Stat 26:5 - Waris

⁵ Indhanamba indkumbiva si hemba nungeilvrava, doa himba eva kamba sah ovrivra, kamoa eva os vinuta yeoa, Isaktindim ten pev vinnam. Arapevpa yenamba Aprahamba kana moam engvna, eva kana lohohmom engvna, wo noinda yemba kava kolvrevav. Doa Isakva hellenamba Sesoamba, wo Apimelekm enggana Gerar kembellam, Apimelekva nomba kuwul mendekli wulluhunvna Pilistianindna.

Stat 26:5 ပူးပေါင်းရင်းမြစ်များ

Stat 12:4

Doa Apramba Yawena moamba hellenamba, wo ga Harandini. Hena osomba os lohmanavna 75pelara, wo himba gana os. Himba ongalm, buesilm, andranindm, wohm, noi wondambnamba, os wohgana Harandini. Andranindva nomba, wohva nomba, himba doara dombvna di Haranda. Wonganamba, Kenanmonam vinamba, doa petham nonglapulvo Kenan petham.

Stat 17:23

Doa honanamangas Aprahamba os vena, Sesoava ishomnanamba, wo hutovpa kukunna Ismaelna ombolna, eva hevna andranindna. No andranind, aval ten lengwol vinam hevna deuvra di, eva nomba temba himba indhanana englisriniva muehrombol venamba.

Stat 18:19

Hemangas kava pusvundthoana, osva himba beswonam si hevna otomotalmba wonavav, wo kana moam ishomana vinvra, osva heoa beswonam wevsam engivra, hillivra. Wo himba osva vivrava, kava hemba os vinvav, temba kava Aprahamba doarava tanamolnam ishomnanamba.

Stat 22:16

daipotava Aprahamba kava tanamolnam isholm venav. Kava kavna nihilmba keknam wohsevrav, kava Yawengas hem ishomnav. Himba hevna ombolmba kek vethaimoa, kamba holvoraholmba,

Stat 22:18

Hind hind indkumbiva si os nungeilvav, wo kam si ishumnivav, yeoa kamoa os vinu, ten pev Aprahamtindim kolvrowol venam. Himba doa kana moamba hellengas vei, wo noinda honamba si mana vemamba os phovav.

Stat 26:6

Doa Isakva ongali ahavna di Gerarra Apimelekinda. Tendomba nonamba osihminivnamba hena ongalmba, himba os unvna, memba kana muskovol. Himba pem vevna, ishunilmba, osva memba kana ongal, osra ata kamba helvakomandhivav, wo kana ongalva pelvreivav hevm. Ongalva besal hevm amnavna.

Matiu 5:19

Mongo indhanarini nonora lohvra mongasalm moam Sesoana bukurinim, wo ovra, sahoklal, wo owalm ishunvra, sahoklal, yeoa wuleihu, wo no indhanariniva himba si sesvmomoa kleihavav Sesoaindava ambo. Eva snamba moamba eusilva, himba manam owalmba osva unvav, wuleihu. Sesoava hemba si mullam vrepra vrevav. Wo heva os mongova yeriniva wohengvrava Sesoana moamba, eva numhowol vevrava owalmba, wo no indhanariniva si kuwulmsna wulluhunvav Sesoaindava.

Matiu 7:24

Indkumbiva himba nomba engivpa kana moamba, himba snal, oi indhanarini nengavnang besalna. Himba deuvm velm vev, doa mandamba himba wosapiha vev petha besallava lumbulla. Wo doa sismba vuvina ponamba vevna, wo hena deuvmba os wiki vrowolloh vina, wo pueumb pro, owai, hena deuvpa beswonam wohlohmanavna.

1 Korin 15:58

Seh, yeoa keknam wohavm. Manam yimba nihva wuliheimnivav, mana vemakoklamba yemba hengamba weihaloh vewolalmba. Elsus yeoa pevmoa werombroh vivm mendeklina andraraoa. Yimba nonora av, osmba yenamba mendeklina andrava si pelthasimbeihivavmoa.

Galesia 5:6

Pivva nonamba avrava Yesus Kristusindava, nomba osva lohvmoa mindnamba, pinaoa hutovoa koaihanga geinda, owai. Eva henomba hutovpa koaihangava owai vitava, eva nomba lohvmoa mendekliva. Mendekliva men honi lohv, indnahonam alm sna undnahonamba, ten und vewol vevm henom henom.

Hipru 11:8

Aprahamba keknam undnahonam lohmanavna Sesoamba, wo mongawa aong hellena, mongona petharamba galmba domba, Sesoava temba doarava wohomnanamba, vraholmba. Himba hevna pethamba wuleihalahaphona, himba hevpa mendah tit vevna, osmba hem kava gav?

Yems 2:21

Hillu, Aprahamba pina simbel luhunna, wo Sesoana moarava himba altasengra ningeholothona hevna ombolmba Isakmba, Sesoam nonam okolalm. Wo noinda Sesoava osva nengthana, yimba indhanarini windel.