१ कोरीन्‍थी 1:1 - पश्‍चिम तामाङ

¹ पर्‌मेस्‍वर्‌की थु: ग्‍यम्‍से येसु ख्रीस्‍ट्‍की प्रेरीत् तबरी दम्‍जेत्‍पे ङ पावलतेङ् ङ्‍य्हङ्‍की अले सोस्‍थेनेस ग्‍यम्‍से,

१ कोरीन्‍थी 1:1 ပူးပေါင်းရင်းမြစ်များ

लुका 6:13

स्‍य्‍हो तब बीसेम् येसुचे डबमात ङ्‌होत्‍जेत्‍ज्‍यी। ओसेम् थेमा न्‍हङ्‌चे चुङ्‌ङ्‌यीत दम्‍जेत्‍ज्‍यीम् थेमात प्रेरीत पङ्‌बे मीन् न्‍हङ्‌ज्‍यी।

युहन्‍ना 15:16

एङ्‍यीमाचे ङत दम्‍बल अय्‍हीन्, ङचे एङ्‌यीमात दम्‍ज्‍यी, ओसेम् एङ्‍यीमाचे ङ्‌यीज्‍यीम् खेम पङ्‌लेनो तस्‍यीनो टीबे रोरो रोःन लउ पङ्‍ज्‍यीम् ङचे एङ्‌यीमात पीत्‍टीब मुब। ओसेम् एङ्‍यीमाचे ङइ मीन्‍री ता र्‌हीत्‍ज्‍यी हुजु अपचे न्‍हङ्‌जेत्स्‍ये मुब।

युहन्‍ना 20:21

येसुचे थेङ्‌यीमात देबेएनो सुङ्‌ज्‍यी, “सान्‍ती एङ्‌यीमातेङ् तखइ! अपचे ङत पीत्‍युजेत्‍प र्‌हङ्‌लेनो ङएनो एङ्‌यीमात पीत्‍टीब।”

प्रेरीत् 1:15

तीरेत् हुजुरी प्रभुत बीस्‍वास् लबे म्‍हीमा खल् डुः गदे र्‌हुब तज्‍यी। ओसेम् पत्रुसचे थेङ्‍यीमाइ ङोन्‍ग्‍यम् रप्‍ज्‍यीम् पङ्‍ज्‍यी,

प्रेरीत् 1:2

येसु स्‍वर्‌गरी अनोम्‍गदे सम्‍म र्‌हङ्‌चेनो दम्‍जेत्‍पे प्रेरीतमात पबीत्र आत्‍माइ सक्‍ती ग्‍यम्‍से थेङ्‍यीमाचे स्‍य्‍हेङ्‌थोबे लक्‍मा कुल्‍जेत्‍ज्‍यी।

प्रेरीत् 18:17

ओसेम् थेङ्‍यीमाचे यहुदीमा र्‌हुब तबे दीम्‍की सासक सोस्‍थेनेसत चुङ्‌ज्‍यीम् अदालतकी ङोन्‍री तोज्‍यी। तर गलीयोन्‍चे तेएनो अपङ्।

प्रेरीत् 22:21

तर प्रभुचे ङत सुङ्‌ज्‍यी, ‘ए ङ्‍यीउ, ङ एत थारीङ्-थारीङ् सम्‍मनो यहुदी अय्‍हीन्‍बे म्‍हीमाज पीत्‍स्‍ये मुब।’”

रोमी 1:1

ङ पावल, येसु ख्रीस्‍ट्‍की योक्‍पोचे चु चीठी ब्रीटीब, ओसेम् पर्‌मेस्‍वर्‌चे ङत प्रेरीत् तबरी ङ्‌होत्‍जेत्‍ज्‍यीम् थेङ्‍की ज्‍यबे सम्‍तर् स्‍येत्‍परी दम्‍जेत्‍ज्‍यी।

रोमी 1:10

थेङ्‍की थु तसम् ज्‍युरी एङ्‍यीमात खतु लब खम्‍खइ पङ्‍ज्‍यीम् ङ खेम पङ्‌लेनो पर्‌मेस्‍वर्‌तेङ् प्रार्‌थना स्‍य्‍हेङ्‍ब।

रोमी 1:5

ख्रीस्‍ट् ग्‍यम्‍से पर्‌मेस्‍वर्‌चे ङ्‍य्‍हङ्‍मात थेङ्‌की अनुग्रह ग्‍यम्‍से यहुदी अय्‍हीन्‍बे जम्‍मा म्‍हीमाचे ख्रीस्‍ट्‍त स्‍य्‍हेस लबरी बीस्‍वास् स्‍य्‍हेङ्‌ज्‍यीम् थेङ्‍की फ्रोइ ङ्‍येन्‍खइ पङ्‍ज्‍यीम् प्रेरीत्‍की लक् स्‍य्‍हेङ्‌बरी दम्‍जेत्‍ज्‍यी।

१ कोरीन्‍थी 15:9

तलेपङ्‍सम् प्रेरीत्‍मान्‍हङ्‍री गोदोब्‍न्‍हङ् ज्‍यीद ङ य्‍हीन्‍ब। ङ प्रेरीत् पङ्‌बरी जेःबल अरे, तलेपङ्‍सम् ङचे पर्‌मेस्‍वर्‌की मन्‍डलीत य्‍हक्‍को दुख पीन्‍ज्‍यी।

