१ कोरीन्‍थी 14:31 - पश्‍चिम तामाङ

³¹ एङ्‍यीमा जम्‍मचेनो पालो पालोले अगम्बानी पङ्‍ब खम्‍ब, ओसेम् ङ्‍येन्‍बलमा जम्‍मचेनो लोप्‍स्‍ये मुब, ओसेम् आर् यङ्‍स्‍ये मुब।

१ कोरीन्‍थी 14:31 ပူးပေါင်းရင်းမြစ်များ

रोमी 1:12

ङइ बीस्‍वास्‍चे एङ्‍यीमात ओसेम् एङ्‌यीमाकी बीस्‍वास्‍चे ङत आर् पीन्‍खइ पङ्‍बे सेम् ङल य्‍हीन्‍ब।

१ कोरीन्‍थी 14:19

तर मन्‍डलीरी ल्‍हो-ल्‍हो ग्‍योत्‍री हजार्‌मा छी:री तम् पङ्‍ब बीमम् बरु ङ मन्‍डलीचे गोबे ग्‍योत्‍री छीः ङ्‍ह पङ्‌लेनो तम् लोप्‍पीन्‍बे सेम् लब।

१ कोरीन्‍थी 14:3

तर अगम्बानी पङ्‍बलचे म्‍हीमाचे गोबे ग्‍योत्‍री तम् पङ्‍ब। ओसेम् हुजु तम् म्‍हीमाकी बीस्‍वास्‍त कोङ्‍न लबरी, आर् पीन्‍बरी ओसेम् सान्‍ती पीन्‍बरी पङ्‍ब।

१ कोरीन्‍थी 14:30

तर गीः अगम्बानी पङ्‌टीबे बेलोरी ल्‍हो-ल्‍हो गीःत पर्‌मेस्‍वर्‌चे तइ तम् पङ्‌लेनो ङोन्‍जेत्‍ज्‍यीम् पङ्‍पुङ्‍सम् ङोन्‍ग्‍यम् तम् पङ्‌टीबे म्‍ही कुटीले टीखइ।

१ कोरीन्‍थी 14:32

अगम्‍बक्‍तमाचे र्‌हङ्‍की आत्‍मात र्‌हङ्‍की अधीन्‍री थेन्‍थोब।

१ कोरीन्‍थी 14:35

ओसेम् तइ तम्‍की बारेरी पङ्‌लेनो ङ्‍योत्‍के म्‍हेन्‍सम् थेङ्‍यीमाचे दीम्‍री र्‌हङ्‍की र्‌हेम्‍बोतेङ्‍नो ङ्‍योत्‍खइ। तलेपङ्‍सम् मन्‍डलीरी अमकोलमाचे तम् पङ्‍ब पेत्‍पे तम् य्‍हीन्‍ब।

२ कोरीन्‍थी 1:4

ङ्‍य्‍हङ्‍चे ल्‍हो-ल्‍हो दुख यङ्‍बे म्‍हीमात सान्‍त्‍वना पीन्‍ब खम्‍खइ पङ्‍ज्‍यीम् थेङ्‍चे ङ्‍य्‍हङ्‍त जम्‍मनो दुखमारी सान्‍त्‍वना न्‍हङ्‍जेत्‍प। थेङ्‍यीमाकी दुखइ बेलोरी ङ्‍य्‍हङ्‍माचे पर्‌मेस्‍वर् ग्‍यम्‍से यङ्‍ब र्‌हङ्‍बे सान्‍त्‍वना पीन्‍ब खम्‍ब।

एफीसी 6:22

एङ्‍यीमाचे ङ्‌यीमा खतेब मुब पङ्‍बे तम् स्‍येःखइ ओसेम् एङ्‌यीमाकी सेम्‍री आर् यङ्‍खइ पङ्‍ज्‍यीम् ङचे थेत एङ्‍यीमाज पीत्‍खटीब।

कलस्‍सी 2:2

थेङ्‍यीमाचे आर् यङ्‍खइ ओसेम् गीःचे गीःत म्‍होइज्‍यीम् सेम् गीः लज्‍यीम् टीखइ पङ्‍ज्‍यीम् ङचे चोले स्‍य्‍हेङ्‍बल य्‍हीन्‍ब। होत्‍तज्‍यीम् थेङ्‍यीमाचे आत्‍मारी य्‍हक्‍को बरु तज्‍यीम् पर्‌मेस्‍वर्‌की छुम्‍ज्‍यीम् थेन्‍बे तम्‍त ज्‍यनले गोब खम्‍स्‍ये मुब, ओसेम् हुजु तम्‍मी ख्रीस्‍ट् य्‍हीन्‍ब।

१ थेस्‍लोनीकी 4:18

होत्‍तज्‍यीम् चु तम्‍मा ग्‍यम्‍चे एङ्‍यीमा गीःचे गीःत आर् पीनो।

१ थेस्‍लोनीकी 5:11

होत्‍तज्‍यीम् एङ्‍यीमाचे देरे स्‍य्‍हेङ्‍टीब र्‌हङ्‌ले गीःचे गीःत आर् पीन्‍ज्‍यीम् गीःचे गीःत कोङ्‍न लउ।

१ थेस्‍लोनीकी 5:14

ङइ र्‌होमा, ङ्‌यीमा एङ्‌यीमात फ्‍या लज्‍यीम् पङ्‍ब, लक् स्‍य्‍हेङ्‌बरी ब्‍लेकु तबलमात एङ्‍यीमाचे चेतावनी पीनो, लोङ्‍बलमात आर् पीनो, अखम्‍बलमात र्‌हो लउ, ओसेम् जम्‍मतनो नाको।

१ थेस्‍लोनीकी 5:20

पर्‌मेस्‍वर् ग्‍यम्‍से थोल्‍बे तम्‍त हेल थलउ।