१ युहन्‍ना 2:12 - पश्‍चिम तामाङ

¹² म्‍होइबे कोलमा, ङ चु एङ्‌यीमात ब्रीटीब, तलेपङ्‍सम् ख्रीस्‍ट्‍की छेन्‍री एङ्‌यीमाकी पाप क्षमा तबल मुब।

१ युहन्‍ना 2:12 ပူးပေါင်းရင်းမြစ်များ

लुका 24:47

ओसेम् पाप ग्‍यम्‍से पस्‍चताप स्‍य्‍हेङ्‌बमाचे क्षमा यङ्‌ब पङ्‌बे सम्‍तर् यरुसलेम् य्‍हङ्‌से तीप्‍ज्‍यीम् जम्‍बुलीङ्‌की जम्‍मा य्‍हुल्‍री थेइ छेन्‍री प्रचार् तथोब।

लुका 5:20

येसुचे हुजु म्‍हीमाकी चोतेबे बीस्‍वास् म्रङ्‌ज्‍यीम् कङ् अचल्‍तीबे म्‍हीत सुङ्‌ज्‍यी, “अले एइ पाप क्षमा तबल मुब।”

प्रेरीत् 10:43

ओसेम् येसुरी बीस्‍वास् स्‍य्‍हेङ्‌बे जम्‍म म्‍हीमाइ पाप थेङ्‌की छेन्‍री क्षम यङ्‌ब बी अगम्‍बक्‍तमा जम्‍मचेनो पङ्‍बल मुबल।”

प्रेरीत् 13:38

होत्‍तज्‍यीम् अज्‍यो-अलेमा, ङ्‌यीमा एङ्‌यीमात पङ्‌ब चु येसु ग्‍यम्सेनो म्‍हीमाकी पापमा क्षमा तब।

प्रेरीत् 4:12

“येसु बीम ल्‍हो-ल्‍हो खल्‍चेएनो मुक्‍ती पीन्‍ब अखम्। तलेपङ्‍सम् जम्‍बुलीङ्‌री जम्‍म म्‍हीमात मुक्‍ती न्‍हङ्‍बरी पर्‌मेस्‍वर्‌चे ल्‍हो-ल्‍हो खलइ मीन्‍एनो न्‍हङ्‌बल अरे।”

१ कोरीन्‍थी 6:11

एङ्‍यीमान्‍हङ्‍री गदे म्‍हीमामी ङोन्‍ग्‍यम् चोतेबनो मुबल। तर देरेम् एङ्‌यीमाकी पाप ख्रुपीन्‍जेत्‍ज्‍यी, एङ्‍यीमात पबीत्र स्‍य्‍हेङ्‍जेत्‍ज्‍यी, ओसेम् प्रभु येसु ख्रीस्‍ट्‍तेङ् ङ्‍य्‍हङ्‍की पर्‌मेस्‍वर्‌की आत्‍मा ग्‍यम्‍से एङ्‍यीमा पर्‌मेस्‍वर्‌की ङोन्‍री तइ दोस्‍एनो अरेबल तज्‍यी।

एफीसी 1:7

पर्‌मेस्‍वर्‌की ङ्‍हच्‍छ्‍यङ् अनुग्रह अनुसार ख्रीस्‍ट्‍की का ग्‍यम्‍से ङ्‍य्‍हङ्‍माचे स्‍वतन्‍त्र यङ्‌बल मुब, ओसेम् ङ्‍य्‍हङ्‍माचे पाप्‍की क्षम यङ्‌बल मुब।

एफीसी 4:32

बरु दय मुबे म्‍हीमा तज्‍यीम् गीःचे गीःत म्‍होइगो। पर्‌मेस्‍वर्‌चे ख्रीस्‍ट्‍री एङ्‍यीमात क्षम न्‍हङ्‍जेत्‍प र्‌हङ्‌ले एङ्‌यीमाचेएनो गीःचे गीःत क्षम पीनो।

