Stat 6:6 - Waris

^6-7 wo Yawemba kinwondana plothumnivna. Hev nengna, sahonam kava vewol venama, pethara sandhana, wo hona petharini kava si kelvapiangavav, si indhanamba lohhui, tatamba lohhui, tuawava lohhui. Kav venamba honamba, wo beswonamba lohvmoa, noinda kamba kinwondana yuhla wuleuvv.

Stat 6:6 ပူးပေါင်းရင်းမြစ်များ

Yona 3:10

Doa Sesoa nongalna Ninevanindmba, ona, hevna indkoklava doa wuleihina. Wo himba wavra vovhueinnamba, noinda hevna undmba weihaloh vrevna, indkokla vewol venamoa, beswonam.

Rom 11:29

Sesoava hengava weihaloh vrevmoa hevna nowolva, osmba vev, nom indhanam, hev ten kekaiv venam hevelm, eva nom manimani, hev ten awothowol venam.

Evesus 4:30

Wo manam yimba Sesoasongolmba kinmba vreiuhvav. Memba Sesoasongolva yem wohlihawolalm, osm ora yimba Sesoanangas av. Sesoava yemba daswolna hevsongol, osm os nunglivra, pimba si wohavra helmangas, nonamba Kristusva si hengava provrava.

Hipru 3:17

Wo Sesoava anmundm wusprunna, osva venamba, tahonmba 40pelara lohvna? Himba nom wusprunvna, ten indkokla vivnam sahonam, wo hemba noinda sihavna di sahalpetharava.

Yems 1:17

manimani memba beswonamba phovpa, wo manimani besalva Sesoanamini phov. Honamba manimani besalva phov nomini, ten Sesoa venam okombam, weism, paim. Sesoava ambo nis daswolv, wo himba hengava weihaloh vewol vevmoa, himba snamba owai, oi mana vemana aenisongol, temba osva hutel lohavpa, henga tokol lohv, owai.