१ कोरीन्‍थी 16:1 - पश्‍चिम तामाङ

¹ देरेम् यसुस्‍लेम्‍री टीबे पर्‌मेस्‍वर्‌की म्‍हीमाकी लागीरी र्‌हुप्‍पे टङइ बारेरीमी ङ चोले ब्रीब, ङचे गलातीयकी मन्डलीमात लोप्‍पल र्‌हङ्‌लेनो एङ्‍यीमाचे स्‍य्‍हेङो।

१ कोरीन्‍थी 16:1 ပူးပေါင်းရင်းမြစ်များ

प्रेरीत् 11:28

हुजु अगम्‍बक्‍तमा न्‍हङ्‌की अगाबस पङ्‍बे अगम्‍बक्‍त रेःज्‍यी ओसेम् पबीत्र आत्‍माइ सक्‍तीचे जम्‍मनो ग्‍लारी अनीकल् खय्‍हम्‍बल मुब बी पङ्‍पुङ्‍ज्‍यी। (हुजु अनीकल् क्‍लौडीयस पङ्‍बे ग्‍यल्‍बोचे सासन् स्‍य्‍हेङ्‌बे बेलोरी टोप् तज्‍यी।)

प्रेरीत् 11:30

चोले थेङ्‍यीमाचे टङ र्‌हुब्‍ज्‍यी। ओसेम् बारनाबासतेङ् साउलकी या ग्‍यम्‍से यरुसलेमकी मन्‍डलीइ अगुवामाज पीत्‍ज्‍यी।

प्रेरीत् 16:6

पबीत्र आत्‍माचे पावलतेङ् सीलासत एसीया प्रदेस्‍री प्रचार स्‍य्‍हेङ्‌बरी ङ्‍यीअबुङ्‍बल तज्‍यीम् थेङ्‍य्‍ही फ्रीगीयातेङ् गलातीया प्रदेस् तज्‍यीम् य्‍हर्‌ज्‍यी।

प्रेरीत् 18:23

हुजुरी तोव दीन् टीज्‍यी, ओसेम् पावल गलातीयातेङ् फ्रीगीयाकी जम्‍मनो ग्‍लामा तज्‍यीम् हुजु ग्‍लामारी मुबे जम्‍मनो बीस्‍वासीमात बीस्‍वास्‍री कोङ्‍न लबोर्‌ज्‍यीम् य्‍हर्‌ज्‍यी।

प्रेरीत् 24:17

“य्‍हक्‍को बर्‌स लीप्‍चे ङ यरुसलेमरी ङइ म्‍हीमात टङ पीन्‍बरी ओसेम् पर्‌मेस्‍वर्‌त भेटी पीन्‍बरी खबल मुबल।

प्रेरीत् 9:13

तर हननीयाचे पङ्‍ज्‍यी, “प्रभु हुजु म्‍हीचे यरुसलेमरी मुबे थेङ्‌की म्‍हीमात य्‍हक्‍को अज्‍यबे लक्‍मा स्‍य्‍हेङ्‌ज्‍यीम् दुख पीन्‍बल मुब रो पङ्‍बे तम् ङचे य्‍हक्‍को म्‍हीमा ग्‍यम्‍से थ्‍येःबल मुब।

प्रेरीत् 9:41

पत्रुसचे हुजु अमकोलइ या चुङ्‌ज्‍यीम् सेन्‍ज्‍यी। हुजु लीप्‍चे पत्रुसचे बीस्‍वासीमातेङ् र्‌हेम्‍बो स्‍यीबे अमकोलमात ङ्‌होत्‍ज्‍यीम् डोरकास सोबल ङोन्‍ज्‍यी।

रोमी 12:13

पर्‌मेस्‍वर्‌की म्‍हीमाकी अयोब अख्‍युप्‍पमारी र्‌हो स्‍य्‍हेङो, दीम्‍री खबे डोम्‍बोमात ज्‍यनले क्‍योङ्‍बे सेम् लस्‍यीनो टीउ।

१ कोरीन्‍थी 11:34

खल पङ्‌लेनो ख्रेन्‍बल मुसम् थेचे दीम्‍री चखइ, होले तज्‍यीम् प्रभु डोन् चबरी र्‌हुब् तबतेङ् एङ्‍यीमाचे सजाय नाअथोखइ। ल्‍हो-ल्‍हो तम्‍माकी बारेरीम् ङ खबतेङ् लोप्‍पीन्‍स्‍ये मुब।

