१ कोरीन्‍थी 15:12 - पश्‍चिम तामाङ

¹² ङ्‌यीमाचे ख्रीस्‍ट् पुनरुत्‍थान तजेत्‍ज्‍यी बी प्रचार् स्‍य्‍हेङ्‍ब, होत्‍तज्‍यीम् खले एङ्‍यीमान्‍हङ्‍री गदे म्‍हीमाचे स्‍यीबलमाकी पुनरुत्‍थान अत बी पङ्‍ब खम्‍ब?

१ कोरीन्‍थी 15:12 ပူးပေါင်းရင်းမြစ်များ

प्रेरीत् 17:32

स्‍यीब ग्‍यम्‍से सोज्‍यी पङ्‍बे तम् थ्‍येःज्‍यीम् डेत्-डेत्चे पावलत खीसइतीज्‍यी। तर डेत्-डेत्‍चेम्, “र्‌हङ्‌चे पङ्‍बे चु तम् ङ्‍यीमात देबेएनो ङ्‍येन्‍गे म्‍हेन्‍ज्‍यी” बी पङ्‍ज्‍यी।

प्रेरीत् 23:8

तलेपङ्‍सम् सदुकीमाचे म्‍ही स्‍यीज्‍यीम् लीक्‍यम् पुनरुत्‍थान तब पङ्‍बे तम्‍री बीस्‍वास् अस्‍य्‍हेङ्‌ब मुबल। ओसेम् स्‍वर्‌गदुत्‍तेङ् आत्‍मा तएनो अत पङ्‍ब मुबल। तर फरीसीमाचेम् चु जम्‍मनो तम्‍री बीस्‍वास् स्‍य्‍हेङ्‌ब मुबल।

प्रेरीत् 26:8

पर्‌मेस्‍वर्‌चे स्‍यीबलमात सोनलजेत्‍प पङ्‍बे तम्‍त थेङ्‍माचे तले बीस्‍वास् अलबल?

१ कोरीन्‍थी 15:11

होत्‍तज्‍यीम् ङचे प्रचार स्‍य्‍हेङ्‌लेनो, थेङ्‍यीमाचे प्रचार स्‍य्‍हेङ्‌लेनो, ङ्‌यीमाचे प्रचार स्‍य्‍हेङ्‌बे तम्‍मी गीःनो य्‍हीन्‍ब। ओसेम् हुजु तम्‍री एङ्‍यीमाचे बीस्‍वास् स्‍य्‍हेङ्‍बल मुब।

२ थेस्‍लोनीकी 2:17

एङ्‍यीमाचे स्‍य्‍हेङ्‌बे ज्‍यबे लक्‍मातेङ् पङ्‍बे तम्‍मारी आर्‌तेङ् बङ् न्‍हङ्‍जेत्‍खइ।

२ तीमोथी 2:18

थेङ्‍यीमाचे देमेन्‍की ग्‍यम्‍त पीत्‍पल मुब, ओसेम् पुनरुत्‍थान ङोन्‍नो तज्‍यीन्‍बल मुब बी लोप्‍ज्‍यीम् डेत् डेत् म्‍हीमाकी बीस्‍वासत न्‍होङ्‍न लबल मुब।