१ कोरीन्‍थी 3:9

तलेपङ्‍सम् ङ्‍यी ङ्‌य्‍हीनो पर्‌मेस्‍वर्‌की लक् स्‍य्‍हेङ्‌बे म्‍हीमा य्‍हीन्‍ब, ओसेम् एङ्‌यीमामी पर्‌मेस्‍वर्‌की म्रङ् य्‍हीन्‍ब। एङ्‍यीमा पर्‌मेस्‍वर्‌चे स्‍य्‍हेङ्‍जेत्‍पे दीम्‍एनो य्‍हीन्‍ब।

२ कोरीन्‍थी 1:1

पर्‌मेस्‍वर्‌की थुः अनुसार् येसु ख्रीस्‍ट्‍की प्रेरीत् तबरी दम्‍बे ङ पावल, ओसेम् ङ्‍य्‍हङ्‍की अले तीमोथी ग्‍यम्‍से कोरीन्‍थरी मुबे पर्‌मेस्‍वर्‌की मन्‍डलीतेङ, अखैया प्रदेस्‍री मुबे पर्‌मेस्‍वर्‌की जम्‍मनो म्‍हीमात,

२ कोरीन्‍थी 11:5

र्‌हङ्‌चे र्‌हङ्‍त ङ ङ्‍हच्‍छ्‍यङ् प्रेरीत् य्‍हीन्‍ब बी पङ्‍बे हुजु प्रेरीत्‍मा बीम ङ तारीएनो ज्‍यीद अरे।

२ कोरीन्‍थी 12:12

ङचे एङ्‌यीमाकी गुङ्‍री मुबे बेलोरी धैर्‌य लज्‍यीम्, चीनोमा, अचम्‍मइ लक्‍मातेङ् सक्‍तीसाली लक्‍मा स्‍य्‍हेङ्‌ज्‍यीम् ङ प्रेरीत य्‍हीन्‍ब पङ्‍बे तम् ङोन्‍बल मुब।

२ कोरीन्‍थी 8:5

थेङ्‍यीमाचे ङ्‌यीमाचे म्‍हेन्‍ब बीमएनो य्‍हक्‍को पीन्‍ज्‍यी। ङोन्‍ग्‍यम् थेङ्‍यीमाचे र्‌हङ्‌तनो प्रभुइ फ्‍यारी थेन्‍ज्‍यी, ओसेम् पर्‌मेस्‍वर्‌की थुः अनुसार् र्‌हङ्‌तनो ङ्‍यीमाकी यारीएनो सोप्‍तीज्‍यी।

गलाती 1:1

ङ पावलत प्रेरीत तबरी न्‍ह म्‍हीचे पीत्‍पल य्‍हीन्‍ब न्‍ह म्‍हीमाइ अधीकार् ग्‍यम्‍से पीत्‍पल य्‍हीन्‍ब, तर येसु ख्रीस्‍ट्‌त स्‍यीब ग्‍यम्‍से सोनलजेत्‍पे पर्‌मेस्‍वर् अपतेङ् येसु ख्रीस्‍ट्‍चे ङत पीत्‍जेत्‍पल य्‍हीन्‍ब।

एफीसी 1:1

पर्‌मेस्‍वर्‌की थुः अनुसार् येसु ख्रीस्‍ट्‍की प्रेरीत ङ पावल ग्‍यम्‍से एफीसस सहर्‌री टीबे ओसेम् येसु ख्रीस्‍ट्‍त बीस्‍वास् स्‍य्‍हेङ्‌बे पबीत्र म्‍हीमात चु चीठी ब्रीटीब मुब।

एफीसी 4:11

थेङ्‌चेनो डेत्‍त र्‌हङ्‍की प्रेरीत्‍मा, डेत्‍त अगम्‍बक्‍तमा, डेत्‍त प्रचारक्‍मा, डेत्‍त मन्‍डलीइ पास्‍टरमा ओसेम् डेत्‍त लोप्‍पे म्‍हीमा तबे लागीरी दम्‍जेत्‍ज्‍यी।

कलस्‍सी 1:1

पर्‌मेस्‍वर्‌चे थुः लजेत्‍प अनुसार् येसु ख्रीस्‍ट्‍की प्रेरीत तबरी दम्‍बे ङ पावल ओसेम् ङ्‍य्‍हङ्‍माकी अले तीमोथी ग्‍यम्‍से,

१ तीमोथी 1:1

ङ्‍य्‍हङ्‍त मुक्‍तीदाता पर्‌मेस्‍वर्‌तेङ् ङ्‍य्‍हङ्‍चे आस् थेन्‍बे येसु ख्रीस्‍ट्‍चे कुल्‍जेत्‍प र्‌हङले ङ येसु ख्रीस्‍ट्‍की प्रेरीत पावल ग्‍यम्‍से,

१ तीमोथी 2:7

होत्‍तज्‍यीम् बीस्‍वास्‍तेङ् देमेन्‍की चु सम्‍तर्‌की बारेरी यहुदी अय्‍हीन्‍बे म्‍हीमात स्‍येत्‍पे लागीरी पर्‌मेस्‍वर्‌चे ङत प्रचारक्‍तेङ् प्रेरीत्‍की जीम्‍म न्‍हङ्‍जेत्‍ज्‍यी। ङचे भ्‍यु पङ्‍बल अय्‍हीन्, देमेन् पङ्‍बल य्‍हीन्‍ब।

२ तीमोथी 1:1

येसु ख्रीस्‍ट्‍री मुबे जीवनकी बाचा अनुसार पर्‌मेस्‍वर्‌की थुः ग्‍यम्‍से येसु ख्रीस्‍ट्‍की प्रेरीत् तबरी दम्‍बे ङ पावल ग्‍यम्‍से