१ कोरीन्‍थी 15:27 - पश्‍चिम तामाङ

²⁷ तलेपङ्‍सम् धर्‌म छ्‌येःचे, “पर्‌मेस्‍वर्‌चे जम्‍मनो स्‍हेःमा ख्रीस्‍ट्‍की स्‍य्‍हब् दुङ्‌री थेन्‍जेत्‍पल मुब” बी पङ्‍ब। चु पङ्‍बलमी पर्‌मेस्‍वर्‌एनो ख्रीस्‍ट्‍की अधीन्‍री तस्‍ये मुब बी पङ्‍बल अय्‍हीन्, तर पर्‌मेस्‍वर्‌चेनो जम्‍मनो स्‍हेःमा ख्रीस्‍ट्‍की अधीन्‍री तनलजेत्‍स्‍ये मुब बी पङ्‍बल य्‍हीन्‍ब।

१ कोरीन्‍थी 15:27 ပူးပေါင်းရင်းမြစ်များ

मत्‍ती 11:27

“ङइ अपचे जम्‍मा स्‍हेमा ङत सोप्‍तीजेत्‍पल मुब। अपचे बीम खल्‍चेएनो जत अस्‍ये, ओसेम् जचे बीम खल्‍चेएनो अपत अस्‍ये, तर जचे अपत स्‍येनलपीन्‍बे म्‍हीमाचे अपत स्‍येःब।

मत्‍ती 28:18

ओसेम् येसु थेङ्‌यीमाकी रेइरी खज्‍यीम् सुङ्‌ज्‍यी, “ङत स्‍वर्‌गतेङ् जम्‍बुलीङ्‌की जम्‍मनो हक् न्‍हङ्‌बल मुब।

युहन्‍ना 13:3

पर्‌मेस्‍वर्‌चे र्‌हङ्‍त जम्‍मनो तम्‍माकी हक् न्‍हङ्‌बल मुब पङ्‍बे तम् येसुचे खेम्‍जेत्‍पल मुबल। ओसेम् थेङ् पर्‌मेस्‍वर् ग्‍यम्सेनो ब्‍योन्‍युबल य्‍हीन्‍ब पङ्‍बतेङ् पर्‌मेस्‍वर्‌जनो दोःज्‍यीम् स्‍येटीब पङ्‍बे तम् खेम्‍जेत्‍पल मुबल।

युहन्‍ना 3:35

अपचे जत म्‍होइजेत्‍प, ओसेम् जम्‍मनो तम्‍मा थेङ्‌की फ्‍यारी न्‍हङ्‌बल मुब।

एफीसी 1:22

पर्‌मेस्‍वर्‌चे जम्‍मनो स्‍हेःमा ख्रीस्‍ट्‍की अधीन्‍री थेन्‍पीन्‍जेत्‍ज्‍यी, ओसेम् मन्‍डलीइ लागीरी थेङ्‍तनो जम्‍मनो स्‍हेःमाकी क्र स्‍य्‍हेङ्‍पीन्‍जेत्‍ज्‍यी।

हीब्रु 1:13

ओसेम् पर्‌मेस्‍वर्‌चे खजु स्‍वर्‌गदुत्‍तएनो खेमेएनो चोले सुङ्‌जेत्‍पल अरे, “ङचे एइ सत्‍तुर्‌मात एइ कङ् थीङ् दुङ्‌री अथेन्‍गदे, ए ङइ केत् या पट्‍टीचे टीउ।”

हीब्रु 10:12

तर ख्रीस्‍ट्‍चेम् पाप्‍माकी लागीरी खेम पङ्‌लेनो योःनले ठा गीःकीनो न्‍हङ्‍जेत्‍ज्‍यी। ओसेम् थेङ् पर्‌मेस्‍वर्‌की केत् फ्‍या पट्‍टीचे स्‍य्‍हुजेत्‍पल मुब।

हीब्रु 2:8

थेङ्‍चे जम्‍मनो स्‍हेःमात थेइ अधीन्‍री थेन्‍पीन्‍जेत्‍ज्‍यी।” ङ्‍य्‍हङ्‍माचे चुरी, “जम्‍मनो स्‍हेमात” बी ब्रीबल म्रङ्‌ब, चु पङ्‍बलमी पर्‌मेस्‍वर्‌चे म्‍हीइ अधीन्‍री अतनले तएनो थेन्‍अजेत्। तर देरेइ बेलोरी ङ्‍य्‍हङ्‍माचे जम्‍मनो स्‍हेमा म्‍हीइ अधीन्‍री तबल अम्रङ्।

१ पत्रुस 3:22

थेङ् स्‍वर्‌गरी स्‍येजेत्‍ज्‍यी, ओसेम् देरे पर्‌मेस्‍वर्‌की केत् पट्‍टीचे स्‍य्‍हेस यङ्‍बे ग्‍लारी स्‍य्‍हुजेत्‍ज्‍यी। ओसेम् जम्‍मनो स्‍वर्‌गइ स्‍वर्‌गदुत्‍मा, स्‍वर्‌गइ अधीकार्‌तेङ् सक्‍ती मुबे आत्‍मामा थेङ्‌की अधीन्‍री मुब।

प्रकास 1:18

ओसेम् सोम्‍बोमी ङनो य्‍हीन्‍ब। ङ स्‍यीबल मुबल, तर च्‍यागो, देरेम् ङ खेमपङ्‍लेनोइ लागीरी सोबल मुब। ओसेम् स्‍यीबतेङ् स्‍यीबे म्‍हीमाकी आत्‍मामा टीबे ग्‍लाकी साचोमा ङतेङ् मुब।