१ युहन्‍ना 2:6 - पश्‍चिम तामाङ

⁶ खल्‍चे थे पर्‌मेस्‍वर्‌री मुब पङ्‍ज्‍यी थेचे येसुचे र्‌हङ्‌ले पर्‌मेस्‍वर्‌की फ्रोइ ङ्‌येन्‍ज्‍यीम् ब्रथोब।

१ युहन्‍ना 2:6 ပူးပေါင်းရင်းမြစ်များ

मत्‍ती 11:29

ङइ कुम् नागो, ओसेम् ङ ग्‍यम्‍से लोपो, तलेपङ्‍सम् ङइ सेम् नम्रतेङ् दयचे प्‍लीङ्‍बल मुब। ओसेम् एङ्‍यीमाचे र्‌हङ्‌की आत्‍मारी दुःब न्‍हम्‍यङ्‌स्‍ये मुब।

युहन्‍ना 13:15

ङचे स्‍य्‍हेङ्‌ब र्‌हङ्‌लेनो एङ्‌यीमाचेएनो स्‍य्‍हेङो पङ्‍ज्‍यीम् ङचे एङ्‌यीमात नमुन ङोन्‍बल य्‍हीन्‍ब।

युहन्‍ना 15:10

अपचे कुल्‍जेत्‍पे तम्‍मा ङचे ङ्‌येन्‍ज्‍यीम् अपइ म्‍होइबरी टीब र्‌हङ्‌लेनो, एङ्‌यीमाचेएनो ङचे कुल्‍बे अर्‌तीमा ङ्‍येन्‍ज्‍यी पङ्‌सम् एङ्‍यीमा ङइ म्‍होइबरी टीस्‍यीनो टीस्‍ये मुब।

१ कोरीन्‍थी 11:1

ङचे ख्रीस्‍ट्‍चे स्‍य्‍हेङ्‌जेत्‍प र्‌हङ्‌ले स्‍य्‍हेङ्‍ब, एङ्‌यीमाचेएनो ङचे स्‍य्‍हेङ्‍ब र्‌हङ्‌ले स्‍य्‍हेङो।

एफीसी 5:2

ख्रीस्‍ट्‍चे ङ्‍य्‍हङ्‍मात म्‍होइजेत्‍ज्‍यीम् ज्‍यबे थङ् खबे सङ्‍स्‍युतेङ् ठा र्‌हङ्‌ले र्‌हङ्‌तनो ङ्‍य्‍हङ्‍माकी लागीरी पर्‌मेस्‍वर्‌री सोप्‍तीजेत्‍ज्‍यी। होलेनो एङ्‌यीमाचेएनो गीःचे गीःत म्‍होइज्‍यीम् ब्रथोब।

१ पत्रुस 2:21

तलेपङ्‍सम् पर्‌मेस्‍वर्‌चे एङ्‍यीमात दुख नापरीनो दम्‍जेत्‍पल य्‍हीन्‍ब। ख्रीस्‍टचेएनो दुख नाजेत्‍ज्‍यीम् एङ्‍यीमात नमुना ङोन्‍थेन्‍जेत्‍पल मुब। होत्‍तज्‍यीम् थेङ्‍चे ङोन्‍जेत्‍पे ग्‍यम्‍से ब्रथोब।

१ युहन्‍ना 2:28

ओसेम् म्‍होइबे कोलमा, थेङ् दोःज्‍यीम् ब्‍योन्‍युबे बेलोरी ङ्‍य्‍हङ्‍माचे आर् यङ्‍खइ, ओसेम् थेङ् ब्‍योन्‍युबे बेलोरी ङ्‍य्‍हङ्‍मा पेत् अतोःखइ पङ्‍ज्‍यीम् थेङ्‍तेङ् गी तउ।

१ युहन्‍ना 2:4

खल्‍चे पङ्‌लेनो “ङचे थेङ्‍त स्‍येःब” बी पङ्‍ब, तर थेङ्‌चे कुल्‍जेत्‍पे अर्‌तीमा अङ्‌येन्‍ज्‍यी पङ्‌सम् थे भ्‍यु य्‍हीन्‍ब, ओसेम् थेतेङ् देमेन् अत।

१ युहन्‍ना 3:24

खल्‍चे पर्‌मेस्‍वर्‌चे कुल्‍जेत्‍पे अर्‌तीमा ङ्‍येन्‍ब थेङ्‍यीमा पर्‌मेस्‍वर्‌तेङ् बक्‍च्‍य तब, ओसेम् पर्‌मेस्‍वर् थेङ्‍यीमातेङ् बक्‍च्‍य तब। चोले पर्‌मेस्‍वर् ङ्‍य्‍हङ्‍मातेङ् स्‍य्‍हुजेत्‍प पङ्‍बे तम् थेङ्‌चे ङ्‍य्‍हङ्‍मात न्‍हङ्‍जेत्‍पे पबीत्र आत्‍मा ग्‍यम्‍से स्‍येःब।

१ युहन्‍ना 3:6

होत्‍तज्‍यीम् थेङ्‍री तबलमाचे पाप स्‍य्‍हेङ्‍स्‍यीनो अटी। पाप स्‍य्‍हेङ्‍स्‍यीनो टीबलमाचे न्‍ह थेङ्‍त म्रङ्‌बल तब, न्‍ह थेङ्‍त स्‍येःबल तब।

१ युहन्‍ना 4:17

चोले ङ्‍य्‍हङ्‍मान्‍हङ् म्‍होइब टोप् तबल तब, ओसेम् न्‍यायकी दीन्‍री ङ्‍य्‍हङ्‍मा लोङ्‍अथो, तलेपङ्‍सम् ख्रीस्‍ट् खतेब मुब जम्‍बुलीङ्‌री ङ्‍य्‍हङ्‍एनो होतेब मुब।