१ कोरीन्‍थी 15:54 - पश्‍चिम तामाङ

⁵⁴ स्‍यीबे ल्‍हीः खेमेएनो अस्‍यीबे ल्‍हीरी पोबतेङ् धर्‌म छ्‍येःचे पङ्‍बे तम् टोप् तस्‍ये मुब, “स्‍यीबत डाबचे ग्‍लोङ्‍बल मुब।”

१ कोरीन्‍थी 15:54 ပူးပေါင်းရင်းမြစ်များ

लुका 20:36

थेङ्‌यीमा खेमेएनो अस्‍यी। तलेपङ्‍सम् थेङ्‌यीमा स्‍वर्‌गदुत्‍मा र्‌हङ्‌ब तब। थेङ्‌यीमा स्‍यीज्‍यीम् लीक्‍यम् पुनरुत्‍थान तबल तज्‍यीम् पर्‌मेस्‍वर्‌की कोलमा तब।

रोमी 1:23

थेङ्‍यीमाचे खेमेएनो नास् अतबे पर्‌मेस्‍वर्‌त तेन्‍थोस्‍येकी देब्‍री नास् तज्‍यीम् य्‍हर्‌बे म्‍हीमा, ङ्‍यम्‍ङ्‍यमा, जन्‍तुमा ओसेम् फोचे स्‍य्‍होलोक्‍ज्‍यीम् ब्रबे जन्‍तुमाकी ख्‍लमातक तेन्‍ज्‍यी।

रोमी 2:7

ज्‍यबे लक् स्‍य्‍हेङ्‍स्‍यीनो टीज्‍यीम् पर्‌मेस्‍वर्‌की महीमा, स्‍य्‍हेस ओसेम् खेमेनो अबेबे जीवन् म्‍हइबे म्‍हीमात पर्‌मेस्‍वर्‌चे खेमेनो अबेबे जीवन् न्‍हङ्‌जेत्स्‍ये मुब।

रोमी 6:12

होत्‍तज्‍यीम् एङ्‌यीमाकी स्‍यीज्‍यीम् य्‍हर्‌बे ल्‍हीरी पाप्‍त सासन् थस्‍य्‍हेङ्‍पुङो, ओसेम् पाप्‍की दुस्‍ट म्‍हेन्‍बचे कुल्‍बे तम्‍मा थङ्‌येनो।

रोमी 8:11

येसुत स्‍यीब ग्‍यम्‍से सोन लजेत्‍पे पर्‌मेस्‍वर्‌की आत्‍मा एङ्‍यीमातेङ् स्‍य्‍हुजेत्‍पल मुसम्, पर्‌मेस्‍वर्‌चे एङ्‍यीमातेङ् स्‍य्‍हुजेत्‍पे थेङ्‌की आत्‍मा ग्‍यम्‍से ख्रीस्‍ट्‌त सोन लजेत्‍प र्‌हङ्‌ले एङ्‌यीमाकी स्‍यीबे ल्‍हीःतएनो सोम्‍बो तन लजेत्‍स्‍ये मुब।

२ कोरीन्‍थी 4:11

तलेपङ्‍सम् येसुइ जीवन् ङ्‍यीमाकी स्‍यीज्‍यीम् य्‍हर्‌बे ल्‍हीःरी म्रङ्‌खइ पङ्‍ज्‍यीम् येसुइ लागीरी ङ्‌यीमाचे खेम पङ्‌लेनो स्‍यीब सम्‍मइ दुःखमाएनो नाब।

२ कोरीन्‍थी 5:4

ङ्‍य्‍हङ्‍मा चु जम्‍बुलीङ्‌री चु ल्‍हीःरी टीगदे य्‍हक्‍को दुखमाचे दुःज्‍यीम् ह्‍वुइ तप्‍थोलेएनो चु ल्‍हीः ख्‍लाबे सेम् अल। तर चु स्‍यीज्‍यीम् य्‍हर्‌बे ल्‍हीः पोब बीसेम् पर्‌मेस्‍वर्‌चे न्‍हङ्‍जेत्‍स्‍येकी जुक्‍नो टीबे स्‍वर्‌गइ ल्‍हीः यङ्‍बरी ङ्‍य्‍हङ्‍माचे य्‍हक्‍को सेम् लब।

२ थेस्‍लोनीकी 1:10

चु तम्‍मा प्रभु येसु ब्‍योन्‍युजेत्‍पे दीन्‍री तब। हुजु दीन्‍री प्रभु येसुचे र्‌हङ्‌की पबीत्र म्‍हीमा ग्‍यम्‍से स्‍य्‍हेस ओसेम् बीस्‍वासीमा ग्‍यम्‍से तोप्‍प यङ्‍जेत्‍स्‍ये मुब। एङ्‌यीमाएनो थेङ्‍यीमातेङ् तस्‍ये मुब, तलेपङ्‍सम् एङ्‍यीमाचे ङ्‌यीमाचे स्‍येत्‍पे सम्‍तर्‌त पतइतीज्‍यी।

प्रकास 20:14

हुजुलीप्‍चे स्‍यीबतेङ् स्‍यीबे म्‍हीमाकी आत्‍मामा टीबे ग्‍लातएनो लुम्‍टीबे मेइ ग्‍येन्‍हङ् ख्‍लापीत्‍ज्‍यी। चु मेइ ग्‍येमी दोस्रो स्‍यीब य्‍हीन्‍ब।

प्रकास 21:4

थेङ्‍चे थेङ्‍यीमाकी जम्‍मनो मीःकी मीख्‍ली फ्‍यापीन्‍जेत्‍स्‍ये मुब, ओसेम् देरे य्‍हङ्‍स्‍ये खलएनो स्‍यीस्‍ये अरे, ओसेम् खल्‍चेएनो दुख म्‍हन्‍दीस्‍ये अरे, खलएनो क्रास्‍ये अरे, तइ नब छ्‍योइबएनो तस्‍ये अरे। तलेपङ्‍सम् ङोन्‍ग्‍यम्‍की स्‍हेःमा म्‍हज्‍यीम् य्‍हर्‌ज्‍यीन्‍बल मुब।”