Stat 19:17 - Waris

¹⁷ Doa Sotom kembellini vinamba, mongo no tendorini samblava unna, lelnam yeoa angavm, manam yimba moih vivav diva pundrava. Manam yimba sisnovpa vemb vevav homba. Oloramangas wohango, wo diva ata yimba beswonam aevulvav.

Stat 19:17 ပူးပေါင်းရင်းမြစ်များ

Stat 13:10

Doa Lotva nungsis velohanamba, nonglapiha vena Yotanpundm, lehra, besal hevm keleilvna. Nonglanga vena, pomba mindnam gengu vev diva. Pethava nomba snal lohvna, ovna, Yawena oso, ten Yawe hev denwit wolanam, eva maim oi Isipnindna petha, ten keleilinvm Soar kembelnahalm Wo nonamba Lotva osva omnanamba eisilmba Yotanpundram, memba nonam mendah Sesoava kota samblamba indkokla vrowolvnamoa, owai, Sotom kembelm Gomora kembelm, no pundra elohvnam.

Stat 14:10

Doa Sotomnindna kuwul, Gomoranindna kuwul, himba pem engalm evevna. Heva os owai, melva di luhungu vevna pundrava, wo mella epihohowolna. Kuwulva monglava samblamongova wohangana pem oloram.

Stat 18:22

Doa tendomba nomba samblava dasvholaha engana Sotom monara, wo Yawe hev mendah Aprahami di elohvna monara.

Stat 19:18

Wo Lot henga unna, owai, es eva kava oloramba.

Stat 19:22

Yeoa lelnam angavm, kava mana vemamba vinvavmoa Sotomnindmba lelnamba, boasna ye di wonphorava. Kava es eva nunginamba evevav. Lotva ona, eusilva nomba kembelva, wo noinda os ningthiv Soar, osm uv, eusil kembel.

Stat 19:26

Lotna ongalva sisnov ona vena, doa wanalm nilhana, ona hon.

Stat 19:30

Doa Lotva pem vevna wohalmba no Soar kembellava, wo nominiva wonphona, oloram wongana, di wonavhoana honmera hevna mol samblam.

Matiu 3:7

Varisinind eva Satusinind, himba keknam wohengivna sembayang wevsam, wo himba nonglalm ambna Yonm. Kam ambo poswol veo pona, hev umnina Yonm. Yon unna, yimba sahoklal, an yemba unna, homba kaindamba ambalmba? Yimba os ningvma, kava si beswonamba lovahvav, sewonamba Sesoava lesvhoawol vevrava indhanamba, pimba si os beswonam avav. Owai, yimba ambo dasalm vinv, kava tanam kavmba weihaloh vewol viv.

Lukna Yesusmoa 12:23

Yena nihva innemba nelmangasva lohvmoa, wo eva yena nihva pikianmba vewolalmangasva lohvmoa owai. Yeoa keknamoa pevna undm ningvm.

Lukna Yesusmoa 9:62

Doa Yesusva hemba henga olhmona omnana os, himba nomba Sesoatindilmba lohvrava, himba nomba Sesoana lukandra vevav. Wo manam himba lumba velahavra, sisnov venga ve hevna osom deuvm owalm. Himba manam duus vevra, ambo Sesoana andrangas nis vevra.

Hipru 2:3

Heva os nemel moanonoava, pimba nonamba lopshalmba, mendekli hevm. Wo noinda osva tanam pimba si kinmba vrivra, pivva osva allava, ovra, owai, ambo gekala uv honamba. Yesus mendekli hev honamba nemelmomba seilva ishona, monakoklarinimba lopshalmba, wo moalamangnindva nomba temba hemba hella vrivnamba, pim indkumbim wohlihalm vinna, osm hona lopshalmba monakoklariniva tanamolnam.