१ युहन्‍ना 2:26 - पश्‍चिम तामाङ

²⁶ चु जम्‍मनो तम्‍म एङ्‌यीमात भ्‍यु लुब म्‍हइबलमाकी बारेरी ङचे एङ्‌यीमात ब्रीबल य्‍हीन्‍ब।

१ युहन्‍ना 2:26 ပူးပေါင်းရင်းမြစ်များ

मर्‌कुस् 13:22

तलेपङ्‍सम् होतेबे भ्‍युकी ख्रीस्‍ट्‍मातेङ् भ्‍युकी अगम्‍बक्‍तमा डोङ्‍स्‍येनो मुब। खम्‍गदेसम्‍म थेङ्‍यीमाचे तेङेन्‍की लक्‍तेङ् चीनोमा ङोन्‍ज्‍यीम् पर्‌मेस्‍वर्‌चे दम्‍जेत्‍पलमातएनो फसइतीस्‍ये मुब।

कलस्‍सी 2:18

थेङ्‌यीमाचे दर्‌सन् म्रङ्‌बल मुब पङ्‍ज्‍यीम् एङ्‍यीमात नम्र तबुङ्‍ज्‍यीम् स्‍वर्‌गदुत्‍त तेन्‍बुङ्‍ज्‍यीम् एङ्‌यीमाचे पर्‌मेस्‍वर् ग्‍यम्‍से यङ्‌थोबे बक्सीस् थबेन्‍बुङो। चोतेबे म्‍हीमा र्‌हङ्‍की सेम्‍चे म्‍हेन्‍बे तम्‍री ओलेनो घमन्‍ड लज्‍यीम् टीब।

कलस्‍सी 2:8

होसीयार् तज्‍यीम् टीउ, खल्‍चेएनो एङ्‌यीमात म्‍हीमाकी ज्ञान्-बुद्‍दीइ भ्‍युकी तम्‍मा ग्‍यम्‍से अलुखइ। होतेबे तम्‍मामी ख्रीस्‍ट् ग्‍यम्‍से अय्‍हीन् तर हुजुमामी म्‍हीमाचे म्‍हेन्‍ज्‍यीम् लोप्‍पे तम्‍मा ग्‍यम्‍से ओसेम् जम्‍बुलीङ्‌की आत्‍ममाइ सक्‍ती ग्‍यम्‍से खबल य्‍हीन्‍ब।

१ तीमोथी 4:1

पबीत्र आत्‍माचे गोनलेनो सुङ्‌ब, लीक्‍क्‍यम्‍की बेलोरी डेत्‍डेत् म्‍हीमाचे बीस्‍वास् स्‍य्‍हेङ्‌ब पीत्‍लास्‍ये मुब। ओसेम् थेङ्‍यीमाचे भ्‍युकी आत्‍मामातेङ् म्‍हङ्‍माचे पङ्‍बे तम्‍मा ङ्‍येन्‍स्‍ये मुब।

२ तीमोथी 3:13

तर दुस्‍ट लक्‍तेङ् र्‌होत भ्‍यु लुबे म्‍हीमाचेम् ल्‍हो-ल्‍होमात ठग्‍तीस्‍ये मुब, ओसेम् ल्‍हो-ल्‍होमाचे थेङ्‍यीमात ठग्‍तीज्‍यीम् थेङ्‍यीमा झेन् य्‍हक्‍को न्‍होङ्‍बोर्‌स्‍ये मुब।

१ युहन्‍ना 3:7

म्‍होइबे कोलमा, एङ्‌यीमात खल्‍चेएनो लु अम्‍यङ्‍खइ। ज्‍यबे लक् स्‍य्‍हेङ्‌बे म्‍हीमानो ख्रीस्‍ट् र्‌हङ्‍बे धर्‌मी तब।

२ युहन्‍ना 1:7

येसु ख्रीस्‍ट् म्‍हीइ ल्‍ही तज्‍यीम् युबल अय्‍हीन् पङ्‍ज्‍यीम् लुबे म्‍हीमा य्‍हक्‍कोनो जम्‍बुलीङ्‌री खबल मुब। चोतेबे म्‍हीमाम् लुबलमातेङ् ख्रीस्‍ट् बीरोधीमा य्‍हीन्‍ब।