१ कोरीन्‍थी 16:15

अखैया प्रदेस्‍री स्‍तीफनस्‍तेङ् थेइ दीम्‍की म्‍हेम्‍यमाचे जम्‍मन्‍हङ्‍री ङोन्‍ग्‍यम् बीस्‍वास् स्‍य्‍हेङ्‍बल पङ्‍बे तम् एङ्‍यीमाचे स्‍येःबलनो मुब। थेङ्‍यीमाचे पर्‌मेस्‍वर्‌की म्‍हीमात र्‌हो लबरी र्‌हङ्‍की जीवन्‍नो पीन्‍बल मुब। बीस्‍वासी र्‌होमा, ङ एङ्‍यीमात फ्‍या लब,

१ कोरीन्‍थी 4:17

होत्‍तज्‍यीम् ङचे एङ्‍यीमाज तीमोथीत पीत्‍खटीबल मुब। थे प्रभुरी ङइ म्‍होइबतेङ् बीस्‍वासीलो ज य्‍हीन्‍ब। ङचे जम्‍मा ग्‍लामातेङ् मन्‍डलीमारी लोप्‍प र्‌हङ्‌ले येसु ख्रीस्‍ट्‍री ङइ छार् जीवन् खतेब मुब पङ्‍बे तम् थेचे एङ्‍यीमात व्‍हल् लपीन्‍स्‍ये मुब।

गलाती 1:2

ङचे चु चीठी ब्रीज्‍यीम् ङतेङ् चुरी मुबे जम्‍मनो बीस्‍वासी र्‌होमा ग्‍यम्‍से गलातीया प्रदेस्‍की मन्डलीमात पीत्‍खटीब।

गलाती 2:10

ओसेम् प्रङ्‌नमात ङ्‌यीमाचे र्‌हो लस्‍यीनो टीथोब पङ्‍बे तम्‍कीनो थेङ्‌यीमाचेएनो पङ्‍ज्‍यी। हुजु लक् स्‍य्‍हेङ्‌बरी ङलएनो य्‍हक्‍को सेम् मुबल।

फीलेमोन 1:5

तलेपङ्‍सम् प्रभु येसुत एचे स्‍य्‍हेङ्‌बे बीस्‍वास्‍तेङ् पर्‌मेस्‍वर्‌की जम्‍मनो म्‍हीमात म्‍होइबे तम् ङचे थ्‍येःबल मुब।

फीलेमोन 1:7

म्‍होइबे अले, एचे ल्‍हो-ल्‍होमात म्‍होइबल तज्‍यीम् ङचे य्‍हक्‍को तङ्‍बतेङ् य्‍हक्‍को आर् यङ्‌बल मुब। तलेपङ्‍सम् एचे पर्‌मेस्‍वर्‌की म्‍हीमाकी सेम् तङ्‍नलबल मुब।

हीब्रु 6:10

पर्‌मेस्‍वर्‌चे अन्‍याय स्‍य्‍हेङ्‍अजेत्, ओसेम् एङ्‌यीमाचे थेङ्‍की लागीरी स्‍य्‍हेङ्‌बे लक्‍तेङ् थेङ्‌की म्‍हीमात र्‌हो लज्‍यीम् थेङ्‍त ङोन्‍बे म्‍होइबत थेङ्‍चे म्‍लेत्‍अजेत्। ओसेम् देरेएनो एङ्‌यीमाचे होतेबे र्‌हो लबे लक् स्‍य्‍हेङ्‍स्‍यीनो टीबल मुब।

१ युहन्‍ना 3:17

जम्‍बुलीङ्‌री सोबरी तोःबे स्‍हेःमा मुबलचे र्‌हङ्‍की बीस्‍वासी र्‌होमात हुजु स्‍हेः तोबल म्रङ्‍ज्‍यीमएनो सेम् कोङ्‍ज्‍यीम् अपीन्‍ज्‍यी पङ्‌सम् थेमाचे खले पर्‌मेस्‍वर्‌त म्‍होइब?