१ कोरीन्‍थी 14:1 - पश्‍चिम तामाङ

¹ म्‍होइबनो एङ्‌यीमाकी लक्ष्‍य तथोब, ओसेम् आत्‍मीक् बर्‌दान्‍मा यङ्‍बरी य्‍हक्‍को सेम् लउ, हुजुमा न्‍हङ्‍रीएनो अगम्बानी पङ्‍बे बर्‌दान् यङ्‍बरी झेन् य्‍हक्‍को सेम् लउ।

१ कोरीन्‍थी 14:1 ပူးပေါင်းရင်းမြစ်များ

रोमी 12:6

होत्‍तज्‍यीम् पर्‌मेस्‍वर्‌चे र्‌हङ्‌की अनुग्रह अनुसार ङ्‌य्‍हङ्‌मात न्‍हङ्‌जेत्‍पे थोचे थोइ बरदान्‍मा अनुसार थेङ्‌की लक् स्‍य्‍हेङ्‍गे। अगम्बानी पङ्‌बे बर्‌दान् यङ्‌बलमाचे थेङ्‌यीमाकी बीस्‍वास् अनुसार अगम्बानी पङ्‌खइ,

रोमी 14:19

होत्‍तज्‍यीम् ङ्‌य्‍हङ्‌माचे सान्‍ती पीन्‍बतेङ् गी:चे गी:त बीस्‍वास्‍री कोङनलबे तम्‍रीकीनो सेम् पीन्‍गे।

रोमी 9:30

देरेम् ङ्‍य्‍हङ्‍मा ता पङ्‌स्‍ये? यहुदी अय्‍हीन्‍बे म्‍हीमाचेमी पर्‌मेस्‍वर्‌की ङोन्‍री धर्‌मी तब अम्‍हइ, तर बीस्‍वास् ग्‍यम्‍से थेङ्‍यीमा धर्‌मी तज्‍यी।

१ कोरीन्‍थी 12:1

बीस्‍वासी र्‌होमा, देरेम् पबीत्र आत्‍माइ बर्‌दान्‍की बारेरी एङ्‍यीमात ज्‍यनले गोनलबे सेम् ङल मुब।

१ कोरीन्‍थी 12:31

होत्‍तज्‍यीम् एङ्‍यीमाचे झेन् ङ्‍हच्‍छ्‍यङ् बर्‌दान्‍मा यङ्‍बे सेम् थोको। देरेम् ङ एङ्‌यीमात झेन् य्‍हक्‍को ज्‍यबे ग्‍यम्‍की बारेरी स्‍येत्‍प।

१ कोरीन्‍थी 13:13

देरेम् बीस्‍वास्, आस्, ओसेम् म्‍होइब चु सोम्‍मी खेम पङ्‌लेनो टीस्‍यीनोटीस्‍ये मुब, तर चु सोम् न्‍हङ्‍री ङ्‍हच्‍छ्‍यङ्मी म्‍होइबनो य्‍हीन्‍ब।

१ कोरीन्‍थी 13:2

ङतेङ् अगम्बानी पङबे सक्‍ती मुलेएनो, ओसेम् रहस्‍यइ तम्‍मा गोब खम्‍लेएनो, जम्‍म थोइ ज्ञान् मुलेएनो, ओसेम् गङ्‍त स्‍याब खम्‍बे सक्‍ती मुलेएनो ङतेङ् म्‍होइब अरेज्‍यी पङ्‌सम् ङ तेएनो अय्‍हीन्।

१ कोरीन्‍थी 14:22

होत्‍तज्‍यीम् ल्‍हो-ल्‍हो ग्‍योत्‍मारी तम् पङ्‍बलमी बीस्‍वासीमाकी लागीरी अय्‍हीन्, तर अबीस्‍वासीमाकी लागीरी चीनो य्‍हीन्‍ब। तर अगम्बानी पङ्‍बलमी अबीस्‍वासीमाकी लागीरी अय्‍हीन्, तर बीस्‍वासीमाकी लागीरी य्‍हीन्‍ब।

१ कोरीन्‍थी 14:37

खल्‍चे पङ्‌लेनो र्‌हङ्‍त अगम्‍बक्‍त वुइ पबीत्र आत्‍मा ग्‍यम्‍से बर्‌दान् यङ्‍बे म्‍ही य्‍हीन्‍ब बी म्‍हेन्‍सम् ङचे ब्रीबे तम्‍मा प्रभुचेनो कुल्‍जेत्‍पल य्‍हीन्‍ब बी स्‍वीकार स्‍य्‍हेङ्‍थोःब।

