१ युहन्‍ना 1:4 - पश्‍चिम तामाङ

⁴ ङ्‌य्‍हङ्‌माकी तङ्‍ब टोप तखइ पङ्‍ज्‍यीम् ङचे चु तम् ब्रीटीबल य्‍हीन्‍ब।

१ युहन्‍ना 1:4 ပူးပေါင်းရင်းမြစ်များ

युहन्‍ना 15:11

ङचे चु तम् एङ्‌यीमात ङइ तङ्‍ब एङ्‌यीमातेङ् तखइ, ओसेम् एङ्‌यीमाकी सेम् तङ्‍बचे प्‍लीङ्‍खइ बी पङ्‍बल य्‍हीन्‍ब।

युहन्‍ना 16:24

देरेसम्‍म एङ्‍यीमाचे ङइ मीन्‍री ताएनो र्‌हीत्‍पल अरे। र्‌हीतो, एङ्‍यीमाचे यङ्‍स्‍ये मुब, ओसेम् एङ्‌यीमा तङ्‍बचे प्‍लीङ्‍स्‍ये मुब।

युहन्‍ना 3:29

दुलही दुलहल य्‍हीन्‍ब, ओसेम् दुलहकी रेइरी रप्‍पे र्‌हो दुलहइ केत् थ्‍येःज्‍यीम् य्‍हक्‍को तङ्‍ब। चोले ङइ तङ्‍ब देरेम् टोप् तबल मुब।

२ कोरीन्‍थी 1:24

एङ्‍यीमाचे बीस्‍वास् स्‍य्‍हेङ्‌बे तम्‍री ङ्‌यीमाचे कर् अल, तर एङ्‍यीमा तङ्‍खइ बी ङ्‌यीमा एङ्‍यीमातेङ् बक्‍च्‍य लक् स्‍य्‍हेङ्‍ब। तलेपङ्‍सम् र्‌हङ्‍की बीस्‍वास्‍री एङ्‍यीमा कोङ्‍बल मुब।

एफीसी 3:19

म्‍हीइ ज्ञान्‍चे गोब म्‍हइम टोप्‍ले गोब अखम्‍बे ख्रीस्‍ट्‍की म्‍होइबत एङ्‍यीमाचे गोबखमो, ओसेम् एङ्‌यीमाकी जम्‍मनो स्‍वभाबमा पर्‌मेस्‍वर्‌ल र्‌हङ्‍ब तब खम्‍खइ।

१ युहन्‍ना 2:1

ङइ कोलमा र्‌हङ्‍बे म्‍होइबे र्‌होमा एङ्‍यीमाचे पाप अस्‍य्‍हेङ्‍खइ पङ्‍ज्‍यीम् ङ एङ्‌यीमात चु तम्‍मा ब्रीटीब। तर खल्‍चे पङ्‌लेनो पाप स्‍य्‍हेङ्‍लएनो ङ्‍य्‍हङ्‍की लागीरी पर्‌मेस्‍वर् अपतेङ् तम् लपीन्‍जेत्‍पल गीः ङ्‍य्‍हङ्‍मातेङ् मुब, थेङ् धार्‌मीक् येसु ख्रीस्‍ट् य्‍हीन्‍ब।

२ युहन्‍ना 1:12

ङतेङ् एङ्‌यीमात पङ्‍थोबे तम् य्‍हक्‍कोनो मुब, तर हुजुमा मसीतेङ् स्‍योस्‍यो ग्‍यम्‍से ब्रीबे सेम् अरे, एङ्‍यीमातेङ् खतु लज्‍यीम् पङ्‍ल। ओसेम् ङ्‍य्‍हङ्‍मा य्‍हक्‍को तङ्‍स्‍ये मुब।