१ कोरीन्‍थी 11:30 - पश्‍चिम तामाङ

³⁰ होत्‍तज्‍यीम् एङ्‍यीमान्‍हङ्‍री य्‍हक्‍को म्‍हीमा कम्‍जोर्‌तेङ् नबल मुब, ओसेम् गदे म्‍हीमामी स्‍यीज्‍यीन्‍बल मुब।

१ कोरीन्‍थी 11:30 ပူးပေါင်းရင်းမြစ်များ

प्रेरीत् 13:36

“चु तम् दाऊदचे र्‌हङ्‌की बारेरी पङ्‍बल अय्‍हीन्। तलेपङ्‍सम् दाऊदचे सोगदेसम्‍म पर्‌मेस्‍वर्‌चे थे ग्‍यम्‍से स्‍य्‍हेङ्‌ब म्‍हइबे लक्‍मा जम्‍मनो टोप्‍ले स्‍य्‍हेङ्‌ज्‍यीम् थे स्‍यीज्‍यी। ओसेम् थेत थेइ म्‍हेमेमातेङ् बुप्‍लाज्‍यीम् थेइ ल्‍ही क्रम्‍य्‍हर्‌ज्‍यी।

प्रेरीत् 7:60

ओसेम् थेचे पुइ जुःज्‍यीम् केत् ङ्‍हच्‍छ्‍यङ् तेत्‍ज्‍यीम् पङ्‍ज्‍यी, “प्रभु, चु पापकी दोस् थेङ्‌यीमात अतखइ!” चोते पङ्‍ज्‍यीम् थेइ बुः य्‍हर्‌ज्‍यी।

१ कोरीन्‍थी 11:29

तलेपङ्‍सम् प्रभुइ ल्‍हीःकी बारेरी ज्‍यनले अगोननो चबतेङ् थुङ्‌बे म्‍हीचे हुजु चबतेङ् थुङ्‍बचे लज्‍यीम् र्‌हङ्‍त सजाय बस्‍ये मुब।

१ कोरीन्‍थी 11:31

ङ्‍य्‍हङ्‍माचे र्‌हङ्‌चे र्‌हङ्‍त ठीक्‍ले जाच्‍तीबल मुसम् पर्‌मेस्‍वर्‌चे ङ्‍य्‍हङ्‍मात दोस् ल्‍हइतीजेत्‍स्‍ये अरे।

१ कोरीन्‍थी 11:32

तर जम्‍बुलीङ्‌की म्‍हीमातेङ् बक्‍च्‍य नास् अतखइ पङ्‍ज्‍यीम् प्रभुचे ङ्‍य्‍हङ्‍मात दोस् ङोन्‍जेत्‍प, ओसेम् दुल्‍जेत्‍प।

१ कोरीन्‍थी 15:51

ङ्‌येनो, ङ एङ्‍यीमाचे अस्‍येबतेङ् अगोबे तम् गीः पङ्‍ब, ङ्‍य्‍हङ्‍मा जम्‍मनो स्‍यीस्‍ये अरे, तर ज्‍युःकी तुरहीकी केत् थेःब साच्‍चेनो, मीःथप् गीःरीनो ङ्‍य्‍हङ्‍मा जम्‍मल ल्‍हीः पोस्‍ये मुब। तलेपङ्‍सम्, तुरहीइ केत् थेःस्‍ये मुब, ओसेम् स्‍यीबलमा खेमेएनो अस्‍यीबे जीवन कीन्‍ज्‍यीम् सोस्‍ये मुब।

१ थेस्‍लोनीकी 4:14

तलेपङ्‍सम् ङ्‍य्‍हङ्‍माचे येसु स्‍यीजेत्‍ज्‍यीम् सोजेत्‍ज्‍यी बी बीस्‍वास् स्‍य्‍हेङ्‌ब। होलेनो येसुत बीस्‍वास् लज्‍यीम् स्‍यीबलमात पर्‌मेस्‍वर्‌चेनो येसुतेङ् तबरी नोम्‍जेत्‍स्‍ये मुब।

प्रकास 3:19

खजु म्‍हीत ङचे म्‍होइब, थेत ङ बराब, ओसेम् दुल्‍ब। होत्‍तज्‍यीम् पाप् स्‍य्‍हेङ्‍ब पीत्‍ज्‍यीम् ज्‍यबे लक्‍मा स्‍य्‍हेङ्‌बरी आर् लउ।