१ कोरीन्‍थी 11:1 - पश्‍चिम तामाङ

¹ ङचे ख्रीस्‍ट्‍चे स्‍य्‍हेङ्‌जेत्‍प र्‌हङ्‌ले स्‍य्‍हेङ्‍ब, एङ्‌यीमाचेएनो ङचे स्‍य्‍हेङ्‍ब र्‌हङ्‌ले स्‍य्‍हेङो।

१ कोरीन्‍थी 11:1 ပူးပေါင်းရင်းမြစ်များ

१ कोरीन्‍थी 10:33

जम्‍मनो म्‍हीमाचे थर्‌ब यङ्‍खइ पङ्‍ज्‍यीम् ङचेएनो ङचे स्‍य्‍हेङ्‌बे जम्‍मनो लक्‍मारी जम्‍मनो म्‍हीमात तङ्‍नलब म्‍हइब, ङ र्‌हङ्‌ल अय्‍हीन् तर जम्‍मलनो ज्‍यब तखइ पङ्‍बे सेम् थोःज्‍यीम् लक् स्‍य्‍हेङ्‍ब।

१ कोरीन्‍थी 4:16

होत्‍तज्‍यीम् एङ्‌यीमाचेएनो ङचे र्‌हङ्‌ले स्‍हेङो बी ङ एङ्‍यीमात फ्‍या लब।

फीलीप्‍पी 3:17

ङइ बीस्‍वासी र्‌होमा, ङचे स्‍य्‍हेङ्‍ब र्‌हङ्‌ले एङ्‌यीमाचेएनो स्‍य्‍हेङो, ङ्‌यीमा एङ्‌यीमाकी लागीरी नमुना तबल मुब। होत्‍तज्‍यीम् एङ्‍यीमाचे चु नमुना अनुसार ब्रबलमा ग्‍यम्‍से लोप्‍थोब।

१ थेस्‍लोनीकी 1:6

एङ्‌यीमाचेएनो ङ्‌यीमातेङ् प्रभुचे र्‌हङ्‌लेनो म्‍हीमा ग्‍यम्‍से य्‍हक्‍को दुख यङ्‍मेएनो पबीत्र आत्‍माचे न्‍हङ्‌बे सम्‍तर्‌त तङ् तङ्‌ज्‍यीम् ग्रहन् स्‍य्‍हेङ्‌ज्‍यी।

२ थेस्‍लोनीकी 3:9

एङ्‍यीमा ग्‍यम्‍से ङ्‍यीमात र्‌हो यङ्‌बे हक् अरेबल तज्‍यीम् अय्‍हीन्, तर एङ्‌यीमाकी लागीरी नमुन ङोन्‍बे लागीरी चोले स्‍य्‍हेङ्‌ज्‍यी।

हीब्रु 6:12

एङ्‍यीमा ब्‍लेगु थतउ, तर खेम पङ्‌लेनो बीस्‍वास् स्‍य्‍हेङ्‌स्‍यीनो टीज्‍यीम् पर्‌मेस्‍वर्‌चे न्‍हङ्‍ब बी बाचा स्‍य्‍हेङ्‍जेत्‍पे स्‍हेमा यङ्‍स्‍येलमा र्‌हङ्‍ब तउ पङ्‍बे सेम् ङ्‍यीमाल मुब।