१ युहन्‍ना 2:9 - पश्‍चिम तामाङ

⁹ खल्‍चे पङ्‌लेनो थे र्‌हङ् य्‍हल्‍री मुब पङ्‍ब, तर र्‌हङ्‌की बीस्‍वासी र्‌होमात हेल लज्‍यी पङ्‌सम् थे दवम् म्‍हुन्‍दुङ्‍रीनो मुब।

१ युहन्‍ना 2:9 ပူးပေါင်းရင်းမြစ်များ

युहन्‍ना 9:41

ओसेम् येसुचे थेङ्‌यीमात जोहप् न्‍हङ्‌ज्‍यी, “एङ्‍यीमा कन य्‍हीन्‍बल पङ्‌सम् पाप्‍की दोसी तस्‍ये अरेबल, तर एङ्‍यीमाचे म्रङब बी पङ्‍ब, होत्‍तज्‍यीम् एङ्‌यीमातेङ् दोस् मुब।”

प्रेरीत् 1:15

तीरेत् हुजुरी प्रभुत बीस्‍वास् लबे म्‍हीमा खल् डुः गदे र्‌हुब तज्‍यी। ओसेम् पत्रुसचे थेङ्‍यीमाइ ङोन्‍ग्‍यम् रप्‍ज्‍यीम् पङ्‍ज्‍यी,

२ पत्रुस 1:9

तर चोतेबे तम्‍मा अरेबे म्‍हीम् चेक्‍पजकी क्‍योर्‌की स्‍हेएनो अम्रङ्‍बे कन म्‍ही र्‌हङ्‍ब य्‍हीन्‍ब। थेङ्‍यीमाचे र्‌हङ्‍की ङोन्‍ग्‍यम्‍की पाप्‍मा ख्रुबलएनो म्‍लेत्‍ज्‍यीन्‍बल तब।

१ युहन्‍ना 1:6

ङ्‍य्‍हङ्‍माचे थेङ्‍तेङ् सङ्‍गतीरी मुब पङ्‍ब तर ङ्‍य्‍हङ्‍मा म्‍हुन्‍दुङ्‍रीनो ब्रसम् ङ्‍य्‍हङ्‍माचे भ्‍यु पङ्‍ब ओसेम् देमेन्‍री अब्र।

१ युहन्‍ना 2:11

तर खल्‍चे र्‌हङ्‍की बीस्‍वासी र्‌होमात हेल स्‍य्‍हेङ्‌ब थे म्‍हुन्‍दुङ्‍री तब, म्‍हुन्‍दुङ्‍री ब्रब, ओसेम् थे खन य्‍हर्‌टीब, थेचे हुजु अस्‍य्‍हे, तलेपङ्‍सम् म्‍हुन्‍दुङ्‍चे लज्‍यीम् थेचे अम्रङ्।

१ युहन्‍ना 2:4

खल्‍चे पङ्‌लेनो “ङचे थेङ्‍त स्‍येःब” बी पङ्‍ब, तर थेङ्‌चे कुल्‍जेत्‍पे अर्‌तीमा अङ्‌येन्‍ज्‍यी पङ्‌सम् थे भ्‍यु य्‍हीन्‍ब, ओसेम् थेतेङ् देमेन् अत।

१ युहन्‍ना 3:10

पर्‌मेस्‍वर्‌की ज जमे खल ओसेम् सैतान्‍की ज जमे खल बी चु ग्‍यम्सेनो स्‍येःब खल पङ्‌लेनो धर्‌मीक्‍तरी अब्रबलमा, र्‌हङ्‍की बीस्‍वासी र्‌होमात अम्‍होइबलमा पर्‌मेस्‍वर्‌की ज जमे अय्‍हीन्।

१ युहन्‍ना 4:20

खल्‍चे पङ्‌लेनो पर्‌मेस्‍वर्‌त म्‍होइब पङ्‍ब, ओसेम् ल्‍हो-ल्‍हो बीस्‍वासी र्‌होमात हेल लब पङ्‌सम् थे भ्‍यु य्‍हीन्‍ब। र्‌हङ्‌चे म्रङ्‌बे ल्‍हो-ल्‍हो बीस्‍वासी र्‌होमात अम्‍होइबलचे अम्रङ्‍बे पर्‌मेस्‍वर्‌त खले म्‍होइब?