१ कोरीन्‍थी 6:3 - पश्‍चिम तामाङ

³ ङ्‌य्‍हङ्‍माचे स्‍वर्‌गदुत्‍मालएनो न्‍याय स्‍य्‍हेङ्‍स्‍ये मुब बी एङ्‍यीमाचे स्‍येःबल अरे? होले पङ्‌सम् ङ्‍य्‍हङ्‍माचे चु जीवन्‍री तबे तम्‍माकी न्‍याय स्‍य्‍हेङ्‌ब खम्‍थोब।

१ कोरीन्‍थी 6:3 ပူးပေါင်းရင်းမြစ်များ

मत्‍ती 25:41

“हुजु लीप्‍चे थेङ्‌चे र्‌हङ्‌की ल्‍होम्‍पट्‍टीचे मुबलमात पङ्‌स्‍ये मुब, ‘पर्‌मेस्‍वर्‌की केम्‍लङ् यङ्‍बलमा! एङ्‍यीमा ङ ग्‍यम्‍से थारीङ् य्‍हरो, ओसेम् सैतान्‍तेङ् थेइ चवमाकी लागीरी टोप लबे खेमेएनो अस्‍यीबे मेन्‍हङ् य्‍हरो!

लुका 21:34

“होसीयार् तज्‍यीम् टीउ, य्‍हक्‍को चबथुङ्‌ब लज्‍यीम् ङ्‌य्‍हेज्‍यीम् थब्रउ। ओसेम् चु जीवनकी लागीरी थछेरो, अय्‍हीन् पङ्‌सम् एङ्‌यीमाइ सेम् न्‍होङ्‌स्‍ये मुब। ओसेम्, हुजु दीन्‍री एङ्‌यीमा तीक्‍कुरीनो वरी स्‍यप्‍प र्‌हङ्‌ले स्‍यप्‍स्‍ये मुब।

लुका 8:14

पुजुइ जीङ्‌न्‍हङ् दोःबे ब्‍लु पङ्‍बलमी चु य्‍हीन्‍ब, थेङ्‍यीमाचे पर्‌मेस्‍वर्‌की फ्रोइ्‍मी ङ्‌येन्‍ब तर थेमाइ जीवन्‍री छेर्‌ब, टङतेङ् स्‍हेमाइ लोभ ओसेम् मोज्‍मजमाचे लज्‍यीम् बीस्‍वासत ङ्‌हच्‍छ्‌यङ् ताअबुङ। होत्‍तज्‍यीम् थेमाइ बीस्‍वास्‍री तेएनो अरो।

रोमी 6:16

एङ्‍यीमाचे स्‍येबलनो मुब, एङ्‍यीमाचे र्‌हङ्‌चे र्‌हङ्‌तनो खल्‍चे कुल्‍बे तम् ङ्‌येन्‍बरी सोप्‍तीब, एङ्‍यीमा हुजुइ बाननो तब। एङ्‍यीमाचे पाप्‍चे कुल्‍बे तम् ङ्‍येन्‍ज्‍यी पङ्‌सम् एङ्‍यीमा स्‍यीस्‍ये मुब, तर पर्‌मेस्‍वर्‌चे कुल्‍बल ङ्‍येन्‍ज्‍यी पङ्‌सम् एङ्‍यीमा थेङ्‍की ङोन्‍ग्‍यम् धर्‌मी तस्‍ये मुब।

१ कोरीन्‍थी 6:15

एङ्‌यीमाकी ल्‍हीः ख्रीस्‍ट्‍की ल्‍हीःकी अङ्‍गमा य्‍हीन्‍ब पङ्‍बे तम् एङ्‍यीमाचे अस्‍ये? होले पङ्‌सम् ता ङचे ख्रीस्‍ट्‍की अङ्‍गत बेस्‍यइ अङ्‍ग तनलब? चोतेब खेमेएनो अतखइ!

१ कोरीन्‍थी 6:16

बेस्‍यतेङ् ब्रबे म्‍हीम् बेस्‍यतेङ् ल्‍हीःरी गीः र्‌हङ्‍बनो तब पङ्‍बे तम् एङ्‍यीमाचे अस्‍ये? तलेपङ्‍सम् धर्‌म छ्‍येःचे पङ्‍ब, “थेङ्‍य्‍ही ल्‍हीः गीः र्‌हङ्‍ब तस्‍ये मुब।”

१ कोरीन्‍थी 6:19

एङ्‌यीमाकी ल्‍हीः पबीत्र आत्‍माइ दीम् य्‍हीन्‍ब। पर्‌मेस्‍वर्‌चे न्‍हङ्‍जेत्‍पे पबीत्र आत्‍मा एङ्‌यीमाकी ल्‍हीरी स्‍य्‍हुजेत्‍प पङ्‍बे तम् एङ्‍यीमाचे अस्‍ये? एङ्‌यीमाकी ल्‍हीःएनो एङ्‍यीमा र्‌हङ्‌ल अय्‍हीन्।

१ कोरीन्‍थी 6:4

होत्‍तज्‍यीम् चोतेबे बङ्‍ब छेत्‍पमा तबतेङ् तले एङ्‍यीमाचे पर्‌मेस्‍वर्‌त बीस्‍वास् अस्‍य्‍हेङ्‌बे म्‍हीमात न्‍याय स्‍य्‍हेङ्‌पीनो बी पङ्‍ब?

२ तीमोथी 2:4

स्‍यीपाइ ल्‍हो-ल्‍हो लक्‍मारी उन्‍ज्‍यीम् अटी, तलेपङ्‍सम् थेचे र्‌हङ्‌की हाकीम्‍त तङ्न लबकीनो म्‍हइब।

२ तीमोथी 4:10

डेमासचे चु जम्‍बुलीङ्‍त म्‍होइज्‍यीम् ङत ख्‍लेथेन्‍ज्‍यी ओसेम् थेसलोनीकेरी य्‍हर्‌बल मुब। क्रेसेन्‍स पर्‌मेस्‍वर्‌की लक् स्‍य्‍हेङ्‌बरी गलातीया प्रदेस्‍री ङ्‌यीबल मुब, ओसेम् तीतस दालमातीयारी ङ्‌यीबल मुब

२ पत्रुस 2:4

तलेपङ्‍सम् पर्‌मेस्‍वर्‌चे पाप स्‍य्‍हेङ्‌बे स्‍वर्‌गदुत्‍मात खल्‍तेएनो थेनअजेत्। थेङ्‍चे थेङ्‍यीमात नर्‌करी ख्‍लापीत्‍जेत्‍ज्‍यी, ओसेम् न्‍यायकी दीन् सम्‍म थेङ्‍यीमात म्‍हुन्‍तुङ्‍री च्‍यल्‍तचे खीःज्‍यीम् थेन्‍बल मुब।

यहुदा 1:6

र्‌हङ्‍की अधीकार न्‍हङ्‍री अटीनले र्‌हङ् टीबे ग्‍ला ख्‍लेथेन्‍ज्‍यीम् ब्रबे स्‍वर्‌गदुत्‍मात थेङ्‍चे न्‍यायकी ङ्‍हच्‍छ्‍यङ् दीन्‍की लागीरी म्‍हुन्‍दुङ्‍न्‍हङरी खेमेएनो अस्‍योर्‌नले खीःज्‍यीम् थेन्‍जेत्‍पल मुब।