१ कोरीन्‍थी 15:26 - पश्‍चिम तामाङ

²⁶ जम्‍मन्‍हङ्‍की लीक्‍यम् नास् स्‍य्‍हेङ्‌थोबे सत्‍तुर्‌मी स्‍यीब य्‍हीन्‍ब।

१ कोरीन्‍थी 15:26 ပူးပေါင်းရင်းမြစ်များ

लुका 20:36

थेङ्‌यीमा खेमेएनो अस्‍यी। तलेपङ्‍सम् थेङ्‌यीमा स्‍वर्‌गदुत्‍मा र्‌हङ्‌ब तब। थेङ्‌यीमा स्‍यीज्‍यीम् लीक्‍यम् पुनरुत्‍थान तबल तज्‍यीम् पर्‌मेस्‍वर्‌की कोलमा तब।

१ कोरीन्‍थी 15:55

“ओ स्‍यीब, एचे खन डाज्‍यी? ओ स्‍यीब, एइ सक्‍ती खइ?”

२ तीमोथी 1:10

देरेम् हुजु अनुग्रह ङ्‍य्‍हङ्‍की मुक्‍ती न्‍हङ्‌बे येसु ख्रीस्‍ट् ब्‍योन्‍खजेत्‍ज्‍यीम् ङोन्‍जेत्‍पल मुब। थेङ् स्‍यीबे सक्‍ती ग्‍यम्‍से डाजेत्‍ज्‍यी, ओसेम् ज्‍यबे सम्‍तर् ग्‍यम्‍से खेमेएनो अस्‍यीबे जीवन् ङोन्‍जेत्‍ज्‍यी।

हीब्रु 2:14

तलेपङ्‍सम् कोलमाकी ल्‍हीः स्‍यतेङ् काल तबल तज्‍यीम् येसु र्‌हङएनो थेङ्‍यीमाल र्‌हङ्‌ले स्‍यतेङ् कालनो तजेत्‍ज्‍यी। स्‍यीबे सक्‍ती मुबे सैतान्‍त नास् स्‍य्‍हेङ्‍जेत्‍परी थेङ् र्‌हङ्‌नो स्‍यीजेत्‍ज्‍यी।

प्रकास 20:13

समुन्‍द्रचे हुजुरी मुबे स्‍यीबलमा दोःपीन्‍ज्‍यी, ओसेम् स्‍यीबतेङ् स्‍यीबे म्‍हीमाकी आत्‍मामा टीबे ग्‍लाचेएनो थेङ्‍यीमातेङ् मुबे स्‍यीबलमात दोःपीन्‍ज्‍यी। थेङ्‍यीमा जम्‍मलनो र्‌हङ्-र्‌हङ्‍की लक् अनुसार् न्‍याय तज्‍यी।

प्रकास 20:14

हुजुलीप्‍चे स्‍यीबतेङ् स्‍यीबे म्‍हीमाकी आत्‍मामा टीबे ग्‍लातएनो लुम्‍टीबे मेइ ग्‍येन्‍हङ् ख्‍लापीत्‍ज्‍यी। चु मेइ ग्‍येमी दोस्रो स्‍यीब य्‍हीन्‍ब।

प्रकास 21:4

थेङ्‍चे थेङ्‍यीमाकी जम्‍मनो मीःकी मीख्‍ली फ्‍यापीन्‍जेत्‍स्‍ये मुब, ओसेम् देरे य्‍हङ्‍स्‍ये खलएनो स्‍यीस्‍ये अरे, ओसेम् खल्‍चेएनो दुख म्‍हन्‍दीस्‍ये अरे, खलएनो क्रास्‍ये अरे, तइ नब छ्‍योइबएनो तस्‍ये अरे। तलेपङ्‍सम् ङोन्‍ग्‍यम्‍की स्‍हेःमा म्‍हज्‍यीम् य्‍हर्‌ज्‍यीन्‍बल मुब।”