१ कोरीन्‍थी 12:12 - पश्‍चिम तामाङ

¹² ङ्‍य्‍हङ्‍की ल्‍हीःरी य्‍हक्‍को अङ्‍गमा मुब, ओसेम् अङ्‍गमा य्‍हक्‍को मुलेएनो ल्‍हीः गीः य्‍हीन्‍ब। होलेनो ख्रीस्‍ट्‍त बीस्‍वास् स्‍य्‍हेङ्‌बलमा य्‍हक्‍को मुलेएनो ख्रीस्‍ट् ल्‍ही गीः य्‍हीन्‍ब।

१ कोरीन्‍थी 12:12 ပူးပေါင်းရင်းမြစ်များ

१ कोरीन्‍थी 10:17

गेङ् गीःनो य्‍हीन्‍ब, ङ्‍य्‍हङ्‍मा य्‍हक्‍को मुलेएनो ल्‍हीः गीःनो य्‍हीन्‍ब, तलेपङ्‍सम् ङ्‍य्‍हङ्मा जम्‍मचेनो गेङ् गीः ग्‍यम्सेनो जुज्‍यीम् चबल मुब।

१ कोरीन्‍थी 12:20

होत्‍तज्‍यीम् अङ्‍गमा य्‍हक्‍को मुब, तर ल्‍हीःमी गीःकीनो मुब।

१ कोरीन्‍थी 12:27

एङ्‍यीमा जम्‍मनो ख्रीस्‍ट्‍की ल्‍हीः य्‍हीन्‍ब, ओसेम् एङ्‍यीमा जम्‍मनो थेङ्‌की अङ्‍गमा य्‍हीन्‍ब।

१ कोरीन्‍थी 12:7

ङ्‍य्‍हङ्‍मा जम्‍मनो बीस्‍वासीमात पबीत्र आत्‍माचे गीःचे गीःत र्‌हो लबे लागीरी बर्‌दान्‍मा न्‍हङ्‌जेत्‍पल मुब।

गलाती 3:16

पर्‌मेस्‍वर्‌चे अब्रहामतेङ् थेइ सन्‍तान्‍त बाचा स्‍य्‍हेङ्‍जेत्‍ज्‍यी। धर्‌म छ्‍येःचे, “सन्‍तान्‍मात” बी अपङ्, चुचेम् य्‍हक्‍को म्‍हीमात सङ्‍केत् लब, तर धर्‌म छ्‍येःचेम्, “सन्‍तान्‍त” बी पङ्‍ब, चुचेम् म्‍ही गीःत सङ्‍केत् लब, हुजुमी ख्रीस्‍ट् य्‍हीन्‍ब।

एफीसी 1:23

मन्‍डली ख्रीस्‍ट्‍की ल्‍हीः य्‍हीन्‍ब, मन्‍डलीत थेङ्‌चेनो प्‍लीङ्‍नलजेत्‍प ओसेम् थेङ्‌चेनो मन्‍डलीत पुरा तनलजेत्‍प।

एफीसी 4:12

ख्रीस्‍टचेनो पर्‌मेस्‍वर्‌की म्‍हीमा जम्‍मतनो थेङ्‌की लक् स्‍य्‍हेङ्‌बतेङ् ख्रीस्‍ट्‍की ल्‍हीः मन्‍डलीत बीस्‍वास्‍री कोङ्‍न लबे जीम्‍मा न्‍हङ्‍जेत्‍ज्‍यी।

एफीसी 4:4

पर्‌मेस्‍वर्‌चे एङ्‍यीमात गीःकीनो आस्‍री ङ्‍होत्‍जेत्‍प र्‌हङ्‌ले ल्‍हीःएनो गीःकीनो मुब, ओसेम् पबीत्र आत्‍माएनो गीःकीनो मुब।

एफीसी 5:23

तलेपङ्‍सम् ख्रीस्‍ट् मन्‍डलीइ क्र य्‍हीन्‍ब, होलेनो र्‌हेम्‍बो म्रीङ्‍की क्र य्‍हीन्‍ब। ओसेम् र्‌हङ्‍की ल्‍हीः मन्‍डलीत मुक्‍ती न्‍हङ्‍बलेएनो ख्रीस्‍ट् र्‌हङ्‌नो य्‍हीन्‍ब।

एफीसी 5:30

तलेपङ्‍सम् ङ्‍य्‍हङ्‍मा थेङ्‌की ल्‍हीःकी अङ्‍गमा य्‍हीन्‍ब।

कलस्‍सी 1:18

थेङ्‌की ल्‍हीः मन्‍डली य्‍हीन्‍ब ओसेम् हुजुइ क्रमी थेङ् य्‍हीन्‍ब। थेङ्‍नो सुरु य्‍हीन्‍ब ओसेम् स्‍यीब ग्‍यम्‍से सोबलमान्‍हङ्‍री गोदोब्‍न्‍हङ् ङोन्‍ग्‍यम् सोबलएनो ख्रीस्‍ट्‍नो य्‍हीन्‍ब। होत्‍तज्‍यीम् थेङ् गोदोब्‍न्‍हङ्‍री ग्रेन् य्‍हीन्‍ब।

कलस्‍सी 1:24

देरेम् ङ एङ्‌यीमाकी लागीरी दुख नाथोलएनो तङ्‍ब, तलेपङ्‍सम् ख्रीस्‍ट्‍चे थेङ्‍की ल्‍हीः मन्‍डलीइ लागीरी खले दुखमा नाजेत्‍ज्‍यी, होलेनो ङएनो मन्‍डलीइ लागीरी नाथोस्‍येकी दुखमा ङइ ल्‍हीःरी नाज्‍यीम् टोप् तनलबरी र्‌हो लब।

कलस्‍सी 2:19

होतेबे म्‍हीमामी क्रतेङ् बक्‍च्‍य अटीनले फेःज्‍यीम् टीबल तब, हुजु क्रमी ख्रीस्‍ट् य्‍हीन्‍ब। तलेपङ्‍सम् ख्रीस्‍ट्‍चेनो ल्‍हीःकी जम्‍मनो अङ्‍गमात थेङ्‍री थुत्‍जेत्‍प, ओसेम् थेङ् ग्‍यम्‍से तज्‍यीम्‍नो ल्‍हीः बङ्‍ज्‍येन् तस्‍ये मुब ओसेम् पर्‌मेस्‍वर्‌की थुः अनुसार् छर्‌बोर्‌स्‍ये मुब।

कलस्‍सी 3:15

ख्रीस्‍ट्‍की सान्‍तीचे एङ्‌यीमाकी सेम्‍री राज्‍य स्‍य्‍हेङ्‌खइ। पर्‌मेस्‍वर्‌चे एङ्‍यीमात सान्‍तीरी टीबे लागीरीनो ल्‍हीः गीःरी ङ्‌होत्‍जेत्‍पल य्‍हीन्‍ब। एङ्‌यीमाचे पर्‌मेस्‍वर्‌त व्‍होर्‌छ्‌ये पीन्‍थोब।