१ कोरीन्‍थी 7:30 - पश्‍चिम तामाङ

³⁰ क्राबलमा अक्राबलमा र्‌हङ्‌ले, ओसेम् तङ्‍बलमा अतङ्‍बलमा र्‌हङ्‍ब तज्‍यीम् टीखइ। ओसेम् ग्‍लुज्‍यीम् बबलमाचे र्‌हङ्‍तेङ् तएनो अरेबल र्‌हङ्‍ब तज्‍यीम् टीखइ।

१ कोरीन्‍थी 7:30 ပူးပေါင်းရင်းမြစ်များ

लुका 16:25

तर अब्रहामचे थेत पङ्‌ज्‍यी, ‘ङइ ज, व्‍हल् लो स्‍यीम्, एचे जम्‍बुलीङ्‌री मुबे बेलोरी ज्‍यबतेङ् रोङ्‌बे स्‍हेमा यङज्‍यी, लाजरस्‍चेमी अज्‍यबकीनो यङ्‌ज्‍यी। तर देरेम् थे चुरी सुखरी देनले टीटीब मुब। ओसेम् एमी य्‍हक्‍को दुख नाटीब।

लुका 6:21

ओ ख्रेम्‍बलमा, एङ्‌यीमात पर्‌मेस्‍वर्‌चे मोलम् न्‍हङ्‌स्‍ये मुब! तलेपङ्‍सम् एङ्‌यीमात पर्‌मेस्‍वर्‌चे म्रेन्‍न लजेत्‍स्‍ये मुब। ओसेम् क्राबे म्‍हीमा, एङ्‌यीमात पर्‌मेस्‍वर्‌चे मोलम् न्‍हङ्‌स्‍ये मुब! तलेपङ्‍सम् एङ्‌यीमात पर्‌मेस्‍वर्‌चे ङ्‌येत्‍न लजेत्‍स्‍ये मुब!

लुका 6:25

धीक्‍कार म्रेन्‍बलमा, तलेपङ्‍सम् एङ्‌यीमा ख्रेन्‍स्‍ये मुब! धीक्‍कार ङ्‌येत्‍पलमा, तलेपङ्‍सम् एङ्‍यीमाचे दुख यङ्‌ज्‍यीम् क्राथोस्‍ये मुब!

युहन्‍ना 16:22

एङ्‍यीमातएनो होले तब, देरे एङ्‌यीमात य्‍हक्‍को दुख तब, तर ङचे एङ्‌यीमात लीक्‍यम् दोःज्‍यीम् म्रङ्‌बे बेलोरी एङ्‌यीमाकी सेम् तङ्‍बचे प्‍लीङ्‍स्‍ये मुब। ओसेम् एङ्‌यीमाकी हुजु तङ्‍बत खल्‍चेएनो एङ्‍यीमा ग्‍यम्‍से ब्‍येन्‍बोर्‌ब खम्‍स्‍ये अरे।

१ कोरीन्‍थी 7:29

बीस्‍वासी र्‌होमा, ङ एङ्‍यीमात पङ्‍ब, बेलो य्‍हक्‍को अरे, ओसेम् देरे य्‍हङ्‍से म्रीङ् मुबलमा म्रीङ् अरेबलमा र्‌हङ्‍ब तज्‍यीम् टीउ।

१ कोरीन्‍थी 7:31

ओसेम् चु जम्‍बुलीङ्‌की स्‍हे:मा कोल्‍बलमाचे हुजु स्‍हे:मा कोल्‍बरी सेम्‍नो अपीन्‍खइ, तलेपङ्‍सम् चु जम्‍बुलीङ् ग्‍योनेनो म्‍हज्‍यीम् य्‍हर्‌स्‍ये मुब।

प्रकास 18:7

ओसेम् थेचे गदे घमन्‍डतेङ् मनमोज्‍यी लज्‍यीम् टीज्‍यी, थेत होदेनो कस्‍टतेङ् दुख पीनो। तलेपङ्‍सम् थेचे सेम्‍न्‍हङ्‌रीनो पङ्‍ब, ‘ङमी ङ्‍हच्‍छ्‍यङ् ग्‍यल्‍मो तज्‍यीम् टीबल मुब, ङ र्‌हेम्‍बो स्‍यीबे अमकोल अय्‍हीन्, ङचे खेमेएनो दुख लथोस्‍ये अरे।’

प्रकास 7:17

तलेपङ्‍सम् ठीइ गुङ्‍री स्‍य्‍हुजेत्‍पे थुमानो थेङ्‍यीमाकी गोर्‌तेन् तजेत्‍स्‍ये मुब। थेङ्‌चेनो थेङ्‍यीमात जीवन् यङ्‍बे यीइ म्रुरी नोम्‍जेत्‍स्‍ये मुब, ओसेम् पर्‌मेस्‍वर्‌चेनो थेङ्‍यीमाकी मीःकी मीख्‍ली जम्‍मनो फ्‍याजेत्‍स्‍ये मुब।”