी र्‌हो लउ। चोले एङ्‍यीमाचे ख्रीस्‍ट्‍की नीयम् ङ्‍येन्‍स्‍ये मुब।

एफीसी 5:2

ख्रीस्‍ट्‍चे ङ्‍य्‍हङ्‍मात म्‍होइजेत्‍ज्‍यीम् ज्‍यबे थङ् खबे सङ्‍स्‍युतेङ् ठा र्‌हङ्‌ले र्‌हङ्‌तनो ङ्‍य्‍हङ्‍माकी लागीरी पर्‌मेस्‍वर्‌री सोप्‍तीजेत्‍ज्‍यी। होलेनो एङ्‌यीमाचेएनो गीःचे गीःत म्‍होइज्‍यीम् ब्रथोब।

१ थेस्‍लोनीकी 4:9

एङ्‍यीमा गीःचे गीःत म्‍होइबे बारेरीम् खल्‍चेएनो तए ब्रीअतो, तलेपङ्‍सम् पर्‌मेस्‍वर्‌चेनो एङ्‌यीमात गीःचे गीःत म्‍होइब लोप्‍जेत्‍पल मुब।

१ तीमोथी 1:5

ङ्‍य्‍हङ्‍चे लोप्‍पे चु तम्‍की उदेस्‍यमी चोखो सेम्‍तेङ् ज्‍यबे लो ओसेम् देमेन्‍की बीस्‍वास् ग्‍यम्‍से डोङ्‌बे म्‍होइबत छर्‌नलब य्‍हीन्‍ब।

१ पत्रुस 1:22

देरेम् एङ्‍यीमाचे देमेन्‍की फ्रोइत ङ्‌येन्‍ज्‍यीम् र्‌हङ्‍की सेम् सुद्‍द स्‍य्‍हेङ्‍बल मुब, ओसेम् र्‌हङ्‍की बीस्‍वासी र्‌होमात देमेन्‍ले म्‍होइगो, एङ्‍यीमाचे गीःचे गीःत सेम्‍न्‍हङ् य्‍हङ्‌सेनो म्‍होइगो।

१ पत्रुस 3:8

ज्‍युरी ङ पङ्‍ब, एङ्‍यीमा सेम् गी: तज्‍यीम् गीचे गीइ दुख गोउ। दीम् गी:की म्‍हेम्‍यत र्‌हङ्‌ले गी:चे गी:त म्‍होइगो ओसेम् दयालुतेङ् नम्र तउ।

१ पत्रुस 4:8

जम्‍मन्‍हङ्‍री ङ्‍हच्‍छ्‍यङ् तम्‍मी र्‌हङ्‍की सेम् य्‍हङ्‌सेनो गीःचे गीःत म्‍होइज्‍यीम् टीब य्‍हीन्‍ब, तलेपङ्‍सम् म्‍होइबचे य्‍हक्‍को पापमा गप्‍प।

१ युहन्‍ना 1:5

ङ्‌यीमाचे पर्‌मेस्‍वर्‌की ज ग्‍यम्‍से थ्‍येःबे सम्‍तर् चुनो य्‍हीन्‍ब, ओसेम् एङ्‌यीमात स्‍येत्‍प, पर्‌मेस्‍वर्‌नो य्‍हल् य्‍हीन्‍ब, ओसेम् थेङ्‍री गदेएनो म्‍हुन्‍दुङ् अरे।

१ युहन्‍ना 4:11

म्‍होइबे र्‌होमा, पर्‌मेस्‍वर्‌चे ङ्‍य्‍हङ्‍त चोले म्‍होइजेत्‍पल तज्‍यीम् ङ्‍य्‍हङ्‍चेएनो गीःचे गीःत म्‍होइथोब।

१ युहन्‍ना 4:21

खल्‍चे पर्‌मेस्‍वर्‌त म्‍होइब थेचे ल्‍हो-ल्‍हो बीस्‍वासी र्‌होमातएनो म्‍होइथोब। चुनो ङ्‌य्‍हङ्‍मात ख्रीस्‍ट्‍चे कुल्‍जेत्‍पे अर्‌ती य्‍हीन्‍ब।

१ युहन्‍ना 4:7

ङइ म्‍होइबे र्‌होमा, ङ्‍य्‍हङ्‍मा गीःचे गीःत म्‍होइगे, तलेपङ्‍सम् म्‍होइब पर्‌मेस्‍वर् ग्‍यम्‍से खब। खल्‍चे र्‌हङ्‍की बीस्‍वासी र्‌होमात म्‍होइब, थे पर्‌मेस्‍वर्‌की कोल य्‍हीन्‍ब, ओसेम् थेचे पर्‌मेस्‍वर्‌त स्‍येःब।

२ युहन्‍ना 1:5

म्‍होइबे अमकोल, ङ एत कुल्‍ब ङ्‍य्‍हङ्‍मा गीःचे गीःत म्‍होइगे, चु ङचे एत ब्रीटीबलम् छार् तम् कुल्‍बल अय्‍हीन्, चुम् ङ्‍य्‍हङ्‍माचे ङोन्‍ग्‍यम् य्‍हङ्‌सेनो स्‍य्‍हेङ्‍टीब मुबल।