१ युहन्‍ना 1:9 - पश्‍चिम तामाङ

⁹ तर ङ्‍य्‍हङ्‍माचे र्‌हङ्‍की पाप पर्‌मेस्‍वर्‌की ङ्‍होन्‍सङ् स्‍वीकार लज्‍यी पङ्‌सम् थेङ्‌चे ङ्‌य्‍हङ्‌माकी पाप क्षमा न्‍हङ्‌जेत्स्‍ये मुब, ओसेम् जम्‍मनो अज्‍यबे तम्‍मा ग्‍यम्‍चे चोखो स्‍य्‍हेङ्‍पीन्‍जेत्‍स्‍ये मुब, तलेपङ्‍सम् थेङ् बीस्‍वास् योग्‍यतेङ् धर्‌मी मुब।

१ युहन्‍ना 1:9 ပူးပေါင်းရင်းမြစ်များ

मत्‍ती 3:6

ओसेम् थेङ्‍यीमाचे र्‌हङ्‍-र्‌हङ्‌की पाप स्‍वीकार लज्‍यीम् युहन्‍ना ग्‍यम्‍चे यर्‌दन ग्‍येन्‍दीरी बप्‍तीस्‍मा कीन्‍ज्‍यी।

मर्‌कुस् 1:5

यहुदीया प्रदेस्‍की य्‍हक्‍को ग्‍लामाचे ओसेम् यरुसलेम सहर्‌की य्‍हक्‍को म्‍हीमा युहन्‍नाज खज्‍यी। ओसेम् थेङ्‍यीमाचे र्‌हङ्-र्‌हङ्‍की पाप स्‍वीकार स्‍य्‍हेङ्‌ज्‍यीम् युहन्‍ना ग्‍यम्‍चे यर्‌दन गेन्‍दीरी बप्‍तीस्‍मा कीन्‍ज्‍यी।

लुका 22:57

तर पत्रुसचे अय्‍हीन् “अङ, ङचे थेत स्‍येःबल अरे!” बी पङ्‌ज्‍यी।

युहन्‍ना 17:25

“ङइ धर्‌मी अप, जम्‍बुलीङ्‌की म्‍हीमाचे थेङ्‍त अस्‍ये, तर ङचे थेङ्‌त स्‍येःब। ओसेम् ङत थेङ्‌चे पीत्‍युजेत्‍पल य्‍हीन्‍ब बी ङतेङ् ब्रबलमाचे स्‍येःब।

प्रेरीत् 19:18

ओसेम् बीस्‍वास् स्‍य्‍हेङ्‌बलमा य्‍हक्‍को खज्‍यीम् र्‌हङ्-र्‌हङ्‍की अज्‍यबे लक्‍मा स्‍वीकार लज्‍यी।

रोमी 3:26

पर्‌मेस्‍वर्‌चे चु बेलोरी र्‌हङ् धर्‌मी य्‍हीन्‍ब बी ङोन्‍जेत्‍परी ओसेम् येसुरी बीस्‍वास् स्‍य्‍हेङ्‌बलमा जम्‍मत धर्‌मी तनलजेत्‍परी चोले स्‍य्‍हेङ्‌जेत्‍पल य्‍हीन्‍ब।

१ कोरीन्‍थी 1:9

पर्‌मेस्‍वर् बीस्‍वासीलो मुब। थेङ्‌चेनो र्‌हङ्‍की ज येसु ख्रीस्‍ट्, ङ्‍य्‍हङ्‍की प्रभुइ सङ्‍गतीरी एङ्‍यीमात ङ्‌होत्‍जेत्‍ज्‍यी।

१ कोरीन्‍थी 6:11

एङ्‍यीमान्‍हङ्‍री गदे म्‍हीमामी ङोन्‍ग्‍यम् चोतेबनो मुबल। तर देरेम् एङ्‌यीमाकी पाप ख्रुपीन्‍जेत्‍ज्‍यी, एङ्‍यीमात पबीत्र स्‍य्‍हेङ्‍जेत्‍ज्‍यी, ओसेम् प्रभु येसु ख्रीस्‍ट्‍तेङ् ङ्‍य्‍हङ्‍की पर्‌मेस्‍वर्‌की आत्‍मा ग्‍यम्‍से एङ्‍यीमा पर्‌मेस्‍वर्‌की ङोन्‍री तइ दोस्‍एनो अरेबल तज्‍यी।

एफीसी 5:26

ख्रीस्‍ट्‍चे मन्‍डलीत पबीत्र स्‍य्‍हेङ्‍जेत्‍परी र्‌हङ्‍की फ्रोइ ग्‍यम्‍से ओसेम् सुद्‍द स्‍य्‍हेङ्‌जेत्‍बरी यी ग्‍यम्‍से ख्रुजेत्‍ज्‍यी।

