Stat 22:8 - Waris

⁸ Aral ona, Sesoa hev ata pusvundthoavav, doa mendah mongawulm waingavna.

Stat 22:8 ပူးပေါင်းရင်းမြစ်များ

Stat 18:14

Wo Sesoava manam eva owai vewol vev! Doa kava yemba ishomni, weisva 12pelarava khuawol vevrava, wo si os kava henga provav, wo nonam Sarava tuendisrinimba si lengvav.

Stat 22:14

Doa olomba nomba Aprahamba os nengthana, Yawe mana vema holvoraohv kamba. Wo men daipota indhanamba mendah ishuvmona vev, Yawe hevna olora mana ema holvorahona Aprahamba.

Stat 22:7

ombol omnana, ara, aral omnana, kava hellev, ombol omnana, teh, doahnasowa men pimba plehai engav, wo sipsip otolva owai, mani ata yimba wuweihamnavav Sesoamba?

Stat 22:9

Doa di epho, ten doara Sesoa ishomnanam. Doa aral hon songowol venamba, wo tehva nosra beswonam waihekala, venamba, ombolm wena ningenamba, tehsra sena ningeholotho.

Yonna Yesusmoa 1:29

Wo mongnasimba Yonmba nonglanga vena, Yesusva ten prov kaindam. Hev unna, nunglu, sipsip otol Sesoana, he pethanindmba kilumbshuawol vev indkoklariniva.

Yonna Yesusmoa 1:36

Himba wonnonglanga vena, ten Yesusva kohangav, wo unna, nunglu sipsip otolm Sesoanam.

Poaitamoa 13:8

Memba himba nomba avpa huiva petharava, si okulivra sembayangnamba sungeittatam. Manara, nonamba Sesoava doarava pethamba vevnamba, veiva, daipota men, henamba nihilva lopo veluhungu vinvnamoa sipsipna tombairava, temba noindava kilihavpa, beswonamba yunalmba wohalmba. Hona tombairava memba hona indhanamba, sipsippa doa hemba daswolna, undmba nonapopolmba wohalmba yunalmba. Sipsip otolva, noi ten helvakomandhinam.

Poaitamoa 5:12

Wo indkumbiva eishovna moamba mindnam, Nomba sipsip otolva miklinamba, noinda himba besal, wo kava hemba okuliv. Himba keknamangas av, manimani besalva henangas, manam manam nowolva hengas wulluhv. Hengasta nihilva mendekliva wulluhv, hena nihilva okuliv.

Poaitamoa 5:6

Wo kava nonglana, sipsip otolva hovra lohvna no vuherava, no ovsongolnindva novnamba 4pelarava eilungung vrelohmanavna. Wo kuwulva eva eilungung velohmanavnata di. Nomba sipsip otolmba os nunglivna, ovna, doa miklie. Himba os ilohvna 7pelara kasalva eva 7pelara novpa. Nomba yunam Sesoasongol, temba wolaihapranamba hona petharamba vavawonamba.

Poaitamoa 7:14

Ka ophona, mendekli, kava tit vev, yimba nonora lohv, annind himba. Wo no kuwul ona, Hona indhanamba memba himba kinm lopsho vruwuvmona vevna, nomini phosohna. Himba poswol vina hevna pikian tokolva sipsip otolna tovolnana. Wo daipotava nemel dombalangas.