Yems 2:23 - Waris

²³ Honamba pim numliheinv plalnonoam doaramini tombaimorinim Sesoanam, os lohv, Aprahamba keknam undnahonam lohmanavna Sesoamba, osoa eva moam hevnam, wo Sesoava osva nengthana, yimba indhanarini windel. Wo Aprahamba os alvna, Sesoana sehel.

Yems 2:23 ပူးပေါင်းရင်းမြစ်များ

Stat 15:6

Doa Apramba hellenamba, ona tanamolnam ishov, Yawem lohvhoamnavna hevna undnahonam, wo noinda Yaweva hemba nengthana, indhanarini windel.

Makna Yesusmoa 12:10

Wo Yesus mendah ishongeinvna, doa pev nonora, os Sesoana moamba tombairava novol velohv os, Andranindva honduv andembrana, wo mongova honmba nunglina, una, sahoklal, wo piengi. Wo heva os no honmba henga mongo andranindrini vra, wo no honmba daipotava lunitilm wohlothol lohv.

Makna Yesusmoa 15:27

Doa indhanarini samblava di Yesusinda murapeta krusera lepethiwulna, nomba indhanarini samblava helvakomonindrini sambla, lepethiwulna noinda. Mongova sihanasis eva mongova nihanasis, os lepethiwulna.

Lukna Yesusmoa 4:21

Wo hev hemba henga ishunvna os, memba tombaimomba doara novol velohv, heva os kav hona moamba men wohengv yena novra. Hona moamba kavm lehv.

Aposel 1:16

seh, Sesoana tombaimorava Sesoasongolva ishovna Devitna moalamangra, osmba os si vevav. Sesoasongolva ishomnavna Yutasm, mongo pivrini, himba manimani mongawulm pimongo vivna. Sesoasongolva os ona, Yutas si deisumbi sihavav, Yesusmba ungundva kevralmba. Sesoasongol doara heva ishona, wo pimba doa men nunglina pivna novnamba.

Rom 11:2

Sesoava nengavnangva vrinna, kikih vewol vena Israelnindmba hevelm, mendah hemba tetwond venamoa. Wo noinda osva Sesoava hemba nombolvnamoa, owaimomolva. Tanam yimba nonora av, osva osm Sesoana doaramini tombaiva ishomnana Elaitamba no wevsam, osm es himba sembayang venavna Sesoamba, hevmba dandana vrelm owalnapenamba. Elaitava os omnana,

Rom 9:17

Noinda Sesoana doaramini tombaimorava os omnana Isipnindna king kuwulmba, Sesoa omnana, ka pusvundthoav yemba king kuwulalmba. Wo noinda os indkumbiva indhanamba si nunglutithoavav kana keknasowolmba yeindamba. Wo hona monana kana nihilmba si sevra gumai vovhoavra, osva hi hi vavawonamba petharava. Kisim Bek 9:16

Galesia 3:22

Heva os honamba owai tanamba, manara doaraminiva tombaimorava os lohv, annind annind pethanindva hevna indkoklarava buimeramsna av, noinda owai, es eva vivav beswonamba. Noinda henongas ten undnahonam avm, Sesoava henomangas dembrahunvav awothowolva, nomba temba himba doarava omokalthanamba. Memba no indhanamangasta, piv ten henoi undnahonam amnavm Yesus Kristusm.

Galesia 3:6

Sesoana tombairava osta mongawamoa omnana Aprahamba, Aprahamba keknam undnahonam Sesoamba lohmanavna, eva osoa hevna moam, wo Sesoava hemba nengthavna osva, indhanarini windel. Stat 15:6

2 Timoti 3:16

Memba honamba tombaimomba doaraminiva, Sesoasongol hev daswolvna, wo hevm mendekli, eva hehuiva es vivav. Vev, nonam numhowolalm moanonoanam, eva ishunilm indhanam, osm ovra, noi indkokla vewol viv yimba. Sesoamomba mendekli, osm oi, wulgupuv vrei sahonamba, nona sishona vriv, wo eva numhowol vivra, osm ora, os ao beswonamoa Sesoana novraoa.

Yems 2:24

Honinda pimba levrapieiv, osva himba nomba Sesoana moamba engvrava, hemba nomba Sesoava nengthavra, yimba indhanarini windel. Hevna undnahonamangasva owai.

1 Pita 2:6

Manara, Sesoana tombaimorava os lohv, Hillu, kava si velahavav honmba Yerusalemrava. Wo nomba si mandkhnonoa besal, Sesoa hev kikih vrenam. Beswonam vilailka vevra, osva honmba monglava beswonam velahola velohvra no honsrava. Hona honmba olhv indhanarinim mongom. Wo indhanamba keknamba amnavrava hemba, hemba si louva vinvramoa, Sesoana levshoawolallava. Aisaia 28:16