Stat 18:19 - Waris

¹⁹ Hemangas kava pusvundthoana, osva himba beswonam si hevna otomotalmba wonavav, wo kana moam ishomana vinvra, osva heoa beswonam wevsam engivra, hillivra. Wo himba osva vivrava, kava hemba os vinvav, temba kava Aprahamba doarava tanamolnam ishomnanamba.

Stat 18:19 ပူးပေါင်းရင်းမြစ်များ

Stat 12:2

Wo yetindiva si noinda mindnam phovav, kuwulva si mendekli yimba wulluhunvav, manara yemba si kava kolvrevav. Wo yimba si os vinvrata, indhanamba kolvrowol vevav.

Stat 12:3

Wo indhanamba yemba beswonamba vrivrava, nomba indhanamba kava si beswonam eva vewol vevrata. Heva os yemba nomba indhanamba sahonamba vritava, no indhanamba si kava sahonam vewol vevav. Wo kananapopol yimba si beswonam vinvav indakonda pethanindmba.

Stat 17:9

Doa Sesoa mendah Apraham ishomnavna, yeoa kana moamoa vevrarava, osva kana keusingi lovahmanavav, ye yena otomotalm yunalm.

Stat 22:18

Hind hind indkumbiva si os nungeilvav, wo kam si ishumnivav, yeoa kamoa os vinu, ten pev Aprahamtindim kolvrowol venam. Himba doa kana moamba hellengas vei, wo noinda honamba si mana vemamba os phovav.

Stat 35:2

Doa Yakopva hellenamba, hevtindim unna, yeoa meilna viu,

Matiu 25:17

Eva osta nomba temba K2000va dombnamba, himba inganamba, nona bisnisandra vawovna, venamba, henga mongla K2000 dombna nona, wo os lohmanana mongawulmba K4000.

Yonna Yesusmoa 10:14

Kava besal sipsipna kekalvhonindrini. Kava lihawol vev kavna sipsipmba, os ten ara kam lihavm. Wo eva kana sipsippa kamba kavmba liheivavta. Kava kavmba wirehunv, daheinilm kavna sipsipm.

Yonna Yesusmoa 21:17

Wo henga Yesus tomnanam, Simon, Yonna ombol, es hevpa yimba kamba und vevma? Pitava lous vovhoana, manara noinda Yesus henga no mongawamona osahmananam, es hevpa yimba kamba und vevma? Pita omnana, mendekli, yimba manam manam nonorangas lohv. Yimba nonora, osva kava yemba und vev. Hev omnana, kekalvho vrinvm kana sipsipm, inne dahwol vevm.

Aposel 27:31

Wo heva os Polva ishunvna valgonindna kuwulm eva valgonindm monglam, unna, hona indhanamba aevmba owai vetava botrava, ata pimba vilotamoa.

Evesus 6:4

Yimba arahumunilva, manam yimba sahonamba indkokla vewol vivra pevna otovotalmba, osmba ora noinda wusapramana vevra, owai, sishona vewol vivm hemoa mendeklina moara, eva numhowolalm.

1 Timoti 3:12

Kokoldombnindoa mongawa onganangas lovahvra. Wo heoa besal luhunvra kuwul hevna ongatowondalnaoa.

2 Timoti 1:5

Kava yena undmba tanam nengmanav. Nomba sna undva, seilva yena ongapevna Loisna lohna, eva pevna avapevna Yunisna. Wo os kava nengv, yimba nona sna undnamba lohv.

2 Timoti 2:19

Wo heva os Sesoana bolvol boalgalva osangas wohlotholohv keknam, wo moamba honamba di noinda novol velohv boalgalsra, Wo mendekliva nongalv, osva ov, himba nomba memba kana. Namba 16:5 Wo eva osoa novol velohvta, indkumbiva nomba temba osva uvpa, kava keknam amnav mendeklimba, doa heoa wuleihivra sahoklamoa.

2 Timoti 3:15

Yimba doa levrapivongona Sesoana doaramini tombaimomba, eusil doara, venamba, daipota. Honamba Sesoana doaramini tombaimomba yemba wulalm vev, osm verava, ambo nongapala vevra nowolla. Wo nomba besal nowolva mona vuenghav, osm Sesoava yemba lopshav monakoklariniva Yesus Kristusnana.