Yems 4:3 - Waris

³ Wo nonamba yimba osihminivrava, yimba dumbvramoa, noinda mendah yenamba nengavnangva indkokla vilunv. Yimba manam manam mindnam und viv, osm yimba pevm nona novtotholm ambo vivra.

Yems 4:3 ပူးပေါင်းရင်းမြစ်များ

Matiu 20:22

Yesus unna nom etel bosalalm Yemsim Yonim, hona moamba memba yena avapevpa kamba osahmaniva, yimba levra epivongovmoa, osva mani si venavav. Es hevpa honamba, wo es hevpa yimba ambo kinmba wulengavavma kamongova, si kamba indhanamba pelhola vinivrava? Doa hev ohomnana Yesusm, kava evevav. Wo Yesus unna hemba, tanam yemba si kinsomb pelhola vinvavta, indhanamba kamba vinivrava. Heva os hona moamba yenamba, osva kava si ahavav kuwulalm Yesusmongo, kava es eva vinvav yemba. Kana arangas honamba vev. Himba si vinvav no indhanam, hev doara ten pusvund venam, ona, himba si kana ombmongo kuwulalm aevulvav.

Makna Yesusmoa 10:38

Wo Yesus henga unna, yimba kamba ohosahmini, heva os yimba mendah tit evev hona andramba. Es hevpa kanamba yimba kinkumbi tanam ambo pulengavavma? Wo kamba nihsesoava vimnivrava, yimba kamba tanam ehengpravavma? Ungundva yemba helvowol vivav, wo yimba ambo tanam keknam elohvavma?

Lukna Yesusmoa 11:10

Manara, indhanamba himba nomba osihminivrava Sesoamba, himba nomba dumbvra. Wo himba nomba mana vemam aslalvrava, eva himba nunglivavta. Wo himba nomba tuvpethalla olvohvrava, hemba nomba Sesoava os unvav, saivo.

Lukna Yesusmoa 15:13

Doa kalelva himba hevna wohna dinamba meilna venamba, os wohvohana. Himba ganamba, doa di pho no kotara, hev ten dom gavnam. Wo diva os weisva dalmanana, wo nonamba himba hevna dina wohnamba engalpingavna hevna kelsombovhora.

Lukna Yesusmoa 15:30

Wo hona yena ombpovpa, memba daipotava proiva, yimba innemba mendekli hemba veni. Himba diva yenamba wohdembhanga vepiana hevna kelsombovhora, eva ungevlira. Wo noinda kava ata sihavavmoa yena innerava.

Yems 4:1

Es hevpa yimba nunglivma, hinimini yenamba daosna novnonglanamba prunv? Himba yena pevna undrini phunv, pev ten ambo nihna vivm.

1 Yon 3:22

Wo noinda Sesoava manimani pimba daswolvav, nomba pivva hemba seihminivpa. Pivva dumbv honamba, noinda pivva wohengivpa Sesoana moam, wo pivva vei, noi viv, himba noindava indk vethavav.

1 Yon 5:14

Pivva ambvra Sesoaindava pepehhui. Memba honamba, osm nonamba pivva Sesoamba seihminivrava mana vemava, wo nomba mana vemava Sesoava undva vrevrava, osva lehra pimba, wo Sesoava vevra, nomba pivva seihminivrava.