१ कोरीन्‍थी 11:3 - पश्‍चिम तामाङ

³ तर एङ्‍यीमाचे चु तम् गोखइ पङ्‍बे सेम् ङल मुब। ख्रीस्‍ट् जम्‍मनो अपकोलमाकी क्र य्‍हीन्‍ब। म्रीङ्‍की क्र र्‌हेम्‍बो य्‍हीन्‍ब, ओसेम् ख्रीस्‍ट्‍की क्र पर्‌मेस्‍वर् य्‍हीन्‍ब।

१ कोरीन्‍थी 11:3 ပူးပေါင်းရင်းမြစ်များ

मत्‍ती 28:18

ओसेम् येसु थेङ्‌यीमाकी रेइरी खज्‍यीम् सुङ्‌ज्‍यी, “ङत स्‍वर्‌गतेङ् जम्‍बुलीङ्‌की जम्‍मनो हक् न्‍हङ्‌बल मुब।

युहन्‍ना 14:28

“ङचे एङ्‌यीमात ‘ङ य्‍हर्‌टीब, ओसेम् ङ दोःज्‍यीम् एङ्‍यीमाज युस्‍ये मुब’ पङ्‍बल एङ्‍यीमाचे थ्‍येःबल मुब। एङ्‍यीमाचे ङत देमेन्‍नो म्‍होइबल य्‍हीन्‍सम्, ङ अपज ङ्‌यीबतेङ् एङ्‍यीमा तङ्‌स्‍ये मुबल, तलेपङ्‍सम् ङ बीमम् अपनो ङ्‍हच्‍छ्‍यङ् मुब।

१ कोरीन्‍थी 3:23

ओसेम् एङ्‍यीमामी ख्रीस्‍ट्‍ल, ख्रीस्‍ट्‍मी पर्‌मेस्‍वर्‌ल य्‍हीन्‍ब।

एफीसी 4:15

बरु म्‍होइबरी देमेन्‍कीनो पङ्‍ज्‍यीम्, जम्‍मनो तम्‍री ङ्‍य्‍हङ्‍मा ख्रीस्‍ट् र्‌हङ्‍ब तस्‍यीनो बोर्‌थोब। तलेपङ्‍सम् ख्रीस्‍ट् ङ्‍य्‍हङ्‍माकी क्र य्‍हीन्‍ब।

कलस्‍सी 1:18

थेङ्‌की ल्‍हीः मन्‍डली य्‍हीन्‍ब ओसेम् हुजुइ क्रमी थेङ् य्‍हीन्‍ब। थेङ्‍नो सुरु य्‍हीन्‍ब ओसेम् स्‍यीब ग्‍यम्‍से सोबलमान्‍हङ्‍री गोदोब्‍न्‍हङ् ङोन्‍ग्‍यम् सोबलएनो ख्रीस्‍ट्‍नो य्‍हीन्‍ब। होत्‍तज्‍यीम् थेङ् गोदोब्‍न्‍हङ्‍री ग्रेन् य्‍हीन्‍ब।

कलस्‍सी 2:10

ओसेम् एङ्‍यीमाचे ख्रीस्‍ट्‍रीनो देमेन्‍की जीवन् यङ्‌बल मुब, थेङ्‍नो जम्‍मनो सासक्‍मातेङ् अधीकार्‌की क्र य्‍हीन्‍ब।

कलस्‍सी 2:19

होतेबे म्‍हीमामी क्रतेङ् बक्‍च्‍य अटीनले फेःज्‍यीम् टीबल तब, हुजु क्रमी ख्रीस्‍ट् य्‍हीन्‍ब। तलेपङ्‍सम् ख्रीस्‍ट्‍चेनो ल्‍हीःकी जम्‍मनो अङ्‍गमात थेङ्‍री थुत्‍जेत्‍प, ओसेम् थेङ् ग्‍यम्‍से तज्‍यीम्‍नो ल्‍हीः बङ्‍ज्‍येन् तस्‍ये मुब ओसेम् पर्‌मेस्‍वर्‌की थुः अनुसार् छर्‌बोर्‌स्‍ये मुब।

कलस्‍सी 3:18

म्रीङ्‍मा, र्‌हङ्-र्‌हङ्‍की र्‌हेम्‍बोइ अधीन्‍री टीथोब। तलेपङ्‍सम् होले स्‍य्‍हेङ्‍ब प्रभुइ ङोन्‍री जेःबे तम् य्‍हीन्‍ब।

१ पत्रुस 3:1

बीस्‍वासी म्रीङ्‍मा, एङ्‍यीमा र्‌हङ्‍की र्‌हेम्‍बोमाइ अधीन्‍री टीथोब। होले लबतेङ् पर्‌मेस्‍वर्‌की फ्रोइत बीस्‍वास् अस्‍य्‍हेङ्‌बे र्‌हेम्‍बोमाचेएनो एङ्‌यीमाकी बानी ब्‍यहोर् म्रङ्‌ज्‍यीम् एङ्‍यीमाचे तेए अस्‍येत्‍लेएनो बीस्‍वास् स्‍य्‍हेङ्‍स्‍ये मुब।