Stat 6:9 - Waris

^9-10 Noana moamba os lohv. Ombolva samblamong os phomnana, nihilva Sem, Ham, Yapet. Noava indhanarini besal, wo hevho besal lohvna Sesoana novra. Wo himba Sesoam mongawundna amana venavna.

Stat 6:9 ပူးပေါင်းရင်းမြစ်များ

Stat 10:1

Men Noatindiva os nowana. Noanamba men Sem, Ham, Yapet. Pueumbva hivranamba, wo Semtindi Hamtindi Yapettindi os phona.

Stat 17:1

Doa sisva Yaweva henga Apramba nonglaphona. Honamba os phona, Apramna osomba os lohmanavna 99pelara. Phonamba, os ishomnana, kava Sesoa, kava keknamangas lohv, wo yeoa kana moamoa hellengas veo, wo besalm wevsam engvm.

Stat 2:4

Yaweva (Sesoava) os vena ovm petham, wo moamba mongmomba men lohv os. Yawe petham ovm vena,

Stat 48:15

Doa Yakopva mendah ishovna moamba, awothowol vena Yosepm eva otolsamblam, ona, Sesoa hona otolsamblamoa koldombra, ten kana arai eindi doara elohmanavnam, kamba himba desvhuluhmana vevna, veiva daipota men.

Stat 5:1

Atamtindiva os nowana, wo men novol velohv. Sesoa Atamba vena, os hev ten lohvm,

Stat 5:22

Enokva henga 300pelara osomba venamba, Sesoam mongawundna amana venavna, wo otolva phomnavna, vevna tuendis mutundis.

Stat 5:24

Sesoai mongawulm ahamana evevna, wo Sesoa hevm waiwohgana hevindam Sesoaindam, wo indhanamba hengava nunglinamoa.

Stat 7:1

Doa Yawe mendah Noam ishomnavna, yemangas kava nonglav beswonamba, monglava nomba kamba sahokla vriv. Doa no botmera wonsihao,

Lukna Yesusmoa 1:6

Doa tlal ongalva himba Sesoa mendeklina doaraminimomba ekek vethavna, beswonam ehengvna, doa mendekliva os hemba nongalna, besalangas. Doa heva os himba muhsoh ahamana evevna, os mundkola vewolvna, ongalva doara phal avna.

Lukna Yesusmoa 2:25

Doa Yesusna araravalva tempella ahavna, mongo mundil tendorini di avna, nihilva Simeon, himba Yerusalemra wohavna. Himba besal indhanarini, wo Sesoana moam engvna doara. Himba undva os vrevna doara, tanamolnam Sesoava si pimba Israelnindmba sandhavra, osm beswonam ara. Doa doara Sesoasongolva sihamnana, nengavnangm sishona vremnana.

Lukna Yesusmoa 23:50

Mongo indhanarini lohvna, nihilva Yosep, himba Arimatia kembellini. Himba mongo kuwul wulluhunvna Yutanindna, himba besal lohvna, besal wevsam engvna. No kuwul owalva Yesusmba helvakomandhalmba uvnamba, himba owai nengvnamoa, himba hevmba vreipra vrevna noindava. Himba hona nengavnang wulluhvna, Sesoatindiva nemelva si muserava avav.

Aposel 10:22

Hev una, Sesoana ovsongolnindrini ishomnana Koniliusm valgonindna kuwulm. Himba besal indhanarini lohv, himba sembayang velohmanav Sesoamba. Indkumbiva Yutanindva hemba longong vriv. Sesoana ovsongolnindriniva ishomnana Koniliusmba, os prora Pitaoa kana deuvram, os himba hev hellevav, manam dihi oi.

Rom 1:17

Besal nemelmomba novpa wolaihav, osmba ora, os Sesoava indhanamba nengsmoa ov, indhana windel. Pioa hemoa undnahonam amnara, wo osva himba pimba nengsmoa ovra, indhana windel. Hona monarangas pivva si lehrava avra hena novrava. Os ten doaramini tombaira novol velohvm, Indhanamba nomba undnahonamba amnavrava Sesoamba, si himba os nengsmoa ovav, indhana windel, wo himba si osva yunalm wohavav. Habakuk 2:4

Galesia 3:11

Men ambara ambo lohv, osva mongova owai, lehrava lohvhoavmoa Sesoana novrava, lohohmomba engmanalmba. Noinda Sesoana tombairava os novol velohv, Himba nomba lehrava Sesoana novrava lohvrava hevna undnahonarava, si avra beswonam yunalm. Habakuk 2:4

Hipru 11:7

Hevna undnahonara Noava hellena Sesoana ongawolmomba nomba, osva manam manam mendah nonglavmoa. Himba wohengvna Sesoamba, wo bot mendekliva kueindinvna hevna ongatowondalmba, hemba lopshalmba. Osva himba museram amballam pethanindna wevsam wulphunvna, osva doa sahoklal av. Wo hevna undnahonarava, himba nilhavna sna indhanarinielm, ten lehrangas lohvm Sesoana novra.

1 Pita 2:5

Wo eva yimba snalta hon, ten undna avm. Wo yimba Kristusmba lipethamnavrava, osrava Sesoava yemba hevna deuvmsnamba moakot velm vev. Hev si vevav hevsongolnapopol, wo noinda yimba si avav sembayang andranindilmsna hevelm. Wo yimba osva si pevmba wohwerombroh vivra Sesoamba, os ten nemet innena tatana suwera singminivnam. Yimba honamba vivra Yesus Kristusnapopol, wo Sesoava si indlothovra.

2 Pita 2:5

Wo Sesoa bui vewol vena sahaposwo indhanamba, nomba doarava temba anamba. Himba pueumbna kelvapiana annindm annindm yunalm, indhanamba nomba himba temba Sesoamba indkokla vrivnamba. Heva os Sesoava venglahawol vena Noatatanamba honamba 8pelara. Noava no indhanarini, himba wulluhunvnam moam nom, dendalangasm alm Sesoana novram.