१ कोरीन्‍थी 7:2 - पश्‍चिम तामाङ

² तर बेस्‍याइ लक् स्‍य्‍हेङ्‌बे परीक्ष य्‍हक्‍को खब, होत्‍तज्‍यीम् अपकोलमा जम्‍मलनो र्‌हङ्‍की म्रीङ् तखइ, ओसेम् अमकोलमालएनो र्‌हङ्‍की र्‌हेम्‍बो तखइ।

१ कोरीन्‍थी 7:2 ပူးပေါင်းရင်းမြစ်များ

मत्‍ती 5:32

तर ङ एङ्‌यीमात पङ्‍ब, ब्‍यभीचार् स्‍य्‍हेङ्‌ज्‍यी पङ्‍बे तम् बीम ल्‍हो-ल्‍हो तम्‍री म्रीङ्‍तेङ् स्‍यीङ्‍ग थाज्‍यीम् थेइ म्रीङ्‍चे ल्‍हो-ल्‍होतेङ् भ्‍या स्‍य्‍हेङ्‌ज्‍यी पङ्‌सम् थेचे म्रीङ्‍त ब्‍यभीचारी तन लब, ओसेम् हुजु अमकोलतेङ् भ्‍या स्‍य्‍हेङ्बलचेएनो ब्‍यभीचार् स्‍य्‍हेङ्‌ब।

१ कोरीन्‍थी 6:18

बेस्‍या लक् स्‍य्‍हेङ्‍ब ग्‍यम्‍से थारीङ् टीउ, ल्‍हो-ल्‍हो पाप् म्‍हीचे र्‌हङ्‍की ल्‍हीः ग्‍यम्‍से फीर्‌च्‍योर् स्‍य्‍हेङ्‍ब, तर ब्‍यभीचार् स्‍य्‍हेङ्‌बे म्‍हीचे र्‌हङ्‍की ल्‍हीःकी बीरुद्‍दरी पाप स्‍य्‍हेङ्‍ब।

१ कोरीन्‍थी 7:1

देरेम् ङ एङ्‍यीमाचे भ्‍या लबे बारेरी ङ्‍योत्‍पे तम्‍की जोहप् चोले ब्रीब। एङ्‍यीमाचे, “अपकोलचे भ्‍या अस्‍य्‍हेङ्‍नले टीब ज्‍यब य्‍हीन्‍ब” बी पङ्‍बल मुबल।

१ कोरीन्‍थी 7:3

अपकोलमाचे भ्‍या स्‍हेङ्‌ब बीसेम् र्‌हङ्‍की म्रीङ्‍तेङ् न्‍हुथोब, ओसेम् होलेनो म्रीङ्‍चेएनो र्‌हेम्‍बोतेङ् न्‍हुथोब।

१ कोरीन्‍थी 7:9

तर एङ्‍यीमाचे र्‌हङ्‍की सेम् दुल्‍ब अखम्‍ज्‍यी पङ्‌सम् भ्‍या स्‍हेङो। तलेपङ्‍सम् सेम् नाअखम्‍ज्‍यीम् टीब बीमम् भ्‍या स्‍य्‍हेङ्‍बनो ज्‍यब य्‍हीन्‍ब।

एफीसी 5:28

होलेनो र्‌हेम्‍बोमाचेएनो र्‌हङ्-र्‌हङ्‍की म्रीङ्‍मात र्‌हङ्‍की ल्‍हीःत र्‌हङ्‌ले म्‍होइथोब। तलेपङ्‍सम् म्रीङ्‍त म्‍होइबलचे र्‌हङ्‌तनो म्‍होइब।

एफीसी 5:33

होत्‍तज्‍यीम् एङ्‍यीमा जम्‍मचेनो र्‌हङ्-र्‌हङ्‍की म्रीङ्‍त र्‌हङ्‍त र्‌हङ्‌ले म्‍होइथोब, ओसेम् जम्‍मनो म्रीङ्‍माचेएनो र्‌हङ्-र्‌हङ्‍की र्‌हेम्‍बोत स्‍हेस स्‍य्‍हेङ्‍थोब।

१ थेस्‍लोनीकी 4:4

एङ्‍यीमा जम्‍मचेनो पर्‌मेस्‍वर्‌त अस्येबे म्‍हीमाचे र्‌हङ्‌ले प्रो नापीन्‍बे सेम् थो:ज्‍यीम् अय्‍हीन्, तर पबीत्रतेङ् स्‍य्‍हेस स्‍य्‍हेङ्‌ज्‍यीम् र्‌हङ्‌की म्रीङ्‍तेङ् टीथोब।

१ तीमोथी 4:3

थेङ्‍यीमाचे भ्‍या स्‍य्‍हेङ्‌ब अत ओसेम् डेत् डेत् चबमाम् चब अत पङ्‍ज्‍यीम् म्‍हीमात लोप्‍प। तर बीस्‍वास् स्‍य्‍हेङ्‍बलमातेङ् देमेन्‍त स्‍येबलमाचे व्‍होर्‌छ्‍ये पीन्‍ज्‍यीम् पर्‌मेस्‍वर्‌चे स्‍य्‍हेङ्‌जेत्‍पे चु चबे स्‍हेमा चब तब।