Stat 20:1 - Waris

¹ Doa Apraham nomini phonamba Mamreriniva, mongona pethara wonavhoana, Katesra hovra Surra. Doa nomini wonphonamba, mongona pethara wonavhoana Gerarra. Gerarna mendeklina nihilva Apimelek wulluhunna.

Stat 20:1 ပူးပေါင်းရင်းမြစ်များ

Stat 10:19

Wo ehelva os Saitonda Gasara venamba, Gerarra, wo mongova ehelva Sotomra, Gomorara, Atmara, Sepoimra venamba, murapeta Lasara.

Stat 12:9

Wo nominiva pulvonamba, avavho vilangavna mendah Kenan petharam. Isipnasis os avavho vilangavna.

Stat 13:1

Doa Apramba nominiva wonganamba Isip pethariniva, henga Kenan pethara aevulthana. Ongalm buesilm wohm di wonavhoana.

Stat 16:1

Doa Apramnamba ongalva Saraiva phal avna, wo noinda himba tlalm omnana, kava andranindrinim men waiav Isipongorinim, nihilva Hakar. Kava yemba os nengmanav, yeoa Hakarm vro, verava, ena vethara, manara, kava phal av, kava si yemba otolva sleihamanavavmoa, manara Yawe doa emba kanamba kevrana. Himba otolva lengtava, si kava osva ovav, kana. Memba pina wevsa luhunv.

Stat 16:14

Wo noinda indhanamba pomba nomba osva sevriv, Sesoana pomba, nomba Sesoava indhanamba nongalv. Pomba nomba di liv hovrahovra Katesra Beretra.

Stat 16:7

Doa monam gavna, di pethakoklara ganamba, pora avna di Sur kembella murapeta. Doa Yawena moainal ovsongolnindrini nonglaphonamba,

Stat 18:1

Doa Aprahamba mendah wonavna di sahitsingi Mamreinda, Yaweva nonglaphona os. Okombava hovrahovra lohvna, wo Aprahamba tuvra lailduvra avna,

Stat 21:34

Wo Aprahamba di Bersepara mindnam alohna, Pilistianindna pethara.

Stat 24:62

Doa anganamba, wo nonamba Isakva doara wuleihana pethamba, di ten tovalp lohvm, os ningthivna Sesoana tovalp, doara hev avhoana pundra pethakoklara.

Stat 25:18

Wo hetindiva di aevluwul vevna Havilara hovra Surra, di Asiria pethamonara aevluwul vevna, ten okomba pholohvm Isipnahalm. Himba indanam aevluwul vevna, Aprahamtindiva indanam aevluwul vevna, manara, himba daosnind avna.

Stat 26:1

Doa owousva phovna petharava diva, indanampetam seilva Aprahamna novrava.

Stat 26:20

Wo sism himba dahwol vivna sipsipmba Isaknamba, Gerarnindva himba ambvnamba, koasromb vi, unna, memba pomba kana, yenamba owai. Doa Isakva os tovalpmba nomba sevravna Esek, osm ovna, koasromb.

Stat 26:26

Doa Apimelekva mendekli hevnamini Gerarrini prona, Isakm engprana. Wo hevna mendekli samblam wonprona, vei Ahusatm nonoanindrinim, eva valgonindna kuwulm Pikolm.

Stat 26:6

Doa Isakva ongali ahavna di Gerarra Apimelekinda. Tendomba nonamba osihminivnamba hena ongalmba, himba os unvna, memba kana muskovol. Himba pem vevna, ishunilmba, osva memba kana ongal, osra ata kamba helvakomandhivav, wo kana ongalva pelvreivav hevm. Ongalva besal hevm amnavna.