कलस्‍सी 1:14

परमेस्‍वरकी जचेनो ङ्‍य्‍हङ्‍मात पाप्‍की दोस् ग्‍यम्‍से फेःपीन्‍जेत्‍ज्‍यीम् क्षमा न्‍हङ्‍जेत्‍ज्‍यी।

१ युहन्‍ना 1:4

ङ्‌य्‍हङ्‌माकी तङ्‍ब टोप तखइ पङ्‍ज्‍यीम् ङचे चु तम् ब्रीटीबल य्‍हीन्‍ब।

१ युहन्‍ना 1:7

तर थेङ् य्‍हल्‍री तब र्‌हङ्‌ले ङ्‍य्‍हङ्‍एनो य्‍हल्‍री ब्रज्‍यी पङ्‌सम् ङ्‌य्‍हङ्‌माल गीःचे गी:तेङ् बक्‍च्‍य सङ्‍गती तब, ओसेम् पर्‌मेस्‍वर्‌की ज येसुइ काचे ङ्‌य्‍हङ्‍मात जम्‍मनो पाप ग्‍यम्‍से चोखो स्‍य्‍हेङ्‌ब।

१ युहन्‍ना 1:9

तर ङ्‍य्‍हङ्‍माचे र्‌हङ्‍की पाप पर्‌मेस्‍वर्‌की ङ्‍होन्‍सङ् स्‍वीकार लज्‍यी पङ्‌सम् थेङ्‌चे ङ्‌य्‍हङ्‌माकी पाप क्षमा न्‍हङ्‌जेत्स्‍ये मुब, ओसेम् जम्‍मनो अज्‍यबे तम्‍मा ग्‍यम्‍चे चोखो स्‍य्‍हेङ्‍पीन्‍जेत्‍स्‍ये मुब, तलेपङ्‍सम् थेङ् बीस्‍वास् योग्‍यतेङ् धर्‌मी मुब।

१ युहन्‍ना 2:1

ङइ कोलमा र्‌हङ्‍बे म्‍होइबे र्‌होमा एङ्‍यीमाचे पाप अस्‍य्‍हेङ्‍खइ पङ्‍ज्‍यीम् ङ एङ्‌यीमात चु तम्‍मा ब्रीटीब। तर खल्‍चे पङ्‌लेनो पाप स्‍य्‍हेङ्‍लएनो ङ्‍य्‍हङ्‍की लागीरी पर्‌मेस्‍वर् अपतेङ् तम् लपीन्‍जेत्‍पल गीः ङ्‍य्‍हङ्‍मातेङ् मुब, थेङ् धार्‌मीक् येसु ख्रीस्‍ट् य्‍हीन्‍ब।

१ युहन्‍ना 2:21

एङ्‍यीमाचे देमेन्‍त अस्‍य्‍हे पङ्‍ज्‍यीम् ङचे चु ब्रीबल अय्‍हीन्, तर एङ्‍यीमाचे देमेन्‍त स्‍येःबल तज्‍यीम् ब्रीबल य्‍हीन्‍ब। ओसेम् देमेन् ग्‍यम्‍से भ्‍यु अडोङ् पङ्‍बे तमएनो एङ्‍यीमाचे स्‍येःब।

१ युहन्‍ना 2:7

म्‍होइबे र्‌होमा, ङचे ब्रीटीबे चु कुल्‍बे अर्‌ती छार् अय्‍हीन् तर ङोन्‍ग्‍यम् य्‍हङ्‌सेनो एङ्‍यीमातेङ् मुबे पुरानो कुल्‍बे अर्‌ती य्‍हीन्‍ब। चु ङोन्‍ग्‍यम् य्‍हङ्‌सेनो मुबे पुरानो कुल्‍बे अर्‌ती एङ्‍यीमाचे थ्‍येःबे फ्रोइनो य्‍हीन्‍ब।