Stat 20:9 - Waris

^9-10 Doa Apimelek ona, Apraham prora, pronamba, doa ishomna, yimba kamba mindnam indkokla vewol vena, Sesoava kamba indkokla vewolalm ovna, kavm kavnam indhanam. Mani kava yemba doara vemnana, wo noinda yimba kamba sahokla vrelm vev? Hona wevsava yimba memba vevnamba, beswonam yimba vevnama.

Stat 20:9 ပူးပေါင်းရင်းမြစ်များ

Stat 12:18

Wo Pero ona, Apram prora, kav sah ovrelm vev. Apram pronamba, Pero omnana, manaram yimba kamba osva sahonamba venavna, manara yimba kamba omnanamoa, osva memba kana ongal? Manara yimba kamba doarava ishomnana, memba kana muskovol, noinda kava vrana? Oh, men Saraiva, pev vrao, wo waiwohgao kanaminioa.

Stat 20:8

Doa simolnamba Apimelek hevna mendeklim nembaomana vena, os ishunna, hev ten inungpunungra nonglanam. Wo indkumbi pemba esvema vivna.

Stat 26:10

Doa Apimelek omnana, yimba honamba kamba sahonam vinvna. Osva mongova kariniva wailitava yena ongapevmba, wo osva mendekli ata indkoklawonam kainamba lohta.

Stat 29:25

doa simolnam phonamba, nonglana, ona pai memba Lea, Reselva owai. Doa himba nnolindam ga, omnana, manara yimba kamba deswuhi? Kava yemba waiandra venamba, ona, ka Reselmoa vrai, wo yimba kamba deswuhi Leana.

Stat 34:7

Doara himba hillinamba, nonora ambvna, doa hemba sahokla vinvna, aembko lomotha vivna, pai, pina muskovmba doa kevrai, himba sahonam venei, wo honamba memba pim louwolm plothuni pim Israelnindm.

Stat 38:24

Doa weisva samblamong khuawol venamba, wo indhanariniva Yutam os ishomnana, kopevpa yenamba tlahui, heva os ena av, himba sahokla vena. Doa Yutava hellenamba, omnana, pimba pivna wevsana vinivra, helvakomandhirava, suwera wuweihi.

Stat 39:9

Honamba deuvnamba ka kuwulva wulluhv, osva hevpa temba, wo kamba ovomnanamoa mana vemamba, yemangas hena ongalm. Es hevpa kava osva sahonamba vevav Sesoana novrava, owai.

Rom 2:11

Sesoana lesvhoawolallava, indhanamba indkumbiva pelpethavav mongawa monam.

Titus 1:11

Hona indhanaoa doa wuleihira, moamoa isholmoa. Himba indkokla vewol ovuv indkumbimba no moakolanamba, osva himba owai, numha vrevramoa sna moanamba. Himba numhowol vivna hemba ambo dasalm novtotholm indhanamba, noindam dim dumbunilm henam.

Hipru 13:4

Onganungmoa longong vrivra indkumbioa. Tlal ongal hevna evrowolalmoa, hengava manam emuksawoksava evevav. Sesoava sesm si vinvav hindmba, nomba temba iaindavpa ongariskuirava.