१ कोरीन्‍थी 14:39

होत्‍तज्‍यीम् म्‍होइबे र्‌होमा, अगम्बानी पङ्‌बरी य्‍हक्‍को सेम् लउ, ओसेम् ल्‍हो-ल्‍हो ग्‍योत्‍री तम् पङ्‍बलमात थर्‌होदो।

१ कोरीन्‍थी 16:14

ओसेम् जम्‍मनो लक्‍मा म्‍होइज्‍यीम् स्‍य्‍हेङो।

एफीसी 1:3

ङ्‍य्‍हङ्‍की प्रभु येसु ख्रीस्‍ट्‍की अप पर्‌मेस्‍वर्‌त तोप्‍प तखइ। तलेपङ्‍सम् पर्‌मेस्‍वर्‌चे ङ्‍य्‍हङ्‍मात येसु ख्रीस्‍ट् ग्‍यम्‍से स्‍वर्‌गइ जम्‍मनो आत्‍मीक् मोलम्‍मा न्‍हङ्‌जेत्‍पल मुब।

१ थेस्‍लोनीकी 5:20

पर्‌मेस्‍वर् ग्‍यम्‍से थोल्‍बे तम्‍त हेल थलउ।

१ तीमोथी 4:14

पर्‌मेस्‍वर्‌चे एत न्‍हङ्‍जेत्‍पे बरदान्‍त लक् अतबल थम्‍हेनो। हुजु बर्‌दान् एल्‍डरमाचे एइजोरी या थेन्‍ब बीसेम् अगम्बानी तज्‍यीम् यङ्‌बल य्‍हीन्‍ब।

१ तीमोथी 5:10

थे ज्‍यबे लक्‍मा स्‍य्‍हेङ्‌ज्‍यीम् मीन् चल्‍दीबल तथोब, थेचे र्‌हङ्‍की कोलमात ज्‍यनले स्‍य्‍हप्‍तो स्‍य्‍हेङ्‍बल, डोम्‍बोमात दीम्‍री क्‍योङ्‍बल, बीस्‍वासीमाकी कङ् ख्रुबल, दुखरी मुबलमात र्‌हो स्‍य्‍हेङ्‍बल, ओसेम् खजु पङ्‌लेनो ज्‍यबे लक्‍मा स्‍य्‍हेङ्‍बल तथोब।

१ तीमोथी 6:11

तर ए पर्‌मेस्‍वर्‌त सेम्‍री ङ्‌यीबे लक् स्‍य्‍हेङ्‌बे म्‍ही अज्‍यबे लक्‍मा ग्‍यम्‍चे फेज्‍यीम् टीउ। ओसेम् पर्‌मेस्‍वर्‌की ङोन्‍री ज्‍यबे लक्, सेम्‍री ङ्‌यीबे लक्, बीस्‍वासी तबे लक्, ल्‍हो-ल्‍होत म्‍होइबे लक् ओसेम् आर् यङ्‌बे लक्‍तेङ् र्‌होतेङ् थुन्‍बे लक् स्‍य्‍हेङ्‌बरी सेम् पीनो।

२ तीमोथी 2:22

ब्‍योन्‍की बेलोरी खबे अज्‍यबे लक्‍मा स्‍य्‍हेङ्‍गे म्‍हेन्‍बे सेम् ग्‍यम्‍से थारीङ् टीउ, ओसेम् ज्‍यबे सेम् थोज्‍यीम् प्रभुइ छेन् कीन्‍बलमातेङ् बक्‍च्‍य धार्‌मीक्‍ता, बीस्‍वास् ओसेम् म्‍होइबतेङ् सान्‍तीरी ब्रस्‍यीनो टीउ।

हीब्रु 12:14

जम्‍मनो म्‍हीमातेङ् थुन्‍ज्‍यीम् टीबरी ओसेम् पबीत्र जीवन् सोबरी बङ् लउ, तलेपङ्‍सम् पबीत्र अतसम् खल्‍चेएनो प्रभुत म्रङ्‌ब खम्‍स्‍ये अरे।

२ पत्रुस 1:7

ओसेम् पर्‌मेस्‍वर्‌त सेम्‍री ङ्‌यीबे लक्‍री अज्‍यो अलेमाकी वास्‍त, अज्‍यो अलेमाकी वास्‍तरी म्‍होइब कबो।

३ युहन्‍ना 1:11

म्‍होइबे र्‌हो, अज्‍यबे लक् खल ग्‍यम्‍सेएनो थलोपो, तर ज्‍यबे लक्‍कीनो लोपो। ज्‍यबे लक् स्‍य्‍हेङ्‍बल पर्‌मेस्‍वर्‌की म्‍ही य्‍हीन्‍ब, अज्‍यबे लक् स्‍य्‍हेङ्‌बलचे पर्‌मेस्‍वर्‌त खेमेएनो म्रङ्‌बलनो अरे।