१ तीमोथी 1:15

येसु ख्रीस्‍ट् पापीमात थर्‌न लबरी जम्‍बुलीङ्‌री ब्‍योन्‍युज्‍यी। चु गोदोब्‍चेनो बीस्‍वास् स्‍य्‍हेङ्‌थोबे देमेन्‍की तम् य्‍हीन्‍ब। ओसेम् पापीमा न्‍हङ्‌री गोदोब्‍न्‍हङ् य्‍हक्‍को पाप स्‍य्‍हेङ्‌बे म्‍ही ङ य्‍हीन्‍ब।

तीतस 2:14

येसु ख्रीस्‍ट्‍चे ङ्‌य्‍हङ्‌मात जम्‍मनो थोइ पाप ग्‍यम्‍से फेःपीन्‍जेत्‍परी र्‌हङ्‌की बुः न्‍हङ्‍न्‍जेत्‍ज्‍यी। थेङ्‌चे ङ्‌य्‍हङ्‌मात चोखो स्‍य्‍हेङ्‍जेत्‍परी र्‌हङ्‌की म्‍ही स्‍य्‍हेङ्‍जेत्‍ज्‍यी, ओसेम् ङ्‌य्‍हङ्‍मात ज्‍यबे लक् स्‍य्‍हेङ्‌बरी आर् पीन्‍बे लागीरी चोले स्‍य्‍हेङ्‍जेत्‍ज्‍यी।

हीब्रु 10:23

ङ्‍य्‍हङ्‍माचे थेन्‍बे आस्‍री य्‍हङ्‌य्‍होङ् अतनले कोङ्‍ज्‍यीम् टीइ, तलेपङ्‌सम् बाचा स्‍य्‍हेङ्‌जेत्‍पे पर्‌मेस्‍वर् बीस्‍वासीलो मुब।

हीब्रु 11:11

बीस्‍वास् ग्‍यम्सेनो खेक्‍प तज्‍यीन्‍बे अब्राहाम् अप तब खम्‍ज्‍यी। साराएनो कोल तब अखम्‍बे ओसेम् खुयु तज्‍यीन्‍बे अमकोल मुबल। होलेतलेनो पर्‌मेस्‍वर्‌चे र्‌हङ्‌चे स्‍य्‍हेङ्‍जेत्‍पे बाचा टोप् लजेत्‍प बी अब्राहाम्‍चे बीस्‍वास् स्‍य्‍हेङ्‌ज्‍यी।

हीब्रु 6:10

पर्‌मेस्‍वर्‌चे अन्‍याय स्‍य्‍हेङ्‍अजेत्, ओसेम् एङ्‌यीमाचे थेङ्‍की लागीरी स्‍य्‍हेङ्‌बे लक्‍तेङ् थेङ्‌की म्‍हीमात र्‌हो लज्‍यीम् थेङ्‍त ङोन्‍बे म्‍होइबत थेङ्‍चे म्‍लेत्‍अजेत्। ओसेम् देरेएनो एङ्‌यीमाचे होतेबे र्‌हो लबे लक् स्‍य्‍हेङ्‍स्‍यीनो टीबल मुब।

१ युहन्‍ना 1:7

तर थेङ् य्‍हल्‍री तब र्‌हङ्‌ले ङ्‍य्‍हङ्‍एनो य्‍हल्‍री ब्रज्‍यी पङ्‌सम् ङ्‌य्‍हङ्‌माल गीःचे गी:तेङ् बक्‍च्‍य सङ्‍गती तब, ओसेम् पर्‌मेस्‍वर्‌की ज येसुइ काचे ङ्‌य्‍हङ्‍मात जम्‍मनो पाप ग्‍यम्‍से चोखो स्‍य्‍हेङ्‌ब।

प्रकास 15:3

थेङ्‌यीमाचे चोले पर्‌मेस्‍वर्‌की योक्‍पो मोसाइ व्‍हइतेङ् थुमाकी व्‍हइ कोटीब मुबल, “प्रभु पर्‌मेस्‍वर् गोदोब्‍न्‍हङ्‍की सक्‍तीसाली पर्‌मेस्‍वर्, थेङ्‍की लक् य्‍हक्‍को ङ्‍हच्‍छ्‍यङ्तेङ् अचम्‍मल मुब। जाती-जातीमाकी ग्‍यल्‍बो, थेङ्‍की ग्‍यम्‍मा धार्‌मीक्‍तेङ् देमेन् मुब।